---
title: "Tasiilami Teknikkikkut pilersaarusiornermut aqutsisoq  "
description: "- Allagarsiuteqqitaq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tasiilami Teknikkikkut pilersaarusiornermut aqutsisoq](https://sermersooq.gl/suliffissat/inuttaqanngitsut/tasiilami-teknikkikkut-pilersaarusiornermut-aqutsisoq)

Qinnuteqarnissamut periarfissarititaasoq

21/8/2026

Suliffik

Tasiilaq

Sumiiffik

Forvaltning for Anlæg og Miljø

Attaveqarfissaq

Justus Hansen / ks92juha@sermersooq.gl

Kommuneqarfik Sermersooq Tasiilami teknikkikkut pilersaarusiornermut aqutsisussarsiorpoq, taanna Tunumi kommunip illuutaanik ingerlatsinermik aserfallatsaaliuinermillu suliniutinik isumaginnittuussaaq kommunip Tunumi sanaartornermik suliaanut tamanut tunngatillugu.

Tasiilami najukkami allaffissornermut attuumassuteqassaatit aamma illit ulluinnarni sulinerit tassannga aallaaveqassaaq. Taamaattoq Tunumi kommunip nunaqarfiini angalasarnissat naatsorsuutigissavat, nunap immikkoortuaniittut taakku atorfimmit akisussaaffigineqarnerat pissutigalugu. Ulluinnarni sulininni Tasiilami ingerlatsinermut aqutsisup ataani inissisimassaatit.

Teknikkikkut pilersaarusiornermut aqutsisutut suliffimmik namminersorfiusumik akisussaaffeqartumillu ingerlatsissaatit suliamut inuttullu inerikkiartornissamut periarfissaqarluartumik. Tunumi kommunip illuutaanut sanaartugaanullu tamarmiusunut assigiinngitsorpassuarnik tamatigoortuusunillu suliaqassaatit, tassunga ilaallutik sanaartukkanik allanngortiterineq, kommunip illuutaanik nutarterinerit aserfallatsaaliinerillu kiisalu sanaartugassanik mikinerusunik pilersaarusiornerit.

**Pingaarnertut suliassatit tassaapput:**

·Tunumi assigiinngitsunik ingerlatsinermik aserfallatsaaliinermillu suliniutinik aallartitsineq, siumut ingerlaannarnissaannik qulakkeerinninneq malinnaaffiginninnerlu, ilanngullugit piffissap, pitsaassutsip aningaasaqarnerullu aqunneqarnerannut akisussaaffik

·Tunumi kommunip illuutaasa sanaartukkatullu suliai ataatsimoortut aserfallatsaalineqarnissamik pisariaqartitsinerannik nalilersuiuarneq

·Kommunip ingerlatsinermut sanaartornermullu missingersuutaanut najukkamut tunngasunik siunnersuuteqarneq

·Piffissaliussatut isumaqatigiissutit malillugit suliassanik pilersaarutinillu naammassinnittoqarsinnaaqqullugu nakkutilliineq qulakkeerinninnerlu

·Tasiilami soorluttaaq Nuummi suliassat pilersaarutillu pillugit suleqatit siunersioqatiginerat

·Erngertumik suliarisariallit, pingaartumik kommunip illuutaanik sanaartortitaanillu ingerlatsinermut aserfallatsaaliinermullu tunngasut

**Suliatigut inuttullu piginnaasat:**

·Ingerlatsinermik, aserfallatsaaliinermik pilersaarutinillu aqutsinermik misilittagaqarneq

·Teknikkikkut tunngaviusumik aamma naatsorsuuserinermik tunngaviusumik paasinnissinnaassuseqarneq

·IT-mik atuinermik ilisimasaqarneq, pingaartumik Office-pakken

·Ataatsikkut arlalinnik suliaqarsinnaavutit

·Allattariarsornikkut oqaatsitigullu ersarissumik attaveqarluarsinnaavutit

·Namminersullaqqipputit, nuannaartoq, soqutiginnittoq akuersaartoq akisussaaffeqarnermillu ilisimaarinnittoq

·Suliassanut eqaassuseqarputit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Saniatigut ulluinnarni pisussat akuttunngitsumik siumut naatsorsuutigineqarsinnaannginnerat piareersimaffigissavat, tassunga piumasaqaataavoq ullup ingerlanerani assigiinngitsunik suliaqarsinnaassasutit taamaakkaluartoq tamakkiisumik isiginnittaaseqarneq attatiinnarsinnaallugu. Ataqatigiissaarineq piginnaaneqarfigissavat nuannaralugulu suliassat pilersaarutillu assigiinngitsut amerlasuut akuuffiginissaat.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Atorfiniffissamut angalanissaq:**

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Driftschef-i Justus Hansen, oqarasuaat +299 36 77 09 imaluunniit e-mail: ks92juha@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 728-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=728-26)

## Attaveqarfissaq

Justus Hansen / ks92juha@sermersooq.gl