Innuttaasunut

Qimminut tamanut imeqartitsineq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Februaarip 5-ni innuttaasunik ataatsimiititsinermi Tasiilaami innuttaasut ilaannit naammagittaalliutigneqarpoq, qimmeqarfiup eqqaani imermik aallerfissaqannginnera.

Maanna tamanna aaqqiissuteqarfigineqarpoq. 2017-imi takornarialerisartut ”Robin Hood” suleqatigalugu imiisiviit 1000 literimik imaqarsinnaasut pilersinnerisa saniatigut, maannakkut kuummiit imermut slangiliisoqarnikuuvoq, taamaasillunilu ukioq kaajallallugu imermik pissarsisoqarsinnaanngorluni.

Taava aamma imiisiviit 10-t Tasiilamut tikiunneqarnikuupput. Imiisivimmik 1000 literimik imaqarsinnaasumik pisariaqartitsigaanni Anna Kûitse Kúko uunga siarfigalugu attavigineqarsinnaavoq: 00299 367851.

Imiisiviit innuttaasunut tamanut atugassiaapput, imaappoq inuit namminneq pigisarinngilaat.

Tassunga atatillugu qatserisartut isumaqatigiissuteqarfigineqarsimapput, tankit nutaat innuttaasunit kissaatigineqartillugu salinneqartassasut.

Tankit aasaanerani kuummit slangimit immerneqartassapput. Taamatut aaqqissuussineq illoqarfinni qimmeqarfiusuni aaqqissuussinernut assinguvoq.