IPAD-imik EQQUIGIT.
Illoqarfiit pingaarnersaanni kaajallattarissat, kalaallit oqaasitoqaat, inissisimaffii malillugit, imaluunniit nunami uumasut taaguutaat aallaaviga lugit atsersorneqassappat?
Tamanna pillugu Kommuneqarfik Sermersuup App-iatigut ima atilimmi Isumaga 26. septembarimiit 10. oktobarip tungaanut isummersinnaavutit. App-i App Store-mi nassaarineqarsinnaavoq aaneqarsinnaallunilu (downloadterneqarsinnaallunilu). App-i Isumaga aanngikkaluarlugu (download-tinngikkaluarlugu) una toorlugu alakkarneqarsinnaavoq – una. Peqataaguit IPad-mik eqquisinnaavutit.
Qernertunnguanittaaq aammalu Qavaap Nuuta tungaanut (Qalut Vonin aamma angerlarsimaffeqanngitsut unnuisarfiata eqqaanni) aqquserngit taaguutissaannut siunnersuuteqarsinnaavutit. Nunap assingani aqquserngit pineqartut takuneqarsinnaapput. Aqquserngup taaguutissaanut siunnersuuteqarnermi piumasaqaataavoq oqaluttuamik piffimmut tunngasumik nassiussinissaq imaluunniit tunngavilersuinissaq. Ajugaasoq akissarsitinneqarumaarpoq.
Siunnersuutit allakkiallu Kommuneqarfik Sermersuup e-mailadressianut: kommuneqarfik@sermersooq.gl–mut piffissami 26. septembarip 10. oktobarillu akornani nassiunneqassaaq. Qulequttatut una allanneqassaaq »Nuummi aqquserngit taaguutissaattut siunnersuut«.
E-mailikkut nassiussisinnaanngikkuit siunnersuisoqatigiit allattaannit Maritha Eugeniusimit pulaarneqarnissannik periarfissaqarputit, taamaasillutit oqaluttuamik piffimmut tunngasumik tungavilersuuteqarninni immiunneqarsinnaallutit. Attavigisassaq Sumiiffinnik Aqquserngillu Taaguutaannik Siunnersuisoqatigiit allattaat Maritha Eugenius, oqarasuaammut 36 70 14-mut imaluunniit e-mailikkut maeu@sermersooq.gl saaffiginninnikkut attavigineqarsinnaavoq.