---
title: "Tasiilami Qanganitsad iddivanni peqqissaanermik ikiorti/assigisaalu"
description: "Tasiilami Qanganitsad iddivanni peqqissaanermik ikiorti/assigisaalu"
date: "2026-09-25"
created: "2026-09-25"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tasiilami Qanganitsad iddivanni peqqissaanermik ikiorti/assigisaalu](https://sermersooq.gl/suliffissat/inuttaqanngitsut/tasiilami-qanganitsad-iddivanni-peqqissaanermik-ikiortiassigisaalu)

Qinnuteqarnissamut periarfissarititaasoq

5/10/2026

Suliffik

Tasiilaq

Sumiiffik

Forvaltning for Velfærd og arbejdsmarked

Attaveqarfissaq

Gitte Kilime Maratse / ks37gima@sermersooq.gl / 367725 / 485162

Inersimasunik utoqqaanerusunik sullissinissamut, tamatumuunalu ilaqutaannik qanimut oqaloqatigiittarnikkut sulinissamut kajumissuseqarpit? Aamma nukissaqarluaruit qiimasuullutillu, isumassuisinnaallutit paaqqinnissinnaallutillu, ataatsikkoortumillu ilinniagaqarsimanngitsunik eqimattaasunik ilinniartsitsinissannut/ilitsersuinissannullu tamakkerlugu isiginnissinnaaguit tamatumuunalu piumassuseqaruit, taava Tasiilami utoqqaat najugaqatigiiffianni peqqissaanermi ikiortitut atorfeqarnissamut ilinnut periarfissaalluarpoq.

**Tasiilami Qanganitsad iddivad pillugu:**

Qanganitsad iddivad 16-inut inissaateqarpoq. Paaqqinniffimmi 30-it missaanni sulisoqarpoq, sulisui ukuupput: aqutsisoq aamma pisortap tullersortaa, peqqissaanermi sullissisoq, peqqinnissamut ikiortit, igaffimmi sullissisut, eqqiaasut, pedeli aamma ikiortit.

**Atorfiup imarisaa:**

Peqqinnissamut ikiortimik/assigisaalu pissarsiorpugut, utoqqaanernut qanilaartumik isumassuisumillu paaqqinnilluni suleqataasussamik. Isumassuilluarnissaq paaqqinnilluarnissarlu sallerpaatilluinnarparput, tassanilu paaqqinnilluarnissamut sinaakkutinik ineriartuinissaq pisariaqartuuvoq, aamma iluarsiissutinik pingaartitsilluinnarsinnaasariaqarpugut. Ineriartortitsinermi pileriartortumut atatillugu annertuumik atuutissaatit, suleqatigalugit aqutsisoq suleqatillu allat.

Naatsorsuutigaarput aqutsisoq suleqatigalugu sulisut ilinniartinnissaannut ineriartortinnissaannullu suliaqarlutit isumaginnissasutit, anguniarlugu najugaqartuusut nalerisimaarnerulernissaat.

Qanganitsad iddivad ineriartortitsinermi pileriartortuuvoq, tamannalu pillugu ukkataraarput piginnaassuseqarnikkut ineriartortitsineq, sulinermut kajuminneq aamma aalajaassuseqarneq. Tassami uagut isumaliorpugut tamanna najugaqartuusunut pitsaasumik sunniuteqartoq aamma suleqatinut nalerisimaartitsisuusoq.

**Ilinniit naatsorsuutigaavut:**

∙Peqqissaanermi ikiortitut/assigisaalu ilinniarsimassasutit

∙Inersimasunik Isumaginniffimmut atasunik sulerusussuseqassasutit

∙Utoqqaat najugaqatigiiffianni peqataarusunnermut atatillugu piginnaaneqassasutit aamma piumassuseqassasutit

∙Sammisassat kattutaarlugit suleqatigiinnissamut piginnaasanik inerisimalluartuussasutit

∙Ilinniartitsinermut ingerlatsinermik tigummiaqarusussasutit aamma atuartunik ilinniartunillu ilinniakkamik misiliisunut ilitsersuussisuussasutit

∙Sullivimmi pissutsinik isumasiuilluarlutillu iluarisimaarnartumik pilersitseqataassasutit

∙Nammineq sulisinnaassasutit, akisussaassuseqarpalussasutit aamma kiffartuusserusullutit

∙Ulluinnarni ulapiffiusuni ukkatarinnittumik aamma ilusilersukkamik sulissasutit

∙Tatituujussaatit aamma pilersitsiniaanermik, sinneqartumik nukissaqarnermik piumassuseqqortunermillu takutitsissallutit

∙Piumassutsimik ilaqartumik sulissasutit suliassatsinnik naammassisaqarniarnitsinnut malunnartumik ineriartuillutit pitsangorsaallutillu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

∙Akisussaaffik annertooq aamma aalajangeeqataaneq

∙Suleqatitsialannik qanimut suleqateqarneq

∙Unammillernartunik suliaqarneq

∙Periarfissaavoq inuttut suliatigullu ineriartornissamut

∙Suliffiup sivisussusai imarisaatut aallaavigaa weekendit allortarlugit aamma ullukkut- unnukkullu pigaartuuffigalugit (sap.ak. 2-3-riarluni)

∙Suliassanut, suleqatinut isumaginniffimmullu ilisarititsilluarneq

Suliffiup sivisussusaa 40 tiimiuvoq.

Atorfimmi Qanganitsad iddivanni aqutsisut qanimut suleqatigineqassapput

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Gitte Kilime Maratse, tlf.: +299 367725, e-mail: ks37gima@sermersooq.gl immaqaluunniit uunga:

Tullersorti Susse Poulsen, tlf.: +299 367818, e-mail: ks56supo@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 979-26-mik, i**linniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=979-26)

## Attaveqarfissaq

Gitte Kilime Maratse / ks37gima@sermersooq.gl / 367725 / 485162