Innuttaasunut

Nuuk nuannaraarput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Tallimanngornermi ualikkut kommunip allaffiani Nuummi innuttaasut 18.000-ngornerat nalliuttorsiutigineqarpoq.

Social mediani unammisitsineq #ilovenuuk ingerlanneqarsimavoq, tassanilu innuttaasut periarfissinneqarsimapput assimik ikkussinissaminnut kiisalu sooq Nuuk nuannarinerlugu allaatigilaarlugu. Borgmester Asii Chemnitz Narup-p ajugaasut kikkuuneri saqqummiuppai.

Ajugaasullu tassaapput:

Cecma Jakobsen
#ilovenuuk Nuummi asanninneq qujamasunnerlu misigineqarsinnaapput, maluginiaraanni. Meeqqaniit utoqqarnut ullut tamaasa qungujunneq aamma misigisassaalluni.

Johanne-Marie Bergstrøm
#ilovenuuk 3900 Nuuk York City nuannareqaara. Illoqarfik uummaarissoq periarfippassualik, minnerunngitsumik maani inunngorpunga peroriartorlungalu. Maani katippunga, maani meerartaarpunga tullerlu aamma takkutilerluni, qanigisakka tamarmik maaniipput. Uagut inuunerlu – tassa aatsaat inuuneq.

Peter Nørris Christensen
#ilovenuuk Nuuk illoqarfik sutigut tamatigoortuugami ineriartortuaanartoq, sila qanorluunniit ikkaluaraangat silagittuaannartoq qimatassaangivippoq.

Isabella Christin Schluchtmann
Periarfissarpassuaqarpoq, kikkullu tamarmik inissaqarput! Naapitagut qungujuttarpagut. Avatangiiseq kusanarluinnartoq, manna nuannareqaara!

Ajugaasut tamarmik BOSE højtalerinik tunineqarput. Qatanngutigiit Rita aamma Malu Falck Petersen nipilersorput.