---
title: "Tasiilami tapersersorteqarfinnut najugaqarfinnullu pisortap tullissarsiorneq"
description: "Tasiilami tapersersorteqarfinnut najugaqarfinnullu pisortap tullissarsiorneq"
date: "2026-11-11"
created: "2026-11-11"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tasiilami tapersersorteqarfinnut najugaqarfinnullu pisortap tullissarsiorneq](https://sermersooq.gl/suliffissat/inuttaqanngitsut/tasiilami-tapersersorteqarfinnut-najugaqarfinnullu-pisortap-tullissarsiorneq)

Qinnuteqarnissamut periarfissarititaasoq

2/12/2026

Suliffik

Tasiilaq

Sumiiffik

Forvaltning for Velfærd og arbejdsmarked

Attaveqarfissaq

Mathias Knude Brusgaard / ks82mabr@sermersooq.gl / 367177 / 562761

Inunnut innarluutilinnut tarnimikkullu nappaatilinnut immikkoortortaqarfik pikkorissumik tunniusimasumillu Najugaqatigiiffik Tasiilamiittoq tullersortissarsiorpoq. Tullersortitut sulineq misilittagaqarfigaajuk aamma najugaqartut pillugit allanngueqataanissat uummateqarfigiviuk, taava illerpiaq aqutsisussatut amigaatigaatsigit.

Tullersortitut atorfik piffissaq tamakkerlugu sapaatip akunneranut akunnerit 40-t atorfiuvoq. Pingaarnertut ulluunerani sulisassaatit, tullersortitulli immikkoortortaqarfiit tamaasa akisussaaffigissavatit. Aqutsinermi suliassat aqutsisoq qanimut suleqatigalugu aamma siunnersortinik fagchefimiillu ikorfartortinnikkut suliarissavatit.

Najugaqatigiiffiutivut minnerusut marluupput, ataatsimut arfinilinnut inissallit. Najugaqartut pingaarnertut tarnimikkut timikkullu piginnaasakillisimasuupput atornerluisuullutillu. Tamatuma saniatigut ikorfartoqatigiinnik peqarpoq, ikorfartortit innuttaasut pisariaqartitsineri malillugit angerlarsimaffiini ikorfartuisartunik.

Atorfimmi suleqatitit aqutsisorlu peqatigalugit ingerlatsineq qulakkiissavat, kiisalu immikkoortortaqarfiit innuttaasuilu ineriartortissallugit. Qanilaartumik tullersortaassaatit, pisariaqartinneqarfiani siuttuunissamut qunusuitsoq. Najugaqarfiit akornanni pisortaqatigiit ataatsimoorfiannut patajaatsumut aamma peqataassaatit, tassani pisortaqatitit aamma ingerlatsisoq peqatigalugit suliassaqarfiup ineriartortinneqarnera siunnerfilissavarsi.

Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqartut upperivarput. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Pikkorissunik aqutsisoqassagaanni aqutsisuuneq oqaluuserineqarsinnaasariaqartoq upperaarput!

**Naatsorsuutigaarput**:

∙Suliatigut patajaatsumik toqqammaveqartutit, peqatigalutalu ineriartortinnissaanut soqutiginnittutit

∙Oqaloqatiginniffiusumik sulisunillu peqataatitsillutit aqutseriaaseqartutit

∙Attaveqaqateqarnermut piginnaaneqarluartutit, immikkoortortamilu suliffeqarfiup iluani avataanilu suleqatigiinnerup patajaallisarnissaata pingaaruteqassusaa takusinnaagit

∙Kalaallinik inuiaqatigiinnik piorsarsimassusiannillu ilisimasaqarluartuusutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Inuttut :**

∙Tunngaviusumik allaanerussuseqarneq ataatsimoornerlu nukittut isigissagitit

∙Arlalinnik suliaqarlutit nuannarissagit

∙Tatitusutit **** oqaloqatiginnikkumasuullutillu

∙Paasisaqarusussuseqarnissat, alapernaatsuunissat allallu isiginnittaasiinut akuerinnittuunissat

**Uagut pilluta:**

Atorfimmi pineqartumi ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartoq, tallimanik allanik najugaqatigiiffeqartoq, marlunnik sammisassaqartitsinermut ataatsimooqateqartitsinissamullu neqeroorutilik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsineq pineqartoq ilaatigut aqutsisunngorlaatut illit sukumiisumik ilitsersuunneqarnissannik, ingerlaavartumik siunersiueqatigiittarnissamik kiisalu suliatigut ataatsimooqatigiiffeqarnissamik imaqarpoq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef-i Mathias Knude Brusgaard, oqarasuaat +299 56 27 61 imaluunniit e-mail: ks82mabr@sermersooq.gl imaluunniit uunga: Immikkoortortami aqutsisoq Signe Petersen, oqarasuaat +299 58 16 67 imaluunniit e-mail: ks65sipe@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1186-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1186-26)

## Attaveqarfissaq

Mathias Knude Brusgaard / ks82mabr@sermersooq.gl / 367177 / 562761