Suliffeqarfiit aningaasarpassuarnik sipaaruteqarsinnaapput eqqagassaatitik eqqortumik passukkunikkit.
Suliffeqarfimmi entreprenørini EJM-Atcon-imi sulisut Nuummi Eqqagassalerivik aqqusaarpaat akunnerullu ataatsip ingerlanerani eqqagassanik passussineq pillugu saqqummiivigineqarput. Uani sammineqarput eqqagassanik immikkoortiterinermi malitassat pingaarnerit, aammali ajornartorsiutaasinnaasut immikkuullarissutut taaneqarsinnaasut, entreprenørit suliffiutiminni takusartagaat.
EMJ-Atcon namminneerlutik eqqagassat pillugit saqqummiussamik taama ittumik ujartuisuupput:
”Uagut suliffeqarfitsinni eqqagassanik immikkoortiterinissaq tapersersorusuttuarparput. Avatangiisinut aningaasaqarnermullu pitsaaqutai erseqqilluinnarput. Taamaattumiguna sulisutta eqqagassanik pitsaanerpaamik eqqortumillu passussisinnaanissaat kissaatigigipput”, oqarpoq Bo Eriksen, EMJ-Atcon-imik piginneqataasoq.
Jonas Søndergaard, eqqagassalerivimmi Facility Supervisori, ingerlaannaq Eqqagassalerivimmi suleqatinilu ullut marlussuit ingerlanerini kissaatigineqartup ingrlannissaanut piareerput. Erseqqissaavorlu suliffeqarfiit allat namminerpiaq eqqagassaatiminnik passusinissamut paasisaqarnerorusukkunik saaffiginninnissaminnut tikilluaqqusaasorujussuusut
”Uagut suliassarivarput eqqagassat eqqortumik passutissallugit avatangiisit aningaasaqarnerlu isumatusaartumik eqqarsaatigalugit. Soorunami, taamaasillutik suliffeqarfiit namminerminnut tulluussakkamik ulluinnarnilu aaqqiissutitut atorsinnaasaannik siunnersuerusuttorujussuuvugut” Jonas Søndergaard oqarpoq.