Sermiligaami atuartut sapaatip akunneri sisamat ingerlaneranni assigiinngitsunik sammisaqareerlutik naammasseqqammerput, tamannalu meeqqanut assut tigulluarneqarpoq, pinnguaatersornerit assigiinngitsut, nunakkut imaatigullu angalaarnerit assigiinngitsorpassuarnillu sammisaqarnerit aammalu eqqumiitsulianik sanallutik.
”Sermiligaami atuartut ilaat ameerikamiut sorsunnersuup aappaata naammassinerani sakkutooqarfik Ikkatteq qimannikuusaata, eqqaaniittunik eqqakkanik eqqumiitsuliorput,” Sermiligaami atuarfiup pisortaata Lulu Dyrh Helt oqarpoq.
Tunumi nunaqarfik Sermiligaaq 220-it missaanik inoqarpoq, atuartullu 40-it missaaniillutik, arfinilinillu ilinniartitsisoqarluni.