Innuttaasunut

Majoriaq pillugu paasissutissiiutigaluni oqallitsitsinissamut qaaqqusissut

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

MAJORIAQ, PINGASUNNGORNEQ 13. DECEMBER NAL. 16.30-18.00.

Asasarput inuussutissarsiortoq

1. januar 2017 aallarnerfigalugu Inatsisartut inatsisaat nr. 28 ulloq 9. december 2015 suliffissanut, ilitsersuisarnernut pikkorissaqqinnernullu qitiusumik ingerlatsiviit pillugit tamakkiisumik atuutilerpoq. Ukioq 2016 atorneqarpoq inatsisip atuutilernissaminut eqqukkiartuaarneqarneranut.

Inatsisip taassuma Piareersarfiit suliffissarsiuussisarfiillu ataatsimoortinneqalernerat imaraa. – Tamatuma kingorna ataatsimoorlutik ateqalerput Majoriaq.

Majorissap siunertaraa innuttaasut suliffissarsortut pitsaanerusumik, sunniuteqarluarnerusumik assigiimmillu pisortatigoortumik sullinneqartalernissaat, nunami sumi najugaqarnertik apeqqutaatinnagu, aammattaaq inuutissarsiortut kiffartuunneqarnerisa pitsanngortinneqarnissaa, pingaartumik sulisut pisariaqartinneqartut piginnaasatigut pisariaqartitsinermut naapertuunnerusunngortinniarneranni.

Inatsimmi pingaarnersatut inissisimasut marluupput tassaallutik sulisoqarnerup, isumaginninnerup ilinniartitaanerullu iluani suliniutit eqqarsaatigalugit suleqatigiilluarnerulernissaq, aammalu kommunit suliffeqarfiutaanni inuussutissarsiortullu akornanni suleqatigiinnerup pitsanngorsarnissaa.

Tamakku tunngavigalugit paasissutissiiutigaluta oqallitsitsinissatsinnut qaaqqusivugut, pisortat inuussutissarsiortorlu akornanni suleqatigiinneq immikkut sammitikkumallugu. Uanilu immikkut soqutiginarteqaagut inuussutissarsiortut nammineerlutik periarfissatut aporfissatullu eqqarsaatigisaat tusassallugit, nunap immikkoortuini ataasiakkaani nunalu tamakkerlugu.

Ataatsimiinnermi Kommuneqarfik Sermersuumiit Namminersorlutik Oqartussaniillu peqataasoqassaaq.


Aggialluarisi!

PDF