---
title: "Ulluunerani neqeroorutini Siunnersorti"
description: "Ulluunerani neqeroorutini Siunnersorti"
date: "2026-09-03"
created: "2026-09-03"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ulluunerani neqeroorutini Siunnersorti](https://sermersooq.gl/suliffissat/inuttaqanngitsut/ulluunerani-neqeroorutini-siunnersorti)

Qinnuteqarnissamut periarfissarititaasoq

24/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Ajaaja Rosing / pittaaneq@hotmail.com

**Kommuneqarfik Sermersooq Ulluunerani neqeroorutinut immikkoortortaanut siunnersortimik ineriartortitseqataarusuttumik pissarsiorpoq.**

Kommuneqarfik Sermersuumi ulluunerani neqerooruteqartut siunissaannik pitsanngorsaaqataagit

Kalaallit Nunatsinni atugarissaarnermut suliassaqarfiit pingaarnersaasa ilaannik pitsanngorsaaqataarsuppit?

Kommuneqarfik Sermersuumi Ulluunerani neqeroorutinut suliassaqarfik pingaarutilimmik ineriartortinneqaleruttorfimmiippoq. Siunnersortissarsiorpugut paaqqinnittarfinni aqutsisut suliassaasa sinaakkutaat nukittorsassallugit

Siunnersorti paaqqinnittarfinni pisortat sulisunik pitsaasunik sulinermi atugassaqartitsinissamik sulineranni tapersersortassavaa, aqutsinermut sinaakkutinik nukittorsaaqataassalluni, aaqqiissutissanik piujuartitsinermik tunngaveqartunik qulakkeerinneqataassalluni aammalu meeqqanut ulluunerani neqeroorutitsinni pitsaassutsimik qaffasissumik pilersitsinissamut pitsaasunik tunngavissiinissamut peqataassalluni.

Ulluunerani neqeroorutinut suliassaqarfik kajumissuseqarluartunik aqutsisoqarlunilu sulisoqarpoq kiisalu ineriartortitsinissamut periarfissaqarluarpoq. Kommunit allat assigalugit sulisunik piukkunnaatilinnik atorfinitsitsiniarneq attassiinnarnerlu suliassaqarfimmik aaqqissueriaatsitsinnut, isumaginneriaatsitsinnut inerisaariaatsitsinnullu nutaanik piumasaqaatitaqartoq misigaarput. Taamaattumik aqutsinermut najoqqutassat nukittorsaaviginissaannut, aaqqiissutinik atajuartussanik qulakkeerinissamut ulluuneranilu neqeroorutaatitsinni suliatigut qaffasissumik pitsaassuseqarnissamut pitsaanerpaamik tunngavissaqalernissamut qitiusumik atuuffeqassaatit.

**Siunnersortitut atorfik piviusumik sunniuteqarfik:**

Siunnersortip suliassaa tassaavoq meeqqerivinni pisortat pisariaqartitaminnik allaffissornikkut ingerlatsinermullu tunngasunik siunnersorneqarlutillu ilitsersorneqarnissaat qulakkeerniassallugu. Taamaalillutik pisortat pisortatut suliassaminnut, sulisut ineriartortinneqarnissaannut kiisalu sulisussarsiornerup sulisullu pigiinnarneqarnissaannut tunngatillugu suliniutinut anguniagaqarfiusunut annertunerusumik ukkussisinnaalissapput.

Siunertarineqarpoq ingerlatsinermut patajaatsumut pitsaanerusumik sinaakkusiinissaq, suliffimmi avatangiisinik pitsanngorsaanissaq, sulisut atugarissaarnissaannik qaffassaanissaq taamaalillunilu paaqqinnittarfinni neqeroorutigineqartut pitsaassusaannik nukittorsaanissaq. Tamanna ilaatigut meeqqerivinni pisortanngortunut nutaanut pitsaasumik aallartisarneqarnissaat (onboarding) qulakkeerlugu ingerlanneqassaaq. Tamatuma saniatigut pisortat maannakkut atuuttut pisortatut suliassaminnik naammassinninnerminni tapersersorneqassapput, kiisalu allaffissornikkut suliassat tulleriiaarneqarnissaat pingaarnersiorneqarnissaallu qulakkeerneqassalluni.

**Atorfik pillugu:**

Atorfik Meeqqanut Atuarfeqarnermullu Ingerlatsivimmi Ulluunerani Neqeroorutini immikkoortortaqarfimmi inissisimassaaq, aammalu tassani immikkortoqarfimmi Fagchefi qullersarissallugu.

Sulisoq pisortanut nutaanut sunniuteqarluartumik aallartisarneqarnissamut (onboarding) aaqqissuussissaaq, kiisalu paaqqinnittarfinni pisortat tamaasa tikillugit aallartisarneqarnissaat (onboarding) isumagissallugu aamma pisortanik tapersersuissalluni.

Meeqqanut Atuarfeqarnermullu Ingerlatsivik makkuninnga immikkoortortaqarpoq: Atuarfeqarneq, MISI aamma meeqqanut inuusuttunullu ikorfartortaasunut immikkoortortaq, Ulluunerani neqeroorutit, Sammisassaqartitsineq Kulturilu, Ineriartortitsineq, Peqqinnermik siuarsaaneq Pitsaaliuinerlu kiisalu Stabi.

Kommunip ulluunerani neqeroorutai tassaapput angerlarsimaffimmi ulluunerani paaqqinnittarneq, angerlarsimaffimmi ulluunerani paaqqinnittarnertut aaqqissuussat, meeraaqqerivik, meeqqerivik aamma ukioqatigiinngitsunut paaqqinnittarfiit. Pingaartinneqassaaq kommunip ulluunerani neqeroorutaani meeqqat tamarmik inissaqartinneqarnerat aamma ineriartornissaannut nalerisimanerannullu sinaakkutissat pitsaanerpaat pilersinneqarnissaat. Kommuneqarfik Sermersuumi ulluunerani neqeroorutini sulisut tamarmik ullut tamaasa meeqqat nalerisimanerat, ineriartornerat aamma ilikkagaqarsinnaassusaat pillugit suliamik ingerlatsipput ”meeraq qitiutillugu” aalajangiinerit ingerlanneqartassapput.

Kommunimi illoqarfinni ulluunerani paaqqinnittarfiit katillugit 23-upput nunaqarfinnilu ulluunerani angerlarsimaffinni paaqqinnittartut arfineq-pingasuullutik.

Atorfik ullormut suliffiusussaq naallugu suliffiuvoq Nuummiillunilu.

**Pingaarnertut suliassatit:**

Suliassatit pingaarnerit tassaapput paaqqinnittarfinni pisortanik ulluinnarni aqutsinermi tapersersuineq, siunnersuineq ilitsersuinerlu. Tamatumani ilaapput sulisunik aqutsinerat, aningaasaqarnermik aqutsineq, pilersaarusiorneq, aalajangiussanik malitseqartitsineq kiisalu suliffimmi avatangiisinik pitsaasunik ineriartortitsinissamut suliniutinik aallartitsineq.

Aammattaaq suliassatit tassaassapput allattuinermik uppernarsaasiornerlu, pitsaassutsimik ineriartortitsineq, sulisussarsiornermi periusissiornikkut sulisussarsiorneq, angajoqqaanik suleqateqarneq kiisalu pitsaasumik attaveqatigiinneq.

Suliatigut siunertarineqassaaq paaqqinnittarfinni patajaatsumik, pitsaasumik attanneqarsinnaasumillu ingerlatsinissamut pisortat sulisullu pitsaanerpaamik tunngavissinneqarnissaat.

Taamatuttaaq sulisussarsiornermut tunngasunik nalinginnaasunik unammilligassanik paasisaqarnerulernissaq, taakkununnga tunngasunik ataatsimut isiginnilluni aaqqissuussineq kiisalu sulisut piginnaasaannik ineriartortitsinissamut periarfissanik eqqumaffiginninneq suliassaassaaq.

**Illit ilisarnaatitit:**

·Perorsaasutut ilinniagaqarsimaneq, ajornanngippat ilinniaqqinnermik aammalu aqutsinermik misilittagaqarneq ilallugu. Aamma ilinniakkap iluani, allaffissornermi imaluunniit aqutsinermi qaffasinnerusunik ilinniagaqarsimaneq naleqquttuusinnaavoq

·Paaqqinnittarfimmi aqutsinermik misilittagaqarneq

·Suliassanik aaqqissuussillunilu ataatsimut isiginnittumik pilersaarusiorsinnaaneq kiisalu paasissutissanik ersarissumik ingerlatitseqqiisinnaaneq

·Angajoqqaanik pitsaasumik suleqateqarnermik pingaartitsineq, kiisalu pitsaasumik attaveqaqatigiissinnaaneq. Angajoqqaanik suleqateqarneq ulluinnarni sulinermi pingaarutilittut isigineqassaaq

·Sulisut atugarissaarnerannik pitsanngorsaanissamut piginnaasaqarneq paasinninnerlu, kiisalu sulisut piginnaasaannik ineriartortitsinissamut ukkatarinninneq

·Allanngortitsinermik aqutsinermik aammalu aaqqissuussaanermik ineriartortitsinermik misilittagaqarneq paasinninnerlu

·Suliassaqarfiit assigiinngitsut akornanni aammalu immikkoortortaqarfiit akornanni kajumissutsimik pilersitsisinnaaneq pitsaasumillu suleqatigiinnermik pilersitsisinnaaneq

**Illit inuttut piginnaasatit:**

·Ersarissoq misiginneqatiginnissinnaasorlu

·Iliuuseqarusussuseqartoq tutsuiginnilersitsisinnaasorlu

·Killilersuutit pinnagit periarfissanik takunnissinnaasoq

·Alapernaatsoq ineriartortitserusussuseqartorlu

·Kajumilersitsillaqqissoq piumassuseqalersitsillaqqissorlu

·Kulturimik maluginiallaqqissoq kalaallit atugaannik najukkamilu inuiaqatigiinnik ataqqinnittoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

Atorfikakisussaaffeqarfiusoq, pingaaruteqartoq aamma ineriartortoq neqeroorutigaarput, tassanilu ulluunerani neqeroorutinut suliassaqarfiup siunissaanut ilusilersueqataanissanik Kommuneqarfik Sermersuumi meeqqanut ilaqutariinnullu iluaqutaasussamik periarfissinneqassaatit.

Ingerlatsivimmi anguniagaqarluartumi suliatigut nukittuunik avatangiiseqartumi, tunniusimalluartunik aqutsisulimmi peqataassaatit, aamma politikkikkut allaffissornikkullu aqutsisut qanimut oqaloqatigisassallugit.

Atorfimmi suliatigut isummersoqatigiinnissamut, aqutsisunik ineriartortitsinissamut kiisalu ingerlatsiviup ataatsimoorussamik anguniagaanut sunniuteqaqataanissamut periarfissaqarluarpoq.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Ajaaja Rosing, oqarasuaat +299 36 60 35 imaluunniit e-mail: ks24ajro@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 869-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=869-26)

## Attaveqarfissaq

Ajaaja Rosing / ks24ajro@sermersooq.gl