Innuttaasunut

Fabrikkimi sulisussat ilinniartinneqartut

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Inuit 34 Tasiilamiit taassumalu eqqaani nunaqarfinniit pikkorissartinneqarput inatsisit, nakkutiginninneq aammalu inuttut eqqiluisaarneq pillugit.

Majoriaq Tasiilaq aamma Inuussutissalerinermik Ilinniarfik INUILI pikkorissarnermut ingerlatsisuupput pikkorissartut sinerissami aalisakkerivinni sulinissaannut piareersarlugit.

Anna M. Knudsen Inuilimiit: – Holdit marluk ingerlappavut pikkorissartitsisullu Marie Kielsen aamma Elisabeth B Olsen, pikkorissartut pikkorissartinnerat nuannaarutigaat. Tasiilami innuttaasunik pikkorissartinneqarnerit nuannaarutigineqarput amerlasuullu namminneq saaffiginnipput peqataarusullutik.  Ajoraluartumik amerlasuut pakatsillutik ingerlaannartariaqarput, holdit ulikkaaqqammata.

Holdi siulleq 15-nik suliffissaaleqisunik nunaqarfimmeersunik peqataasoqarpoq. Hold 2 19-nik Tasiilameersunik suliffissaaleqisunik peqataasoqarpoq.

Pikkorissartut qulequttat makku ingerlappaat inatsisit, nakkutilliineq, nerisassanik mingutsitsineq, tappiorannartut, inuttut eqqiluisaarneq aammalu imminut nakkutigineq.