---
title: "Utoqqalinersialinnut tunngasunut siunnersorti"
description: "Utoqqalinersialinnut tunngasunut siunnersorti"
date: "2026-10-21"
created: "2026-10-16"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Utoqqalinersialinnut tunngasunut siunnersorti](https://sermersooq.gl/suliffissat/inuttaqanngitsut/utoqqalinersialinnut-tunngasunut-siunnersorti)

Qinnuteqarnissamut periarfissarititaasoq

6/11/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Margrethe Møller / ks55mamo@sermersooq.gl

Kommuneqarfik Sermersooq pikkorissunik kajumissuseqarluartunillu utoqqalinersialinnut tunngasuni siunnersortinik ataatsimik pissarsiorpoq

Pisartakkanik isumaginnittoqarfimmit utoqqalinermi utoqqalinersiat - siusinaartumik pensionisiat pillugit inatsit atuuttoq malillugu aamma sullissisup/isumaginninnermi siunnersortip aalajangiinerani naliliinerit aalajangersimasut tunuliaqutaralugit sullissinissaq qulakkeerneqassaaq.

Pisartakkanik isumaginnittoqarfik arlalissuarnik suliassaqartarpoq aammalu kommunip iluaniittunik avataaniittunillu arlalissuarnik suleqateqartarluni

Nuummi immikkoortortaq arfineq pingasut missaannik sulisoqarpoq, marlunnullu agguataakkanik suleqatigiiaaqarpoq – ineqarnermut tapiissutit pillugit suleqatigiit, aammalu utoqqalinersiallit pillugit suleqatigiit.

Atorfik piffissaq suliffiusussaq tamakkerlugu suliffiuvoq, pisartakkanik suliassaqarfimmi immikkoortortami aqutsisoq qaninnertut aqutsisoralugu.

**Atorfiup imaa:**

Aningaasaqarnermut tunngasunik sulisumik – misilittagaqarluarsinnaasumik – ulluinnarnilu sulinermik aamma suliassanik arlalinnik uku ataanni suliaqartussamik pissarsiorpugut:

·Siunnersuinermik ilitsersuinermillu sullissinerit makkunani:

·Siusinaartumik pensionisiaqalernissamut, utoqqalinermi utoqqalinersiaqalernissamut qinnuteqaatit inatsisit, peqqussutit, kaajallaasitat nalunaarutillu atuuttut naapertorlugit sullissineq

·Utoqqarnut tunngasunik missingersuutinik allannguineq/pilersitsineq

·Inunnik aningaasallu namminneq atorsinnaasaat pillugit sullissineq

·Utoqqalinersianik allannguineq

·Utoqqalinersianik allaffissorneq

·Nusutsinerit assigiinngitsut

·Suliassat allat takkussuuttut nalinginnaasut

Suliassat inunnik isumaginninnermik ingerlatsiviup ataani, sinnerani sulisut qanimut suleqatigalugit pisarput, aamma utoqqarnik sullissivik kiisalu avataaniittut suleqativut suleqatigalugit pisarlutik.

**Qinnuteqartumut naatsorsuutigisat:**

Naatsorsuutigaarput TNI-mut assigisaanulluunniit ilinniarsimasuusutit

Pitsaassaaq suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigigukkit

**Tamatuma saniatigut pingaartipparput, illit:**

·Ineriartortitsinermik sullissilluarnermillu pingaartitsisuusutit

·Suleqatikkuminartoq

·Isumalluartuullutillu ilakkuminartuusutit

·Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq

·Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit

·Namminersorluni sulineq akisussaassutsinillu ilisimaarinnilluartuunissat

·Suliassat agguataarneqarnerisa ingerlaavartumik allanngortiterneqarneranni eqaatsumik periaaseqartutit

·Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit

·Siammasissumik suleqateqarluarsinnaaneq.

·Qinnuteqartut marluinnik oqaasillit (kal/dk) atorfinitsinnissaat orniginartinneqarput, piumasaqaataanngilarli

·Suliassat takkussuuttut nalinginnaasut

**Uagut neqeroorutigaavut:**

Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunnersueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisuugallartoq Margrethe Møller, oqarasuaat +299 36 76 00 imaluunniit e-mail: ks55mamo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1069-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1069-26)

## Attaveqarfissaq

Margrethe Møller / ks55mamo@sermersooq.gl