---
title: "Utoqqaat Illuat peqqinnissamut ikiortimik pissarsiorpoq"
description: "Utoqqaat Illuat peqqinnissamut ikiortimik pissarsiorpoq"
date: "2026-09-15"
created: "2026-09-15"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Utoqqaat Illuat peqqinnissamut ikiortimik pissarsiorpoq](https://sermersooq.gl/suliffissat/inuttaqanngitsut/utoqqaat-illuat-peqqinnissamut-ikiortimik-pissarsiorpoq)

Qinnuteqarnissamut periarfissarititaasoq

6/10/2026

Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173

Utoqqaat toqqissisimanermik, inuunerissaarnerannik ulluinnarnilu pingaartumik inuuneqarnissaannik pilersitseqataarusuppit? Utoqqaat Illuat peqqinnissamut ikiortinik tunniusimasunik pingasunik pissarsiorpoq.

Utoqqaat Illuat Kommuneqarfik Sermersuumi ulloq unnuarlu paaqqinnittarfiuvoq. Utoqqaat illuat immikkoortortani Tungiu, Ippat, Katak aamma Pillorissaavik-mi agguataarsimasunik 47-nik najugaqartuuteqarpoq. Taakkua saniatigut sammisassaqartitsivimmik, igaffimmik, eqqiaasoqarfimmik, errorsisarfimmik, pedelimik aamma biilertumik ingerlataqarpugut.

Oqariartuut una tunngavigalugu sulivugut:

**“Najugaqartoq qitiutillugu.”**

**Suliassatit:**

- Najugaqartup pisariaqartitai, kissaatigisai piginnaasaalu aallaavigalugit tunngaviusumik paaqqutarinninneq isumassuinerlu
- Najugaqartut timikkut, tarnikkut, inooqataanikkut anersaakkullu atugarissaarnerannik tapersersuineq
- Najugaqartut peqqissusaanni allanngortoqarnersoq maluginiarlugu suliamut ilisimasat tunngavigalugit qisuariarneq
- Paaqqutarinninneq, maluginiakkat isumaqatigiissutillu erseqqissumik eqqortumillu allattorneq
- Sammisaqartitsinernut pinaveersaartitsinermullu peqataaneq
- Suleqatit, aqutsisut, qanigisaasut suleqatigisallu avataaneersut suleqatigineri
- Najugaqartut ulluinnaasa toqqissisimanartut, ataqqinniffiusut nale dignumillu ingerlanissaannut peqataaneq

**Ilinnit naatsorsuutigaavut:**

- Peqqinnissamut ikiortitut ilinniarsimasutit imaluunniit assingusumik naleqquttumik ilinniagaqarsimasutit
- Utoqqarnik aamma puigortunngornermik nappaatilinnik sullissinermik soqutigisaqartutit
- Isumassuisuusutit, naammagittartuusutit eqqissisimasuusutillu – aamma unamminartunik pisoqartillugu
- Akisussaassuseqartutit, aalajaatsuusutit, eqaatsuusutit suleqatikkuminartuusutillu
- Namminiilersinnaallutit sulisinnaasutit suliniuteqarsinnaasutillu
- Erseqqissumik paasinartumillu allattuisinnaasutit
- Suliffimmi pitsaasumik atugaqarnissamut peqataasutit
- Suliffik inuunerlu namminerisap immikkoortissinnaagitit nipangiussisussaatitaanerlu malittarit
- Suliffiup nikerartumik piffissalersugaaneranut sapaatip-akunnerisa naanerini allortarlugit sulisarnissannut piareersimasutit
- Paaqqutarinninnerup pitsaassusaanik ineriartortitsinermut qaffassaanermullu peqataarusuttutit

**Naleqartitavut:**

Qanilaarneq, suleqatigiinneq, ataqqeqatigiinneq, qiimaneq, tunniusimaneq aamma attaveqaqatigiilluarneq.

**Neqeroorutigaavut:**

- Ilisarititsineq sukumiisoq ilinniartinneqarnerlu
- Suliffik pingaartumik, akisussaaffilik sunniuteqaqataaffiusorlu
- Suliamut assigiinngitsunut tunngasunik ilisimasalinnik suleqateqarneq
- Suleqatit pitsaasut tunniusimasullu
- Ilinniartinneqarnissamut, pikkorissarnissamut suliamullu tunngatillugu ineriartortitsinissamut periarfissat
- Kommunimik, peqqinnissaqarfimmik suliamullu tunngatillugu ilinniarsimasunik allanik suleqateqarneq
- Suliffik ingerlaartumik ineriartortoq

**Annertunerusumik paasisaqarusukkuit:**
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Kathrine Lerch-Amondsen, oqarasuaat +299 36 61 31 imaluunniit e-mail: ks35kale@sermersooq.gl

**Pineqaatissinneqarsimannginnermut uppernarsaat:**
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Qinnuteqaat:**
Qinnuteqaat qulequtserlugu **Atorfiup ilisarnaataa 921-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=921-26)

## Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173