Innuttaasunut

Ittoqqortoormiit: Aputaajaasarneq angallannerlu aaqqiivigineqartariaqarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Marlunngornermi unnukkut Ittoqqortoormiini innuttaasut ataatsimiisitsinneqarput. Inuit 30-it missaat atuarfimmut takkupput.

Ataatsimiititani siulittaasuusut marluk, tassaasut Charlotte Ludvigsen, Suliffeqarnermut Isumaginninnermullu ataatsimiititami siulittaasoq kiisalu Uju Petersen Meeqqanut Ilaqutariinnullu ataatsimiititami siulittaasoq tikilluaqqusipput.

Charlotte Ludvigsen aallarniilluni ima oqarpoq: ”Qujanarujussuaq takkukkassi. Uagutsinnut pingaaruteqarluinnarpoq tusassallugu qanoq oqariartuuteqarniarnerlusi. Suut maani unammillernartutut taaneqarsinnaappat qanorlu oqaluttuarusuppisi. Maaniippugut tusarnaariartorlusi kissaatigisasilu angerlaatissavagut kingusinnerusukkullu eqqartussallutigit.”

Uju Petersen: ”Qilanaarpunga ilissinninngaanniit immersorneqarnissara. Nalunngilara assigiinngitsunik unammilligassaqartusi, ilaatigut aqquserngit, ingammik apisimatillugu. Eqqartueqatigiitta suleqatigiillutalu. Qilanaaraara tusarfiginissarsi”.

Ataatsimiigiat peqataalluarput apeqqutissaqarpassuaqarlutillu.

Ittoqqortoormiini innuttaasut akornanni ajornartorsiutitut isigineqartoq ilaatigut tassaavoq illoqarfimmi aputaajaasarneq.

”Aputaajaasarneq upernaakkut aallartittarpoq apullu aqquserngup killinganut katersuunneqartarpoq. Tamannalu pissusissamisuunngilaq, apummi katersuuttarpoq ulorianarsinnaasarlunilu. Illut matoorneqartarput. Qanoq iliussaagut illoq ikuallaleraluarpat? Sooruna aput illoqarfiup avataanut inissinneqarsinnaanngitsoq? Soorlu illoqarfinni allani taamaasiortartut.

Innuttaasut eqqartugaat alla tassaavoq Ittoqqortoormiini tunitsivissaaleqisarneq.

”Uumasuuterpassuaqarpugut, sineriak kalaaliminernik pilersorsinnaangaluarparput. Kisianni tunitsivissaqanngilagut. Fabrikki sukkanerpaamik ammarneqartariaqarpoq. Tunitsiveqalerutta illoqarfitsinnut assorsuaq iluaqutaassangaluarpoq. Amminik suliaqarsinnaalissangaluarpugut, namminerlu qapiartarlugit, illoqarfinnut allanut nassiutinngikkaluarlugit. Ullumikkut qimmigut qilalukkat neqaanik mattannillu nerisittarpagut, tunitsivissaqanngilagummi”.

Ittoqqortoormiini angalasarniarnerup kipiluttunarnera aamma innuttaasut ataatsimiisinneqarmata eqqartorneqarpoq.

”Angallannermi kiffartuussineq allanngormat atukkagut ajorseriaannarput. Ittoqqortoormiinukarniaraanni maannakkut Islandi aqqusaaqqaartariaqarpoq. Aqqut takinerulerpoq Islandimilu aningaasartuutissagut amerlipput. Maannarniarneq ajornannginnerusariaqaraluarpoq. Innuttaasunut akisoqaaq, aammalumi suliffeqarfiutilinnut. Allaanngilaq tusarneqarumanngitsugut.”

Charlotte Ludvigsen: ”Soorunalimi aaqqiissutissat ilaat Ittoqqortoormiinut nalimmassartariaqarput. Assigiinngitsorpassuarnik eqqartueqatigiippugut, eqqartukkallu ilaat kommunalbestyrelsemut attuumassuteqanngillat, Namminersornerullutik oqartussanut tunngasuullutik. Apuukkusutasi Naalakkersuisunut ingerlateqqikkumaarpakka, oqariartuutisi taakkununnga tunngasut. Nuanneqaaq naapillusi, toqqaannartumillu tusarfigalusi. Qujanarujussuaq oqariartuutigisassinnut” Charlotte Ludvigsen oqarpoq.

Charlotte Ludvigsen Uju Petersenillu saniatigut ataatsiititani ilaasortat allat peqataapput, tassaasut Inge Olsvig Brandt, Rasmine Geisler, Rolf Pike, Knud Mathiassen, Ane Egede Mathæussen kiisalu Suliffeqarnermut Isumaginninnermullu pisortaq Isak Nielsen Kleist, Meeqqanut Ilaqutariinnullu pisortaq  Martha Lund Olsen kiisalu allatsi Pernille Ødegaard.

Ataatsimiititat taakku marluk Ittoqqortoormiini suliffeqarfinnut arlalinnut kommunip ataaniittunut pulaarput, ilaatigut atuarfik, Majoriaq, ut