Kommueqarfik Sermersuup juullimi ammartagaa juullernissaata tungaanut ingerlavoq. Kommunalbestyrelsimi ilaasortat apersornikuuagut ukiup ingerlanerani suliaminni suut nuannarinersaasimaneraat aamma inuunerminni juullimi eqqaamasaminni suna nuannernersaanersoq.
Kommunalbestyrelsemi ilaasortatut nutaajuvunga 2017-imilu suliarisimasatsinni nuannarinersaasimavara qanittumi, Meeqqanut Ilaqutariinnullu Ataatsimiititaq Paamiunut angalaqatingigakku. Angalanitsinni innuttaasunillu ataatsimiititsinitsinni malugaara suliamut qanoq iserluarsimatiginerlunga, tamannalu soorunami nuannaajallaatigaara imminullu tatiginerulersitsilluni.
Uannut pingaaruteqartuaannarnikuuvoq inoqatinnut ikiusinnaanissaq, tamannalu kommunalbestyrelsemi ilaasortaanikkut ingerlassinnaallugu misigaanga.
Juulli uanga nuannaraara ilaquttanik najuiffittut isigisarakku. Namminerli juullimi eqqaamasanni nuannernersaavoq Juulliaqqami Disney’s Juleshowip isiginnaartarnera, eqqaamavaralu assut qilanaarisarlugu. Ullumikkut uanga nammineq ilaquttakka ilagalugit juullisiortarpunga, tamannalu juullimi ilaquttat najornissaasa pingaaruteqarneranik aallaaveqarpoq.
Kommuneqarfik Sermersuup juullimi unammisitsinerani #julenuuk-mut peqataanissat eqqaamajuk. Hashtag #julenuuk atorlugu Facebookimut Instagramimulluunniit assimik ikkussiguit unammisitsinermut peqataassaatit.