Sapaatiummat Nuup illoqarfiata qeqqani orpimmik ikitsineq innuttaasunit 1000t missiliorlugit amerlassusilinnit najuuffigineqarpoq
Ileqqoq malillugu Nuup orpia Adventip sapaataasa siullianni nal.16.00 ikinneqarpoq. Inuit 1000t missiliorlugit amerlassusillit Juullip Inuata qatserisartut majuartarfii qamutitallit atorlugit illoqarfiup juullerpalaarnera aallartillugu orpik ikikkaa najuuffigaat.
Borgmester Asii Chemnitz Narup oqalugiaammini aallartikkami meeqqat najuuttut juullimut kissaatiminik apuussiffigai:
”Juullimut marlunnik kissaateqarpunga. Alersersuit oqortut, meeqqallu qinngasaartissanngitsut qinngasaarisoqassanngitsorlu. Tamanna pisiniarfinni pisiassaanngilaq tamattali kissaatigigutsigu angusinnaavarput”, borgmesteri oqarpoq.