Innuttaasunut

Nuup ineriartortinnera ingerlaqqissaaq:Talittarfik, inissiat, antenneqarfillu

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Nuummi talittarfiup ineriartortinnissaanut, illoqarfiillu pingaarnersaanni 60-t missiliorlugit amerlassusilinnik inissianik sanaartornissamik nunarsuarlu tamakkerlugu internetimik attaveqalernissamut antenneqarfimmik sumiiffinni sanaartorfigineqanngitsuni attavilimmik pilersitsinissamik – Kommunalbestyrelse akuersivoq.

Kommunimut pilersaarummut tapiliussat pingasut taakku kommunalbestyrelsip ataatsimiinnerani marlunngornermi akuersissutigineqarput. Nuummut tamanna qanoq sunniuteqassanersoq takussutissiami tulliuttumi takusinnaavat:

Umiarsualivik – Qeqertat 2020

Pilersaarut pilersaarutinut qinnuteqaatit marluk tunuliaqutigalugit suliarineqarpoq.

Kommunalbestyrelsip aalajangernerata kingunerisaanik nunaminertanik, soqutiginnittunit, kommunimit kommunimiilluunniit suliffeqarfittut ineriartortitassatut atugassanik pilersitsisoqarpoq. Ilaatigut makkuusut:

  • Sumiiffiup attaveqaataasa suliarineqarnissaat.
  • Containereqarfiup ineriartortinnera ingerlariaqqinnissaa.
  • Sumiiffiup inuussutissarsiutaasunut allanut ineriartortinneqarsinnaasoq.

Paasisaqarnerugit

Inissiat – Qatanngutigiinnguit pingasut

Nuummi illunut pingasunut quleriinnut arfineq-marlunnut agguataarsimasunut inissiat 60-t missiliorlugit amerlassusillit assigiinngitsunik angissuseqartut. Taakkuupput marlunngornermi aalajangiinerup piffissami tulliuttumi inernissai. Inissiat akornanni naasuliviliortoqassaaq (mistbænk), oqquiffissaliortoqassaaq ujarassuarnillu issortalersuisoqassalluni.

Paasisaqarnerugit

Antenneqarfik – Niaqornannguaq

Kiisalu Kommunalbestyrelsip kommunimut pilersaarummut tapiliussaq illoqarfiit pingaarnersaanni Pineqaatissinneqarsimasunut inissiisarfiup avannaatungaani antenneqarfimmik pilersitsinissaq akuersissutigaa. Antenneqarfimmik pilersitsinikkut Nuuk nunarsuaq tamakkerlugu qaammataasaq aqqutigalugu internetikkut sukkanerusumik kiffartuussisoqarsinnaalissaaq.

Paasisaqarnerugit