Innuttaasunut

Meeqqat katersuuttarfissaminnik kissaateqarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

”Katersortarfittaarusuppugut”, taama oqarput Ittoqqortoormiini meeqqat

Ittoqqortoormiini café-mik ataatsimiititsisoqarpoq, tassani inuusuttut kommunalbestyrelsianni ilaasortat peqatitik naapippaat illoqarfimminni suut takorloorneraat paasiniarlugu.

Kommuneqarfik Sermersuumi ilaqutariinnut siunnersortit kiisalu Simon Madsen inuusuttunut kommunalbestyrelsimi peqataasoq ataatsimiinnermi peqataapput.

Café-mi ataatsimiinnermi peqataasut tunniusimapput isumassarsianillu ulikkaarlutik. Ilaatigut meeqqat kissaatigaat:

Katersortarfik

Timersornerunissaq

Nipilersornermik Ilinniarfik

Tivoli

Qaqqami pisuttuarnerit

Neriniartarfik

Filmertarfik

Mittarfik

Atuarfiup eqqaani pinnguartarfik

Atuarfimmi kioski

Atuarfiup eqqaani sukuutsertarfik

Ilinniartitsisut ilinniarsimasut amerlanerit

Meeqqanut diskoteki

Siorna inuusuttut 21-t siullermeerlutik Kommuneqarfik Sermersuumi demokrati, akisussaaqataaneq, sunneeqataasinnaanerlu pillugit naapipput. Ataatsimiinnerup kingorna inassuteqaateqarput politikkikkut oqaluuserisassanngortinneqartunik. Kommunimi meeqqat ilungersunartorsiortut ikiorluarneqarnerunissaat ilaatigut inassuteqaatigaat. Inuusuttullu kissaataat malillugu kommunimi café-mi ataatsimiititsisarneq aallartinneqarpoq.

Café-mi ataatsimiinneq tulleq Tasiilami ingerlanneqassaaq.