Innuttaasunut

Nuutoqqami unnussiualaarneq

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Septembarip 15-iani tallimanngornermi nalunaaqutaq 18-21 Nuutoqqami aliikkusersuinissamut aggersarneqarputit.

Nuutoqqami Café Toqqorfik, Nuutoqaq/Nuummi Katersugaasivik, Nuuk Water Taxi aamma Kulukis Hudpleje tallimanngornermi septembarip 15-ani unnukkut nal. 18.00-miit nal. 21.00-mut ammassapput.  Kikkut tamarmik tikilluaqqusaapput.

”Aqajoqqersimaartoqarniassammat cafémit siaasaasoqarnissaa pilersaarutigaarput. Nipilersortoqassaaq imaanullu umiatsiaaqqamik avalallatsiarnissamik periarfissaqarumaarluni. Meeqqanut pississaarfeqassaaq, sioqqanilu erlinnartussarsiortoqassalluni, kiinnanik qalipaasoqassalluni kiisalu qaanniorfittaami oqaluttuartoqassalluni” Vinni Sølvblad, Nuutoqaq/Nuummi katersugaasivimmi aqutsisoq oqarpoq, nangillunilu:

”Taamatut aaqqissuussinikkut, Nuutoqqamik, Nuummi innuttaasunut oqaluttuassaqarfioqisumut, nittarsaassinissaq kissaatigaarput.”

Meeqqatit peqatigikkit, aqajaqqersimaariartorit, Nuummi Katersugaasivik alakkaruk, nipilersortunik tusarnaarit, immamullu umiatsiaaqqamik avalallutit.

PDF

Misigisassat makkuupput:

  • Minnernut pississaarfiit – siallissappat taamaatissaaq
  • Minnernut sioqqami erlinnartussarsiorneq
  • Qaanniorfittaami oqaluttuartoqassaaq
  • Sissami Philippe Tony-lu nipilersussapput
  • Cafe Toqqorfik silamut siaasaavimmik inissiissaaq immiaaqqanillu maqitsiveqassalluni
  • Kulukis’ Hudpleje-mit meeqqanut kukinnik qalipaaneq
  • Nuummi Katersugaasivimmi Frederik Lange nutsugissamik appissaaq
  • Nuuk Water Taxi Evening Cruisemik neqerooruteqassaaq: Akianut siumut/utimut akunnerup affaa 100,- koruunit.