---
title: "Utoqqaat Illuat biilertussarsiorpoq"
description: "Utoqqaat Illuat biilertussarsiorpoq"
date: "2026-10-13"
created: "2026-10-13"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Utoqqaat Illuat biilertussarsiorpoq](https://sermersooq.gl/suliffissat/inuttaqanngitsut/utoqqaat-illuat-biilertussarsiorpoq)

Qinnuteqarnissamut periarfissarititaasoq

3/11/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173

Nuummi utoqqaat isumannaatsumik toqqissisimanartumillu angallanneqartarnissaannut peqataarusuppit?

Utoqqaat Illuat aalajaatsumik, akisussaassuseqartumik sullissilluartumillu biilertussarsiorpoq. Najugaqartut atuisullu ulluinnarni inuuneranni pingaarutilimmik inissisimassaatit, angallassinerlu isumannaatsumik, eqqissisimasumik ataqqinnittumillu ingerlanneqartassalluni.

**Utoqqaat Illuat pillugu**

Utoqqaat Illuat Kommuneqarfik Sermersuumut atalluni ulloq unnuarlu paaqqinniffiuvoq. Paaqqinninnermut immikkoortortat pingasut, oqilisaassilluni najugaqartitsiviit sammisassaqartitsinerillu pigivagut. Ulluinnarni sulinitsinni najugaqartoq qitiutittarparput. Naleqartitavut tassaapput qanilaarneq, suleqatigiilluarneq, ataqqeqatigiinneq, qiimaneq, tunniussimaneq attaveqaqatigiilluarnerlu.

**Atorfik pillugu**

Biilertut ulluinnarni angallassinerit pilersaarusiortassavatit ingerlattassallugillu. Utoqqaat, ilanngullugit inuit innarluutillit issiavinnillu assakaasulinnik atuisut, qanittumik attaveqarfigisassavatit. Pisortaq qaninnertut qullersarissavat, aqutsisullu, paaqqinninnermut immikkoortortat, sammisassaqartitsiviit illullu aserfallatsaalineqarneranik isumaginnittut qanimut suleqatigissallugit. Atorfik piffissaq tamakkerlugu suliffiuvoq.

**Suliassat**

Biilertup suliassaanut ilaatigut uku ilaapput:

·Najugaqartut atuisullu pisariaqartitsineq naapertorlugu angallattassallugit

·Utoqqaat Illuat sinnerlugu assartuinermik suliassat suliarisassallugit

·Angallassineq isumannaatsumik toqqissisimanartumillu ingerlanneqartassasoq qulakkiissallugu

·Biilit paarillugillu eqqiluittuutissallugit

·Suliassani tigussaasuni sammisassaqartitsinernilu ikiortassalluni

·Illumi immikkoortortat sulisullu suleqatigissallugit

·Najugaqalersut nuunneranni aaneqarnerannilu ikiortassalluni

·Angallassinerit pilersaarusiortassallugit, isumaqatigiissutaasut ulluinnarnilu pisariaqartitat piffissaq eqqorlugu naammassineqarsinnaaqqullugit

·Biilit sapaatit akunneri tamaasa iluatigut silataatigullu eqqiartassallugit, misissorneqartarnerannilu aserfallatsaalineqarnerannilu peqataasassalluni

·Pisariaqartitsineq naapertorlugu apummik aputaajaanermi, isaarissap sioraasanik siammarterneqarnerani suliassanilu allani tigussaasuni ikiortassalluni

**Ilimagaarput illit**

·Biilernermut allagartaq atuuttoq pigigit, isumannaatsumillu akisussaassuseqartumillu biilertartutit

·Aalajaatsuusutit, piffissaq eqqorlugu takkuttartutit namminersorlutillu sulisinnaasutit

·Ullup suliffiusup ingerlanissaa pilersaarusiorsinnaagit, suliassat ataatsimut isiginnissinnaagit allannguutillu eqqissisimasumik iliuuseqarfigisinnaagit

·Utoqqaat ataqqinnittumik, naammagittartumik isumassuisumillu naapittaritit, misigissusiilu paasiniarsinnaagit

·Innuttaasut, ilaqutaasut, suleqatit suleqatigisartakkallu sulinermut naleqquttumik suleqatigisinnaagit attaveqarfigisinnaallugillu

·Innuttaasoq ikiorneqarnissamik pisariaqartitsisoq malugigukku iliuuseqartartutit aqutsisunullu nalunaaruteqartartutit

·Allannguutinut naleqqussarsinnaasutit suliassanillu tigussaasunik suliaqarnissannut piumassuseqartutit

Utoqqarnik, innarluutilinnik imaluunniit issiavinnik assakaasulinnik atuisunik angallassinermik misilittagaqarneq iluaqutaassaaq. Kalaallisut qallunaatullu oqalussinnaaneq iluaqutaassaaq, piumasaqaataananili.

**Neqeroorutigaarput**

·Suliffik isumalimmik siunertalik, utoqqaat inuunerannut iluaqutaasumik sunniuteqarsinnaaffigisat

·Ulluinnaq allanngorartoq, akisussaaffeqarlutit namminersorlutillu suliassaqartassallutit

·Ilinniakkat assigiinngitsut tunngavigalugit suleqatigiinneq, ataqqinninneq attaveqaqatigiilluarnerlu pingaartillugit

·Suliffik ineriartortoq, najugaqartoq qitiutillugu

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ningiu Kathrine Lerch-Amondsen, oqarasuaat +299 36 61 31 imaluunniit e-mail ks35kale@sermersooq.gl.

**Qinnuteqaat:**

Qinnuteqaat qulequtserlugu**Atorfiup ilisarnaataa 1060-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1060-26)

## Attaveqarfissaq

Kathrine Lerch-Amondsen / ks35kale@sermersooq.gl / 366162 / 563173