Utoqqarnut Isumassuinermullu Ataatsimiititaq

Siunertaa

Utoqqarnik Isumassuinermullu Ataatsimiititaq suliani inatsisit naapertorlugit ataatsimiititamut
suliassaritinneqartut malillugit aalajangiisassaaq.

Ataatsimiititaq utoqqarnut isumassuinermullu attuumassuteqartut makku isumagisassarai.

  • Utoqqaat aamma isumassuineq, taakkununnga ilanngullugit:
    • Utoqqaat
    • Utoqqarnik paaqqutarinniffik
    • Utoqqaat ataatsimut najugaqatigiiffii
    • Angerlarsimaffimmi ikiorteqarneq
    • Isumassuinikkut suliniutit

Ataatsimiititami isumagineqassapput illunik ingerlatsineq ataatsimiititaq ataaniittunik.

Ataatsimiititaq siunnersuuteqartassaaq, aamma Aningaasaqarnermut
Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit
inassuteqaasiortassaaq:

  • Ataatsimiititaq suliassaqarfiinut ataatsimut politikki
  • Ataatsimiititaq suliassaqarfiinut periusissat
  • Ataatsimiititaq suliassaqarfiinut ineriartortitsinermut pilersaarutit.

Anguniakkat

Kommuneqarfik Sermersuumi politikkikkut ataatsimoorussamik anguniagaraarput kommunerput
tassaassasoq innuttaasunut tamanut najugaqarfigiuminartoq inuuffigiuminartorlu.


Utoqqarnut Isumassuinermullu ataatsimiititatut politikkikkut akisussaaffigaarput kommunimi
innuttaasut utoqqaat atugarissaarnissaannut sinaakkutissanik pilersitsissalluta. Ataatsimiititami
anguniakkat piviusunngorsinnaasut sisamat oqaasertaliorpavut, taakkua qinigaaffimmi matumani
politikkikkut sulinitsinni sammiviliisuussapput saniatigut allaffissornermi suliallit sinaakkutissaattut
erseqqissaataallutik. Paasissutissat annertunerusut uani atuakkit.

Suleriaaseq

Attaviguk

Ataatsimiititami siulittaasoq oqaloqatiginissaanut kissaatigaajuk? Immersugassaq una immersoriarlugu ataatsimiititami ataqatigiissaarisoq Pernille Ødegaard-imut nassiuguk mailimut: uia@sermersooq.gl