Kommunimi innuttaasut Kalaallit Nunaanni avataaniluunniit angalanissamut piviusunngortinnissaannut periarfissiineq.
Angalanissamut qinnuteqaateqarnermi inoqutigiit tamaasa ilaannaalluunniit akiliunneqarsinnaapput.
Angalanermut aningaasaateqarfimmut qinnuteqarnissamut paasissutissaq
Kommunip angalanermut aningaasaateqarfianut qinnuteqarfissamut piffissaq Kommunalbestyrelsep februaarip ulluisa 18-ianni ataatsimeereernerani saqqummiunneqassaaq.
Angalanermut aningaasaateqarfiup aalajangersagaanut allannguutissatut siunnersuutit Kommunalbestyrelsep ataatsimiinnerani suliarineqassapput. Taamaammat allannguutaasinnaasut inissereerpata aatsaat qinnuteqartoqarsinnaanngussaaq.
Innuttaasut angalanermut aningaasaateqarfimmut qinnuteqarsinnaanngoqqippata kommuni nalunaaruteqassaaq. Qinnuteqarsinnaanissamut piffissaq nutaaq nalunaarutigineqartinnagu angalanermut aningaasaateqarfimmut qinnuteqartoqarsinnaanngilaq.
TAPIIFFIGINEQARSINANNAANNGITSUT:
- Paasisassarsiorluni, arlalikkuutaarluni assigisaannilluunniit angalanerit
- Namminneq imaluunniit aapparisap/inooqatip atorfeqarneranut atatillugu sulisitsisumit akiliunneqarluni angalasinnaasunut
- Aningaasaateqarfiit allat aqqutigalugit akiliunneqarluni angalasinnaasunut
- Innarluutillit akiliunneqarlutik angalasinnaasunut
- Ilinniagaqartut akiliunneqarlutik angalasinnaasunut
TAPIINISSAMUT AALAJANGIINISSAMUT TUNNGAVIIT TUNNGAVILIISUSSAT:
- Angalaneq ilaqutariit akornanni ataqatigiinnermik pilersitsissasoq
- Angalaneq Kalaallit Nunaanni kulturip assigiinngisitaarneranik paasisaqarnerulersitsissasoq, imaluunniit
- Angalaneq kulturimik allamik paasisaqarnerulersitsissasoq
- Pissutsit allat immikkut ittut
Immersugassaq eqqunngitsumik amigartumillu immersorsimasoq akuerisaanngilaq
Qinnuteqarnissamut immersugassaq Kommuneqarfik Sermersuumi Nuup, Paamiut, Tasiilap Ittoqqortoormiillu innuttaasunut sullissiviinut saaffiginninnikkut pineqarsinnaavoq imaluunniit kommunip nittartagaani immersorneqarsinnaalluni: Qinnuteqarnissamut immersugassaq
Qinnuteqarnissamut immersugassap qanoq immersorneqarnissaanut ilitsersuut aajuk.
Qinnuteqarnissamut immersugassaq immersoriigaq, Innuttaasunut Sullissivinnut tunniunneqarsinnaavoq imaluunniit e-mailikkut nassiunneqarsinnaalluni: kommuneqarfik@sermersooq.gl
Qinnuteqaatit kingusinnerpaamik 1/4 – 2025 tiguneqariissaaq.
Paasissutissanik allanik pissarserusukkuit sullissisoq Karen Marie Petersen, oqarasuaatikkut 367018-mut saaffigisinnaavat.