Innuttaasunut

Kommunimut pilersaarummut tapiliussaq 20B5-1 Paamiuni Inuussutissarsiuteqarfik Umiarsualivillu

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommunimut pilersaarummut tapiliussaq 20B5-1 Kommuneqarfik Sermersuumi kommunalbestyrelsip 5. septembari 2017-imi ataatsimiinnermini akuersissutigaa.

Siunertaa

Kommunimut pilersaarummut tapiliussaq umiarsualiviup Paamiut Nordhavn 4,5 ha. missaanniit 7,8 ha. missaanut allilernissaanik periarfissaqalernissamut pilersaarummut qinnuteqarneq tunuliaqutigalugu suliarineqarsimavoq. Sumiiffik inuussutissarsiuteqarfittut umiarsualiveqarfittullu atortussanngorlugu immikkoortinneqassaaq tassani tunisassiorfiit, aalisakkeriviit, sanaartorfiit, talittarfiit, peqqumaasiviit allaffeqarfeqarfiillu suliffeqarfittut umiarsualeqarfittullu ingerlanissami pisariaqartinneqartut eqqarsaatigineqarput – kiisalu ujaqqeriviugallartoq. Tamakku tamarmik kommunimut pilersaarummut akuersissutigineqareersumut naapertuupput.

Pilersaarut uani atuarneqarsinnaavoq

Kommunimut pilersaarummut tapiliussaq Nunatta Atuagaateqarfiani atuarneqarsinnaavoq, kommunimi innuttaasunik sullissivimmi, kommunillu nittartagaani www.sermersooq2028.gl -imi imaluunniit Sanarfinermut Avatangiisinullu ingerlatsivimmut oqarasuaat 36 74 00-imut sianerluni saaffiginninnikkut pineqarsinnaavoq.