---
title: "Utoqqalinersianut Ineqarnermullu tapiissutinut suleqatigiit aqutsisoq"
description: "Utoqqalinersianut Ineqarnermullu tapiissutinut suleqatigiit aqutsisoq"
date: "2026-10-28"
created: "2026-10-28"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Utoqqalinersianut Ineqarnermullu tapiissutinut suleqatigiit aqutsisoq](https://sermersooq.gl/suliffissat/inuttaqanngitsut/utoqqalinersianut-ineqarnermullu-tapiissutinut-suleqatigiit-aqutsisoq)

Qinnuteqarnissamut periarfissarititaasoq

20/11/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Pilunguak Poulsen / ks05pipo@sermersooq.gl

Kommuneqarfik Sermersooq Nuummi Isumaginninnermut sullissivimmi Utoqqalinersianut Ineqarnermullu Tapiissutit pillugit suleqatigiit aqutsisussaannik tunniusimasumik suleqatissarsiorpugut.

Sullissinermut pingaarutilimmut aqutsinissamut, eqqortumik suliassanik ingerlatsinissamut, innuttaasunik pitsaasumik sullissinissamut sulisullu atugarissaarnissaannut peqataarusuppit? Pisortat ingerlatsinerannik ilisimasaqarpit, suliassanillu aaqqissuussillaqqillutit tulleriiaarisinnaavit? Taava immaqa illit suleqatigiit aqutsisussaraatsigit.

# Atorfik pillugu:

Utoqqalinersianut, ineqarnermullu tapiissutit kiisalu inuttut immikkut tapiissutit pillugit suliassaqarfimmi ulluinnarni ingerlatsinerup ataqatigiissaarnera akisussaaffigissavat. Suliat inatsisinut naapertuuttumik suliarineqarnissaat, suliatigut pitsaassuseq qaffasissoq ingerlatsinerullu patajaatsuunissaa qulakkiissavat. Nuummi Isumaginninnermut sullissivimmi aqutsisutut suleqatigiinnut allanut, immikkoortortami aqutsisumut, kommunip ingerlatsiviinut aamma avataani suleqatigisanut qanimut suleqatiginnittassaatit. Isumaginninnermut sullissivimmi Nuummi maanna sulisut 30-t missaat immikkoortunut assigiinngitsunut agguataagaapput.

**Suliassat pingaarnerit:**

·Suleqatigiit ulluinnarni suliassaannik ataqatigiissaarineq tulleriiaarinerlu, kiisalu pilersaarusiorneq

·Suliat inatsisit atuuttut kommunillu malittarisassai naapertorlugit eqqortumik, piffissaq eqqorlugu assigiissaartumillu suliarineqarnissaat qulakkiissallugu

·Suliatigut siunnersuineq ilitsersuinerlu, aamma suliat ajornakusoortut pillugit, kiisalu pitsaassutsimik suleriaatsinillu malinnaaffiginninneq

·Sulisunut toqqissisimanartumik ineriartortitsiviusumillu suliffimmik pilersitseqataaneq, sulisullu piginnaasaasa ineriartortinnerat tapersersorlugu

·Ingerlatsinerup aningaasaqarnerullu pilersaarusiorneranut malitseqartitsineranullu, kiisalu suleriaatsinik innuttaasunillu sullissinerup ineriartortinneqarneranut peqataaneq

·Immikkoortut akimorlugit suleqatigiinneq, immikkoortortamilu aqutsisumut suliatigut saqqummiussassanik suliassanillu immikkut ittunik ikiuunneq

**Naatsorsuutigaarput illit:**

·Ulluinnarni suliatigut ataqatigiissaarinermi ersarissumik qanilaartumillu suleqataasinnaavutit, erseqqissumillu sinaakkusiisinnaallutit siunnerfeqartumillu

·Inatsisit aqutsisullu aalajangiinerat erseqqissunik suleriaatsinut ingerlateqqissinnaavat

·Aaqqissuulluakkamik sulisinnaavutit, allanngorartumi suliassanik tulleriiaarisinnaallutit sulisullu kajumissuseqarnerannut tapersiisinnaallutit

·Pisortat ingerlatsinerannik suliassanillu suliarinninnermik ilisimasaqarputit

**Neqeroorutigaarput:**

Atorfik akisussaaffilik, suleqatit tunniusimasut, aqutsisut akornanni qanittumik siunnersoqatigiinneq, suliassaqarfiit ineriartortinneqarnerannut sunniuteqarnissamut periarfissaq kiisalu suliatigut aqutsinikkullu ineriartortarnissamut periarfissat pitsaasut.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ineriartortitsinermut Pisortaq, Pilunguak Poulsen, oqarasuaat +299 36 70 00 imaluunniit e-mail: ks05pipo@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1124-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1124-26)

## Attaveqarfissaq

Pilunguak Poulsen / ks05pipo@sermersooq.gl