---
title: "Tasiilami Alivarpimmi atuarfiup pisortaata tullersortissarsiorpugut"
description: "Tasiilami Alivarpimmi atuarfiup pisortaata tullersortissarsiorpugut"
date: "2026-10-15"
created: "2026-10-15"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tasiilami Alivarpimmi atuarfiup pisortaata tullersortissarsiorpugut](https://sermersooq.gl/suliffissat/inuttaqanngitsut/tasiilami-alivarpimmi-atuarfiup-pisortaata-tullersortissarsiorpugut)

Qinnuteqarnissamut periarfissarititaasoq

5/11/2026

Suliffik

Tasiilaq

Sumiiffik

Forvaltning for Børn og Skole

Attaveqarfissaq

Anna Uzelac Nørgaard / ks11anun@sermersooq.gl / 299367801

Tasiilami atuarfitsinni Tasiilami Alivarpimmi, atuarfiup pisortaata tullersortissarsiorpugut . Atuarfik alloriarfinni immikkoortortaqarpoq, 336-nik atuartuuteqarluta, 49-nillu ilinniartitsisoqarluni. Atuarfimmi atuartuupput 1.-10.klasse, klasset immikkut atuartitat arfinillit, aqutsisoqarlunilu atuarfiup pisortaa, atuarfiup pisortaata tullersortii marluk, immikkoortortanilu aqutsisut sisamat

**Atorfik akisussaaffissatillu pillugit**

Atuarfiup pisortaata tullersortaatut, atuarfimmi aqutsisoqatigiit akornanni pingaarutilimmik inissisimassaatit. Nammineq akisussaaffeqassaatit, taassumallu saniatigut atuarfimmi ulluinnarni aqutsinermi pilersaarusiuummi suleqataalluartassallutit.

**Suliassatit pingaarnerit**

Atuartut angerlarsimaffiat akisussaaffigalugulu nakkutigalugu:

Atuartut angerlarsimaffiat nakkutigissavat. Atuartut angerlarsimaffimmut inissinneqarnikut tikittullu toqqissillutik, aaqqissuussaalluartumik ineriartortumillu sinaakkuteqarnissaat qulakkiissavat atuareernerisa kingorna. Atuartut angerlarsimaffianni sulisut qanimut suleqatigissavatit.

Sulisunik aqutsineq:

Suleqatigiiaani eqimattat aalajangersimasut qanimut aqussavatit. Kaammattuillutit, isummersoqatigisarlugit, ilinniartitsisutullu/perorsaanermilu sulineranni ulluinnarni tapersersortarlugit.

Vikarilersuineqskemallu:

Atuarfimmi vikarit akisussaaffigissavatit. Tassaniippoq ullut tamaasa napparsimasoqartillugu sulinngittoqartillugulu vikarilersuineq isumagalugu, ulloq atuarfiusoq ajunnginnerpaamik ingerlaniassammat.

Ulluinnarni ngerlatsineq aqutsinerlu:

Atuarfimmi allaffissornermi aqutsinemut peqataassaatit, soorlu pilersaarusiornermi, pissusilersornermi atugaqarnermilu sullissineq, angajoqqaallu suleqatigalugit.

 **Takorloorparput:**

·Ilinniartitsisutut ilinniarsimanissat, saniatigullu aqutsisutut ilinniarsimanissat

·Meeqqat inuusuttullu atuartut angerlarsimaffianni sullinnissaanik misilittagaqarlutillu soqutiginnissasutit

·Sulinermi aqqissuussamik sulisinnaaneq, iliuuseqarluarsinnaasoq, suliamillu ilimasaqarluarnissaq aamma ullaakkut vikarilersuinermi inissitsiterinermut tunngatillugu

·Akuerinnittumik attaveqaqatigiinneq ingerlattarlugu, sulisunut,atuartunut, angajoqqaanut, avataaniillu suleqatigisartaganut peqateqarluarsinnaallutit

·Iluaqutaangaatsiassaaq marlunnik oqaaseqartuuguit (kalaallisut/qallunaatut) Kalaallit Nunaannilu atuarfeqarfimmut ilisimasaqarlutit, naak piumasaqaataanngikkaluartoq

 **Neqeroorutigaavut:**

·Aqutsisutut ineriartornermik periarfissiineq

·Ilinniartinneqarneq

·Sulianut tunngatillugu isummersoqatigiinneq

·Suleqatit pikkorissut

·Aqusisoqatigiit pikkorissut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortarigallagaa Anna Uzelac Nørgaard, oqarasuaat +299 36 78 01 imaluunniit e-mail: ks11anun@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 1065-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1065-26)

## Attaveqarfissaq

Anna Uzelac Nørgaard / ks11anun@sermersooq.gl / 299367801