---
title: "Ulluunerani neqeroorutini immikkoortortaqarfik perorsaanermik siunnersortissarsiorpoq"
description: "Ulluunerani neqeroorutini immikkoortortaqarfik perorsaanermik siunnersortissarsiorpoq"
date: "2026-08-24"
created: "2026-08-24"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Ulluunerani neqeroorutini immikkoortortaqarfik perorsaanermik siunnersortissarsiorpoq](https://sermersooq.gl/suliffissat/inuttaqanngitsut/ulluunerani-neqeroorutini-immikkoortortaqarfik-perorsaanermik-siunnersortissarsiorpoq)

Qinnuteqarnissamut periarfissarititaasoq

14/9/2026

Suliffik

Nuuk

Sumiiffik

Forvaltning for Børn og Skoler

Attaveqarfissaq

Inngeeraq Møller / ks94inmo@sermersooq.gl

Meeqqeriveqarfinni neqeroorutitta nuannersorpassuit pitsaassusaasa piorsaaviginissaat qulakkeernissaallu peqataaffigerusukkukkit, taava maannakkut periarfissaqalerputit. Perorsaanermut siunnersortimik pissarsiorpugut 1. oktober 2026-imi atorfinittussamik imaluunniit isumaqatigiissuteqarnikkut.

Meeqqerivinni perorsaanikkut sulineq tapersersuinikkut aqqutissiuussinerlu pingaarnertut suliassarissavat. Pilersaarutit suliniutillu allat tamakkununnga ikorfartuutaasut ataavartumik meeqqerivinni piorsarneqarlutillu atulersinneqartassapput. Perorsaanermut siunnersortitut suliassaqarfimmi aqutsisut allallu suleqatigisartakkat suleqatigalugit suliat ingerlanneqarnerini atuuttussanik ikorfartortassavatit. Atorfik kiffaanngissuseqartorujussuuvoq, akisussaaffimmi nassataqarluni illillu ullup nammineq qanoq ingerlatissanerlugu sunneeqataaffigisinnaavaat.

Meeqqat tamarmik inerikkiartortinnissaannut pitsaanerpaanik periarfissaqarnissaat qulakkeerneqassasoq anguniagaraarput. Tamannalu pissaaq meeqqeriviit, atuarfiit, attaveqaatit angajoqqaallu imaluunniit isumassuisut allat qanimut suleqatiginerisigut. Peqatigiilluta meeqqat tamarmik siuariartornissaat ilikkalertornissaallu qulakkiissavarput. Perorsaanermut siunnersortitut, sulianut tunngatillugu perorsaanermi meeqqeriviit eqqarsaatigalugit aqqutissiuisutut siunnersortitullu inissisimassaatit.

**Ingerlatsivik anguakkat tunngavigalugit sulivoq**

·Meeqqanik alapernaatsunik, tatitussusilinnik, peqqissunik aammalu nuannartunik pilersitseqataarusuppugut, kiisalu

·Kalaallit Nunaanni pitsaanerpaanik paaqqinnittarfinnik aammalu atuarfinnik tamanullu inissaqartitsiunik pilersitserusuppugut, taamatulli

·Pikkorissunik siunissamullu takorluugarissaartunik aammalu akisussaasoqarluarlutik akisussaaffimmik ingerlatsisunik sulisoqarusuppugut. Pitsaasumik eqqarsarneq akuersaartumillu meeqqanut isiginnittaaseqarluta sulivugut, meeqqat tamarmik piginnaasaqarput qanoriliuuseqarsinnaassuseqarput ineriartornissaminullu piukkunnaateqarlutik. Tamanna perorsaanermi siunnersortip peqataaffigissavaa

**Suliarisartagassatit**

·Meeqqerivinni pisortanut siunnersuineq, aqqutissiussineq ilitsersuinerlu. Misilittakkanik, paasisimasanik ilisimatuutullu misissukkanik nutaaliaanerusunik paasisimasaqarnermik tamanna tunngaveqassaaq

·Perorsaanermi sammisanut siuarsaaneq, allaffissorneq, aningaasaqarneq, sulisutigut aqutsineq, suleqatigiinneq eqqarsaatigalugit meeqqerivinni aqutsisunullu siunnersuineq tapersersuinerlu

·Ilinniartitaanermi suliassanut tunngasunik aaqqissuineq, aaqqissuussineq ingerlatsinerlu, matumani pikkorissarnerit saqqummiinerillu ilanngullugit

·Aallartisaaneq, aqutsineq inerisaanermilu pilersaarutini peqataaneq kiisalu maleruaqqusanik ineriartortitsineq attassiinnarnerlu

·Perorsaanermi sullissineq, matumani naammagittaalliuutinik suliaqarneq meeqqerivimmullu allamut nuutsitsiniarnermi qinnuteqaatit

·Nakkutilliilluni suliaqarneq

·Meeqqerivinni tamani ad hoc suleqatigiissitaq pillugu suliaqarneq

**Naatsorsuutigaarput:**

·Ingerlatsivik pillugu ilisimasanik alapernaasersinnaaneq, atuagarsornikkut ilisimalikkat misilittakkallu piviusunngortillugit ingerlateqqissinnaagitit - allattariarsornikkut oqaluttariarsornikkullu

·Suliassaqarfik pillugu paasisanik attuumassuteqartunik saqqummiisinnaasutit kiisalu oqaloqatigiinnernik aallartitsisinnaallutillu aqutsisinnaasutit

·Politikkikkut inatsisitigullu piumasaqaatit kissaatillu suliniutitut piviusunngorlugit suliarisinnaagitit

·Meeqqeriveqarnermut suliassaqarfimmi suliassat assigiinngitsorpassuit nukissaqarfigalugillu ataqatigiissarsinnaagitit

**Suliamut tunngatillugu piginnaasat:**

·Perorsaasutut ilinniagaqarsimanissat, ingerlariaqqiffiusumik attuumassuteqartumik naammaqquteqarsinnaavoq, tamannali piumasaqaataanngilaq

·Oqaatsinik piginnaasaqarluartoq, kalaallit qallunaallu oqaasii sapinngikkitit

·Qarasaasiamik atuilluarsinnaasutit sulinermilu atorluarsinnaallugu

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-iugallartoq Inngeeraq Aleqa Møller, oqarasuaat +299 36 76 06 imaluunniit e-mail: ks94inmo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 820-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=820-26)

## Attaveqarfissaq

Inngeeraq Møller / ks94inmo@sermersooq.gl