---
title: "Timmiaaqqat nerisassiornermi assistent-mik ernereernermi kingorna paarlatsimik pissarsiorpoq"
description: "Timmiaaqqat nerisassiornermi assistent-mik ernereernermi kingorna paarlatsimik pissarsiorpoq"
date: "2026-10-26"
created: "2026-10-26"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Timmiaaqqat nerisassiornermi assistent-mik ernereernermi kingorna paarlatsimik pissarsiorpoq](https://sermersooq.gl/suliffissat/inuttaqanngitsut/timmiaaqqat-nerisassiornermi-assistent-mik-ernereernermi-kingorna-paarlatsimik-pissarsiorpoq)

Qinnuteqarnissamut periarfissarititaasoq

16/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Pia Clasen Lundblad / ks17pilu@sermersooq.gl

Akuleriinni Meeqqerivik Timmiaaqqani pikkorissumik tunniusimasumillu nerisassiornermi assistent-mik ernereernermi kingorna paarlatsimik sulilersussamik pissarsiorpoq.

Timmiaaqqat Meeqqanut 100-nut inissaqarpoq, 0-6 ukiulinnut meeqqeriviulluni. Init arfineq marluupput, ini pingasut meeraaqqanut 12-nut inissaqarluni, ini sisamat meeqqanut 16-ni inissaqarluni. Init tamarmik pingasunik sulisoqarput, sulisui tassaallutik : Perorsaasoq, isumagininnermi ikiorti kiisalu ikiorti.

Timmiaaqqat ammasarpoq ulluinnarni nal. 7.00-miit 17.00 tungaanut, nalliuttuni weekendtinilu matoqqasarluni.

Sulisuupput: Aqutsisoq, tullersorti, Afdleder perorsaasut, isumagininnermi ikiortit, ikiortit, kiisalu igaffimmioq.

**Atorfiup imarisaa:**

·Akuleriinni Meeqqerivik Timmiaaqqani inuussutissalerinermi ikiortitut ilinniarsimasumik igaffimmi ulluinnarni ingerlatsinermi isumaginnissinnaasumik, meeqqanullu inuussutissartaqartunik, assigiinngissitaartunik kajungernartunillu nerisassanik qulakkeerinnissinnaasumik pissarsiorpoq

·Igaffimmiutut eqqumaffissarissavatit inuussutissanik sapigallit aamma immikkut nerisaqartariaqarnermik uppernarsarneqarsimasunik eqqortumik isumaginninnerup qulakkeernera

·Qanimut suleqateqarsinnaaneq suleqatinik aammalu atuisunik.

·Meeqqeriviup kostpolitikkia naapertorlugu suliaqarsinnaaneq.

**Qinnuteqartunut naatsorsuutigisat:**

·Ernæringsassistent-itut ilinniagaqarsimanissaq imaluunniit igaffimmi misilittangaqarnissaq

·Isumassarsiorsinnaasoq aammalu eqqummaarittoq

·Namminersorsinnaasoq kiisalu suleqateqarsinnaasoq

·Eqaattunik suleriuseqarsinnaaneq aammalu nutaaliorsinnaaneq

·Meeqqanik sullissinermik nuannarisaqarneq

**Neqoroorutigaavut:**

·Meeqqat nuannaartut, sulisut qiimasut, angajoqqaanut sulisunullu suleqatikkuminartut.

·Meeqqerivimmi suleqatit tunniusimasut suleqatigineri

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Pia C. Lundblad oqarasuaat 366870 imaluunniit e-mail: ks17pilu@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1102-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1102-26)

## Attaveqarfissaq

Pia Clasen Lundblad / ks17pilu@sermersooq.gl