---
title: "Utoqqaat Illuat igaffimmiunik tallimanik pissarsiorpoq"
description: "- Allagarsiuteqqitaq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Utoqqaat Illuat igaffimmiunik tallimanik pissarsiorpoq](https://sermersooq.gl/suliffissat/inuttaqanngitsut/utoqqaat-illuat-igaffimmiunik-tallimanik-pissarsiorpoq)

Qinnuteqarnissamut periarfissarititaasoq

26/8/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173

# Kommuneqarfik Sermersooq Nuummi Utoqqaat Illuat igaffimmiunik tallimanik ilinniarsimasunik kajumissuseqarluartunik pissarsiorpoq

Utoqqaat nerisassaqarluartittarnissaat peqataaffigerusuppiuk?

Nerisassiornermik, inuussutissalerinermik pitsaassusermillu suliaqarusussuseqarpit? Ullut tamaasa utoqqarnut sunniuteqaqataallutit igaffimmi nutaaliaasumi sulerusuppit? Taamaassappat illiussaaq Utoqqaat Illuanni suleqatigerusutarput.

##

**Utoqqaat Illuat pillugu:**

Utoqqaat Illuat Kommuneqarfik Sermersuumi utoqqarnik paaqqutarinniffiuvoq 47-nit najugaqarfigineqartoq. Igaffimmi ullut tamaasa utoqqarnik paaqqutarinniffimmi najugaqartut inuussutissaqarluartunik mamartunillu nerisassiortoqartarpoq kiisalu kommunimi nerisassanik aggiussisarnermut aaqqiissuteqarnikkut innuttaasunut namminneq angerlarsimaffimminiittunut nerisassiortoqartarluni.

Sulinitsinni naleqartitat tunngavigisavut:

**Najugaqartoq qitiutillugu:**

Ataatsimuussuseqarluarnikkut aamma ataatsimut naleqartitanik toqqammaveqarnikkut pitsaanerpaamik paaqqutarinninneq, isumassuineq kiffartuussinerlu tunniunneqartartut upperaarput. Taamaattumik Utoqqaat Illuanni naleqartitat tunngavigalugit sulisut tamarmik sulissasut naatsorsuutigaarput:

∙Qanilaarneq

∙Ikioqatigiinneq suleqatigiinnerlu

∙Ataqqeqatigiinneq

∙Qiimaneq

∙Tunniusimaneq

∙Attaveqaqatigiilluarneq

Naleqartitat najugaqartunik, qanigisaasunik, suleqatitsinnik allanillu suleqatigisartakkatsinnik suleqatigiinnitsinnut toqqammavigaavut. Suliatigut pikkorissuseq, ataqqinninneq, akisussaassuseq isumassuinerlu ingiaqatigiisillugit aamma najugaqartut nalerisimanerat inuunermilu pitsaassusaat qitiutillugit suliffeqarfeqarusuppugut.

**Najugaqartoq qitiutillugu**

Ataatsimuussuseqarluarnikkut aamma ataatsimut naleqartitanik toqqammaveqarnikkut pitsaanerpaamik paaqqutarinninneq, isumassuineq kiffartuussinerlu tunniunneqartartut upperaarput. Taamaattumik Utoqqaat Illuanni naleqartitat tunngavigalugit sulisut tamarmik sulissasut naatsorsuutigaarput:

∙Qanilaarneq

∙Ikioqatigiinneq suleqatigiinnerlu

∙Ataqqeqatigiinneq

∙Qiimaneq

∙Tunniusimaneq

∙Attaveqaqatigiilluarneq

Naleqartitat najugaqartunik, qanigisaasunik, suleqatitsinnik allanillu suleqatigisartakkatsinnik suleqatigiinnitsinnut toqqammavigaavut. Suliatigut pikkorissuseq, ataqqinninneq, akisussaassuseq isumassuinerlu ingiaqatigiisillugit aamma najugaqartut nalerisimanerat inuunermilu pitsaassusaat qitiutillugit suliffeqarfeqarusuppugut.

Pitsaassuseq qaffasissoq, inuussutissat, inuussutissaqarnikkut isumannaatsuuneq nerisatigullu misigisaqarluarnissaq pingaartitaraavut.

##

## Atorfik pillugu:

Igaffimmi suleqatigiinni suleqataasussamik ilinniarsimasumik pissarsiorpugut. Igaffimmi aqutsisoq sulisullu allat qanimut suleqatigalugit ulluinnarni nerisassioqataasarlutillu igaffimmik inerisaaqataassaatit.

Atorfik pigaartunut pilersaarut atuuttoq malillugu sulisarnermi sapaatip akunneranut 40 tiimit suliffiuvoq.

**Sulisussarsiorpugut ima ilinniagaqartumik:**

∙Igasoq

∙Inuussutissalerinermi assistenti

∙Iffiortoq

∙(Nerisassanik) Sassaalliisoq

∙Igaffissuarmiit suliffissuarmiluunniit igaffimmiit misilittagaqarluni nerisassiornikkut naleqquttumik ilinniagaqartoq

##

## Suliassariumaagatit:

Ilaatigut uku suliassaraatit:

∙Ullaakkorsiutinik, ullup qeqqasiutissanik, unnukkorsiutissanik akunnermuliullugu pissanik nerisassiorneq

∙Eqqortunik inuussutissalinnik mamartunillu nerisassanik piareersaaneq

∙Immikkut nerisassanik nerisassanillu aalajangersimasunik nerisassiorneq

∙Iffiorneq pisariaqartitsinerlu naapertorlugu allanik iffiorneq

∙Innuttaasunut namminneq angerlarsimaffimminniittunut nerisassiorneq

∙Igaffimmi aqutsisoq suleqatigalugu nerisassatut toqqagassanik pilersaarusiorneq

∙Nioqqutissanik tigusineq misissuinerlu

∙Suliffigisami misissuisarnermik, HACCP-mik aamma inuussutissalerinermi eqqiluisaarnermik eqquutsitsineq

∙Igaffimmik atortunillu eqqiaaneq aserfallatsaaliuinerlu

∙Nerisakunik annikillisaaqataaneq

∙Igaffimmi pitsaassutsimik inerisaaqataaneq

##

## Naatsorsuutigaarput illit

∙Igaffeqarnerup imaluunniit inuussutissalerinerup iluani naleqquttumik ilinniagaqassasutit

∙Ajornanngippat igaffissuarmit, suliffissuarmi igaffimmit assigisaannilluunniit misilittagaqaassasutit

∙Utoqqaat inuussutissaqartinnissaannut nerisaqartinnissaannullu soqutiginnissasutit

∙Namminersorlutit aaqqissuulluakkamik sulisinnaassasutit

∙Akisussaaffimmik ilisimaarinnillutit, eqaatsumik periuseqarlutit patajaallutit suliartortassasutit

∙Suleqatigiinnissamut piginnaasaqarluartutit

∙Pitsaassutsimik ilisimaarinnillutit kiffartuusserusussuseqassasutit

∙Suliffimmi avatangiisinik pitsaasumik tunniussaqarsinnaasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

## Neqeroorutigaavut:

∙Suliffik soqutiginartoq isumaqarluartorlu

∙Suliffik atugarissaarnermik suleqatigiinnermillu qitiutitsisoq

∙Suliffimmi kajumissuseqartunik assigiinngitsunillu suleqateqarfiusumik avatangiiseqarneq

∙Suliatigut ineriartornissamut ilinniaqqinnissamullu periarfissaq

∙Isumaqatigiissutit atuuttut naapertorlugit aningaasarsiaqartitaaneq atorfeqartitaanermilu atugassarititat

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Ningiu Kathrine Lerch-Amondsen, oqarasuaat +299 36 61 31 imaluunniit e-mail: ks35kale@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 745-26-mik,** ilinniagaqarsimanermut uppernarsaat **** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=745-26)

## Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173