Sanaartorfissat 11-imiit 14-imut, Kommunimut pilersaarummut tapiliussami 4A6-1-imi, Pinguaraq, immikkoortup ilaani A-miittut, illunut uiguleriiaanut sanaartorfissat, sanaartorfigineqanngitsutut nalunaarutigineqarput.
Sanaartorfissat immikkoortui B, C, D-imiittut uani saqqummiunneqanngillat.
Immikkoortoq inissianik 250 missaanik amerlassusilinnik, inuinnarnit pisortanillu sanaartorfiusussaavoq. Sanaartorfissat sumiinneri kommunimut pilersaarummut tapiliussaanut ilanngussap 2-mi nunap assitalerneqarnerani takuneqarsinnaapput, kommunillu nittartagaani sermersooq.gl-imi imaluunniit Sanarfinermut Avatangiisinullu Ingerlatsiviup Nunaminertanut Sanaartornermullu Oqartussaqarfianut saaffiginninnikkut pissarsiarineqarsinnaapput.
Sanaartorfissat Kommunimut tapiliussamut 4A6-1-imut – Pinguaraq – Nuuk aalajangiussanut ilaapput. Sanaartorfissat 11, 13, 14-ilu 330 m2-upput, sanaartorfissamilu inissiat ikinnerpaamik qulingiluat sananeqassapput. Sanaartorfissaq 12 440 m2-iuvoq, inissiallu ikinnerpaamik 12-it sananeqassapput.
Kommuneqarfik Sermersuup immikkoortortat sanaartorfigiuminarsarlugit aallartippaat 2018-imilu kvartalit sisamaani sanaartortoqarlernissaa naatsorsuutigineqarpoq. Siunissami nunaminertanik atuisinnaatitaasussanut sanaartorfigiuminarsaanermut nammineq akiliutissat paasissutissiissutigineqassapput, sanaartorfissamut ataatsimut 1 mio koruunit 1.5mio koruunillu akornani akiliisoqarnissaa piumasarineqassaaq.
| Immikkoortup ilaa | Sanaartorfissat ataatsimut amerlassusaat. | Inuinnaat sanaartorfissaat ataatsimut. | Atorneqarnera | Amerlanerpaamik
Quleriit |
| A | 8 | 4 | Inissiaqarfimmi inissiat asigiingitsut | 3 |
Sanaartorfissat 11-miit 14-imut inniminniinissamut/nunaminertanik atuisinnaatitaanermut innersuusuteqarluni agguaasinissamut periusissat nalinnginnaasut malinneqassapput. Tassani kommunip nunaminertanik atugassiisarnermut aalajangersagai malinneqassallutik.
Qinnuteqartut uku eqqumaffigissavaat:
Kinaluunniit inuk, suliffeqarfik, piginneqatigiiffik peqatigiiffilluunniit inatsisitigut akuerisaasoq nunaminertamik qinnuteqarsinnaavoq. Sanaartorfissaq ataaseq kisimi qinnutigineqarsinnaavoq.
Qinnuteqaammut ilanngunneqassapput:
- Sanaartorfigisassanik pingaarnersiuinermi allattorsimaffik – allattorsimaffik sanaartorfissat sorliit perusunnerpaanerlugit 1-miit 4-mut.
- Sanaartornermi piffissamut pilersaarut
- Sanaartorneq pillugu allaaserinninneq
- Qinnuteqartup sanaartornerup piviusunngortissinnanissaa pillugu akissaqarneranut takussutissaq.
Qinnuteqartoq sanaartornissamut pilersaarutip piviusunngortissinnanissaanut akissaqarnerminik uppernarsaamik tunniussissaaq. Uppernarsaaneq pissaaq qinnuteqartup pilersaarumminik naammassinninnissamut akissaqarnera aningaaserivimmit uppernarsaaserneqarneratigut. Qinnuteqartup sanaartornermik naammassinninnissamut akissaqarneranik aningaaserivik uppernarsaassaaq.
Qinnuteqaat qulaani ilanngussassanik taaneqartunik imaqartut kisimik nalilersorneqassapput. Qinnuteqaatip tamakkiisuunissaa eqqortumillu paasissutissiisuunissaa qinnuteqartup akisussaaffigaa.
Qinnuteqaatit kingusinnerpaamik januaarip 31-iat 2018 tiguneqarsimasut tamarmik ataatsikkut tiguneqartutut isigineqassapput. Qinnuteqartut amerlassusii apeqqutaatillugit sanaartorfissanik agguaassineq makitsinikkut pissaaq.
Annertunerusumik paasissutissarserusukkaanni Sanarfinermut Avatangiisinullu Ingerlatsivimmut paasiniarneqarsinnaapput, oqarasuaat 36 74 44.
Nunaminertamik inniminniiniarluni qinnuteqaat ilanngussartai tamaasa ilanngullugit uunga nassiunneqassapput, Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk, imaluunniit elektroniskimik uunga sai@sermersooq.gl