Kommunalbestyrelsip »Kommunimut pilersaarummut tapiliussaq 4A8-1,Ningitsivik, Nuuk« ataatsimiinnermi ulloq 21.11. 2017 akuersissutigaa.
KOMMUNIMUT PILERSAARUMMUT TAPILIUSSAP SIUNERTAA
Kommunimut pilersaarummut tapiliussami Qinngutsinni inissianik nutaanik 100-nik sanaartortoqarsinnaalernissaa siunertarineqarpoq. Sanaartorfissat siunnersuummi ilaqutariinnut ataatsinut
illut, affarleriinnut uiguleriiaanullu inissianut atugassanngortinneqassapput, illut taamaattut pillugit ujartuisunik ingerlatsiviup saaffigineqartuartarsimanera pissutigalugu. Kommunimut pilersaarummut tapiliussami aamma siunertaavoq, sanaartukkat nutaat aamma inissiaqarfimmik ineriartortitsineq sumiiffiup nunataa eqqumaffigalugu pissasut. Tamatuma saniatigut inissiaqarfiup nutaap sissakkut aqqusineeqqat tungaanut aqquteqarnissaa siunnersuummi qulakkeerniarneqarpoq.
INATSISITIGUT ATUUTSITSINEQ
Kommunimut pilersaarummut tapiliussaq inaarutaasumik akuersissutigineqarnikoq tamanut saqqummiunneqareerpat, inatsisinut imalunniit kommunimut pilersaarummut tapiliussami aalajangersakkanut akerliusumik sanaartortoqarsinnaassanngilaq, Pilersaarusiornermut inatsit § 30 takuuk.
NAAMMAGITTAALLIORNISSAMUT ILITSERSUUT
Kommunalbestyrelsip aalajangiinera pillugu naammagittaalliuteqarusukkaanni, tamanna Naalakkersuisunut saaffiginnissutigineqassaaq: Naalakkersuisut, Aningaasaqarnermut Naalakkersuisoqarfik, Postboks 1037, 3900 Nuuk.
Naammagittaalliut saqqummiussap uuma saqqummiunneqarneraniit sapaatit akunneri arfineq pingasut qaangiutsinnagit tunniunneqareersimassaaq.
PILERSAARUT UANI TAKUNEQARSINNAAVOQ
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni sermersooq2028.gl imaluunniit Sanarfinermut Avatangiisinullu ingerlatsivimmut uunga sianerluni 36 74 00 saaffiginninnikkut pissarsiarineqarsinnaalluni.