Nuup Norgemi illoqarfittut ikinngutigisaanit Tromsø-mit aallartitat ullut tallimat tikeraaqqammerput
Issittumi illoqarfiit Tromsø aamma Nuuk assigiinnik suliassanik unamminartunik suliassaqarput, taamaattumik suleqatigiinnikkut issittoqarfimmi ataqatigiinnerulernermik nukittorsaaqataasaaq.
Oktobarimi 2018-imi borgmesteri Asii Chemnitz Narup Tromsøllu oqaaseqartartua (borgmesteria) Kristin Røymo illoqarfittut ikinngutigiittut isumaqatigiissummik atsioqatigiipput, atsioqatigiinnerup kommunini taakkunani suliassaqarfinni assigiinngitsuni soorlu illoqarfinnik ineriartortitsinermi, avatangiisinut piujuartitsinissamullu suleqatigiinnissaanik pisussaaffilissavai.
Tikeraarnermi imminut ilisarisimanerulernissaq siullertut siunertaavoq, siunertanullu ilaavortaaq illoqarfinni ineriartortitsinermi, avatangiisinut piujuartitsinermilu suliassaqarfinni malittarisassanik isumaqatigiissiornerit aallartisarnissaat.
Tikeraarnermi ilaatigut suliffeqarfiit kulturikkut suliaqartut, paaqqinniffiit, suliffeqarfiit, kattuffiit, peqatigiiffiit ingerlatsiviillu takuniarneqarput aammalu workshoppertitsisoqarlunilu isumasioqatigiittoqarpoq. Norgemit aallartitat tikeraarnerat naggaserlugu attaveqaqatigiinnut nerisitsisoqarpoq.