Nuuk: Qeqertani Nuuk Imeq-rup eqqaani container-imik inissisimasaqarnikuuit sumiiffiullu pineqartup kommunimit imaarneqarnerata kingorna tigusimanngiliuk? Container-imik piginnittuulluni tigusisinnaaneq periarfissaq kingulleq ulloq 30. april.
Qeqertani ukiakkut 2017-mi Nuuk Imeq-rup eqqaani container-inik nussuinermi container-it nalunaarsorneqanngitsut arlalissuit siumorneqarput.
Container-it taakkua nalunaarsorneqanngitsut sumiiffimmut utaqqisaasumik inissiigallarfissamut nuunneqarput.
Kommuneqarfik Sermersooq-miit maanna kingullerpaamik periarfissinneqarputit container-iutippit tigunissaanut. Uppernarsarsinnaasariaqarpat ilumut illit container-imik piginnituullutit, tamannalu tiguniaraanni kingusinnerpaamik 30. april kommunimut saaffiginninnikkut pissaaq.
Container-ip nuunneqarnerannut aningaasartuutit aammalu inissamik atuinermut akiliutigeqquneqartoq akilerneqareerpat container-i tunniunneqarsinnaanngussaaq.
Isuliffik-mut container-inut inissiisarfimmut nunaminertamik atuisinnaanermut akuersissummik tigunnginnerani qinnuteqassaatit imalunniit namminersortunut suliffiutilinnut nuussisinnaanissamut uppernarsaammik takutitsissaatit.
Kommuneqarfik Sermersooq pisinnaatitaavoq container-i tuniniassallugu imaluunniit sequttigassanngortissallugu ulloq 30. april tiguneqarsimanngippat*.
Piffissaliunneqartoq qaangiutereerpat kommuni container-it aaneqanngitsut atoqqinneqarsinnaanerat nalunaarsorneqanngitsullu akisunerpaamik neqeroortumut tunissanerlugit imaluunniit sequtsigassanngortissanerlugit aalajangiiffigissavaa.
Paasissutissanik sukumiisumik perusuppit imaluunniit container-imik alakkaaniarpit?
Attavissat
Kommuneqarfik Sermersooq
Sanarfinermut Avatangiisinullu Ingerlatsivik
Nunaminertanut oqartussat
Postboks 1005, 3900 Nuuk
Immikkoortortami aqutsisoq; Vilhelm Lynge Hard, oqarasuaat: 36 74 42
Teknikkikkut sulialik, Andreas Mølgaard-Christiansen, oqarasuaat: 36 74 49
Fuldmægtig, Lillian Jensen, oqarasuaat: 36 74 23
*Inatsisartut inatsisaaat nr. 9, 22. november 2011 avatangiisit illersorneqarnissaat pillugu inatsisit § 36, immik. 2 naapertorlugu.