Juullikkunni Kommuneqarfik Sermersuup nittartagaani ammartagaateqassaagut, tassani kommunimi qinikkat nunaqarfinnilu aqutsisut siulersuisui ataasiakkaarlutik ammartakkap matusartuinit nuisassapput, ukiullu ingerlanerani kommunimi angusarisimasat nuannarisatik naatsumik oqaluttarisarlugit.
Taassuma saniatigut politikerit tamarmik oqaluttuarisassavaat juullimi eqqaamasaminni suna nuannarinersaanerlugu.
Malinnaarusussaguit ammartagaq www.sermersooq.gl -ip saqqaani nanisinnaavat.
Sammisaq pissanganarnerutinniarlugu ilissi aamma apererusuppatsigit, suna juullimi eqqaamasassinni suna nuannernersaanersoq.
Juullimi eqqaamasaqaruit oqaluttuarerusutarnik, Facebookimut Instragramimulluunniit ikkussinnaavat hashtag #julenuuk atorlugu.
Hashtag #julenuuk atorlugu eqqaamasaminnik ikkussisimasut akornanni makitsisoqassaaq, tassanilu iPad pinnattaassarineqarpoq.
#julenuuk atorsimanngikkukku ikkussatit takusinnaanavianngilagut.
Ikkussarineqarsimasut pitsaanerpaat juullip ukiortaallu akornanni toqqarneqassapput, Facebookimilu taasisitsinikkut torrannerpaaq iPadimillu pinnatsinneqartussaq aalajangerneqassaaq.