Tasiilamiittoq illu B2 nutaamik taaguuteqalerpoq. Maanna inuusuttut kulturikkut illuat ”Igdlo”-mik ateqalerpoq.
Marsip naalernerani inuusuttut kulturikkut illuata taaguutissaanik unammisitsisoqarpoq.
Unammisitsinermilu inuusuttut kulturikkut illuat qanoq ateqarumaarneranik assigiinngitsunik siunnersuuteqartoqarpoq. Unammisitsinermi ajugaasumik toqqaanissamut aalajangiisussaatitaasut suliassinneqarput. Taakkua toqqarpaat ”Igdlo” taanna arlalinnik isumaqartinneqarluni toqqarneqarpoq.
”Ateq allattaasitoqqamik allataavoq, taamaalilluni ileqquusumik kulturimut atasuutinneqarluni” taama oqarpoq inuusuttut kulturikkut illuanni aqutsisuusoq Mia Skifte Lynge nangillunilu, ”inuusuttut kulturikkut illuat aamma ateq Igdlo imminnut tulluartuupput. Inuusuttut katersuunnissaannut qitiusuuvoq. Igdlo qanga ileqquusumik kulturimut nutaaliaasumullu inissaqartitsissaaq”.
Mia Skifte Lynge oqarpoq, ateq inuusuttut kulturikkut illuannut naleqqulluartuusoq. ”Illuuvormi nammineerluta sammisassarpassuarnik kissalaarnermillu immersugassarput, nalunngilaralu pissanganartorpassuarnik aaqqissuussaqartarumaartugut”, Mia Skifte Lynge oqarpoq.
Atissaanik unammisitsinermi Henning Arqe ajugaasuuvoq gavekort-imillu pinnattuuvoq.