Innuttaasunut

Sermersooq Nuuk Ugeavisimi

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Isumaga aqqutigalugu misissuineq nutaaq

Sapaatip akunnerini tulliuttuni Kommuneqarfik Sermersooq, Isumaga aqqutigalugu misissueqqissaaq. Maanna misissuineq, kommunip Nuuk Ugeavisimi ilannguttagaanut tunngassaaq. Ilannguttagaq qaammatini kingullerni 6-ni qaamammut ataasiarluni saqqummertarnikuuvoq.

Ilannguttagaq quppernernik 8-nik angitigisarpoq Kommuneqarfik Sermersuumilu illunut tamanut agguaanneqartarpoq innuttaasunullu nunaqarfinni najugaqartunut atuarneqarnissaa periarfissiissutaasarluni.

Kommuni nutaarsiassanik siammarterinissaminut arlalinnik periarfissaqarpoq, ilaatigut sermersooq.gl aamma Facebook. Ilannguttakkatigut, kommunip nutaarsiassat itinerusumik allaaserinissaannik periarfissaqarpoq immaqalu atuartartut amerlanerusut angusinnaanissaannut. Nunaqarfiimmi ilaanni najugaqartut tamarmik, illoqarfinni anginerusuni najugaqartutulli, internetikkut nutaarsiassanik atuaasinnaanissaminnut periarfissaqanngillat.

2. juni: Misissuineq Kommuneqarfik Sermersuumi innuttaasunut tamanut atuuttussanngorlugu allineqarsimavoq.

Kommuneqarfik Sermersuup qaammatikkaartumik ilannguttagaanut malinnaasarpit? Qanorlu angitigisumik? Apeqqutit taakku akinissaannut ikiortigut – iPadimillu eqquinissamut makitsisarnitsinnut peqataagit.