Kommuneqarfik Sermersuup matumuuna sanaartornermi ikaat akittorterussatut nalunaarutigai. Sanaartornermi ikaat Avatangiisit innarlitsaaliorneqarnissaanik Inatsisartut inatsisaat nr. 9, 22. november 2011-meersumi § 36, imm. 1 naapertorlugu qaammatini pingasuni inuttassarsiuunneqarsimapput, inatsimmilu tassani § 36, imm. 2 naapertorlugu akittorterullugit tuniniarneqarsinnaallutik.
Sanaartornermi ikaat isikkumisut isikkoqartillugit qularnaveeqqusigaanngitsumik tuniniarneqarput. Ikaat amingaateqassappata ajoquteqassappataluunniit tuniniaasoq kingusinnerusukkut akisussaasunngortinneqarsinnaanngilaq.
Ikaat sanaartorfimmiimmata pisinermut piumasaqaatigineqas-saaq, ikaat pisiarineqariarpata erngerlugit peerneqarnissaat. Taamaammat pisisup uppernarsassavaa, ikaanut ilitsiviusinnaasumik peqarluni ikaallu pisinerup kingorna ullut pingasut qaangiutsinna- git nuunneqareersimassasut. Ikaat pisinermi erngerluni akilerne-qassapput.
Sanaartornermi ikaat soqutigigukkit pisiniarlutillu neqerooruteqannginnerni takoqqaarusukkukkit, Kommuneqarfik Sermersooq, Sanarfinermut Avatangiisinullu Ingerlatsivik, +299 36 70 00 ukuluunniit afdelingsleder, Vilhelm Lynge Hard, telefon: 36 76 42, e-mail: vilh@sermersooq.gl, teknisk medarbejder Andreas Mølgaard-Christiansen, telefon: 36 74 49 e-mail: amch@sermersooq.gl ilmt. fuldmægtig, Lillian Jensen, telefon: 36 74 23, email: lije@sermersooq.gl saaffigisinnaavatit.
Pisiniarluni neqeroorutit kingusinnerpaamik 20-12-2018 nal. 12. Kommuneqarfik Sermersuumut apuunneqarsimassapput. Tamatuma kingorna annerpaamik neqeroortoq saaffigineqassaaq, akiliinissarlu isumaqatigiissutigineqassalluni.