Innuttaasunut

Tassa maanna saliisoqartariaqalerpoq!

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Amerikamiut sakkutooqarfiginikuusaani qimatanik aasaq manna saliinissaq aallartissaaq – saliinissat marluk siulliit maanna tamanut neqeroortitsissutigineqarput 

Kingullermik illersorneqarnissaq pillugu isumaqatigiissummut atatillugu saliinissnuat taama ittunut katillugit 180 millioner koruunit immikkoortinneqarput.  Suliassat ukiut arlallit suliarineqarnissaat naatsorsuutigineqarpoq.

Aallaqqaammut Nuup kujataani Marraq, Tasiilallu pigisaani Ikkatteq suliarineqassapput. Suliassat siulliit aasap ingerlanerani suliarineqassapput sumiiffinnilu pineqartuni tamani immikkut sapaatip akunneri pingasut suliarineqarneri ingerlanneqassallutik.

”Nuanneqaaq kiisami saliinissaq aallartissinnaalermat, soorunami aamma peqqissaarullugit saliiffigineqartariaqarput. Taamaattumik piareersaanissaq neqeroortitsinermi ilanngunneqarpoq. Siunissami suliassaq qanoq ajunnginnerpaamik suliarissaneripput ilaatigut paasiniartussaavarput, sumiiffinni taakkunani marluusuni saliinerit sinneruttut ilaat pineqalerpata”, Avatangiisinut Pisortaq Frank Rasmussen oqarpoq. 

Sumiiffinni taakkunani marluusuni aasaanerani saliinissat qanoq pitsaanerpaamik suliarineqarsinnaanerinut paasissutissiinissamut aqqutissiuussisuussapput. Tamassuma saniatigut avatangiisit misissoqqaarnissaasa aallartinneqarnissaat ilimagineqarpoq, aallaqqaammut sukumiinerusumik avatangiisit misissornissaannut pisariaqartitsisoqarnersoq nalilersorneqarnissaannut tunngaviusussaammat.

Amerikamiut sakkutooqarfiginikuusaasa takussutissartaat kulturikkut oqaluttuarisaanermullu annertuumik isumaqarput.  Taamaattumik Kommuneqarfik Sermersuup naatsorsuutigaa Ikkatsip ilaani eriagisassat allanngortinnagit qimanneqarnissaat.

Pilersaarusiap aqutsisoqatigiivini ilaasortat tassaapput Kommuneqarfik Sermersuup saniatigut Namminersorlutik Oqartussanit Pinngortitamut Avatangiisinullu Naalakkersuisoqarfik kiisalu Danmarkimi Illersornissamut ministeriaqarfik aamma avatangiisinut inuussutissaqarnermullu ministeriaqarfik.

Kommuneqarfik Sermersuup Neqeroortitsiviata isertarfianut iserlutit paasissutissat amerlanerusut takusinnaavatit