Kalaallit Nunaanni illoqarfiit pingaarnersaat alliartorpoq, sukkasuumillu alliartorpoq. Ukiut pingasuinnaat ingerlaneranni innuttaasut 6 procentimik amerlipput.
Ineriartornerup pitsaasumik ingerlanera Borgmester Asii Chemnitz Narup-ip nuannaarutigaa.
– Illoqarfiit pingaarnersaanni ineriartornerneq pitsaasoq takullugu nuanneqaaq. Nuuk pitsaasumik siunissaqarnissaa sulissutigissavarput ineriartortillugulu. Illoqarfitsinnut nuanningaartumut innuttaasut nutaat tikilluaqqungaarpakka. Innuttaasut amerlasuut Nuuk nuuffigissallugu toqqartarpaat, nuanneqaarlu takusinnaallugu qanoq illoqarfipput nuannaritigigaat.
Soorliuna Nuummi najugaqarneq nuannaraajuk? Sunaana immikkuullarissutigigaa? Tamanna Kommuneqarfik Sermersuup paaserusummagu unammisitsivugut #iloveNuuk.
Peqataarusuttut tamarmik assiliissapput – Imminnut assilissapput imaluunniit Nuummi nuannarinerpaasartik assilissavaat. Taamaalioreerunillu sooq Nuuk nuannerinerlugu naatsumik oqaaseqaammik ilanngussisoqassaaq kiisalu ilanngullugu #iloveNuuk. Ajugaasut tallimat toqqarneqassapput, taakkulu tamarmik højtalerimik BOSE-mik pinnassapput. Asseq mailikkut nassiunneqassaaq uunga: ilovenuuk@sermersooq.gl imaluunniit instagram-imut facebook-imulluunniit ikkunneqassaaq #iloveNuuk allallugu.
Ajugaasut tallimat decembarip 14-anni pisussami toqqarneqarlutillu pingaartorsiutigineqassapput. Pingaartorsiornissaq pillugu kingusinnerusukkut paasissutissiisoqassaaq.
Unamminermut peqataaniaraanni nassiussivissaq kingulleq tassaavoq 7. decembari 2018.