--- title: "Tasiilami Alivarpi tallimanik ilinniartitsisussarsiorpoq" description: "Tasiilami Alivarpi tallimanik ilinniartitsisussarsiorpoq" date: "2026-09-15" created: "2026-09-15" --- [Hjem](https://sermersooq.gl/) [Suliffissat](https://sermersooq.gl/suliffissat) [inuttaqanngitsut](https://sermersooq.gl/suliffissat/inuttaqanngitsut) [Tasiilami Alivarpi tallimanik ilinniartitsisussarsiorpoq](https://sermersooq.gl/suliffissat/inuttaqanngitsut/tasiilami-alivarpi-tallimanik-ilinniartitsisussarsiorpoq) Qinnuteqarnissamut periarfissarititaasoq 6/10/2026 Attaveqarfissaq Anna Uzelac Nørgaard / ks53anno@sermersooq.gl / 299366331 / 241132 **Tasiilami Alivarpi tallimanik ilinniartitsisussarsiorpoq, isumaqatigiissuteqarneq malillugu piaarnerpaamik atorfinissinnaasunik.** Tasiilami atuarfitsinni Tasiilami Alivarpimmi, ilinniartitsisunik ilinniarsimasunik pikkorissunik, tunniusimasunillu ilinniartitsisussarsiorpugut. Atuarfik alloriarfinni immikkoortortaqarpoq, 336-nik atuartuuteqarluta, 49-nillu ilinniartitsisoqarluni. Atuarfimmi atuartuupput 1.-10.klasse, klasset immikkut atuartitat arfinillit, aqutsisoqarlunilu atuarfiup pisortaa, atuarfiup pisortaata tullersortii marluk, immikkoortortanilu aqutsisut sisamat, **Tasiilami atuarfimmik toqqissisimanartumik, nukittuumik, ineriartortitsisumillu pilersitseqataarusuppit?** Ilinniartitsisussarsiorpugut sapiissuseqartumik Tasiilami meeqqanut inuusuttunullu tunngatillugu allanngueqataarusuttunik, atuarfimmi **attaveqariaatsinik, suliamut pikkorissusermik, ineriartortitsinermillu** qitiutitsiffiusumik. Atuarfiuvugut ineriartortoq, anguniagaqarlutalu suliaqarpugut atuarfik pilersikkusullugu atuartunik ilinniartitsisunillu **toqqissisimanermik, akuersaarneqarnermik, ersarissusermik, ataatsimoornermilu peqataalluni nuannaarnermik misigisitsisartumik.** Tasiilaq Kalaallit Nunaata kangiani illoqarfinni annersaavoq, pinngortitamillu kusanartorsuamik avatangiiseqarluni. Tamaani periarfissaqarpoq Kalaallit Nunaata immikkuullarissusaanik qaqqanik, immamik, qimussinik, qajartornermik, pisuttuarnermik, sumiiffimmilu ataatsimuullaqqissusermik misigisitsisinnaasumik. Taamaammat Tasiilami Alivarpimmi sulineq suliffiinnaanngilaq. Periarfissaqarpoq **ataatsimooqatigiinnermi inuunermilu misilittagaqalersinnaanermi** peqataanissamut, **Illit ujartorpatsigit:** - ilinniartitsisutut ilinniartsimasoq, atuartitsinermilluunniit misilittagalik - meeqqanik inuusuttunillu sullissinissaminik annertuumik piumassusilik - atuartitsinermi atuartunik peqateqarnermik pingaartisisoq - atuartunut ersarissumik toqqissisimanartumillu sinaakkusiisinnaasoq - suleqatiminik, angajoqqaanik, atuarfiullu sulisuanik allanik suleqateqarusussuseqartoq - atuartut akuersaarlugit naapitsisartoq, meeqqanullu isiginnittariaaseqartoq ilanngussinermik - alaparnaattoq perorsaariaatsinut nutaanut, sulinernillu ineriartortitserusulluttoq - namminersorlutit sulisinnaallutit, saniatigulli aamma suleqatigiit ataatsimoorluarsinnaanissaannik pingaartitsisoq - atuarfiup ineriartortinnissaamut peqataarusussuseqartoq **Piginnaasat assigiinngitsut pisariaqartippavut:** Fag-inik assigiinngitsunik piginnaanillit tamaasa ammaffigaagut. Ilinniartitsisussarsiorpugut, kalaallisut, qallunaatut, tuluttut, matematik-imi, fysik/kemi-mi, atuartitsissutinilu allani atuartitsisinnaasunik. Immikkut atuartitsinermi misilittagaqarpit soqutigisaqarpilluunnniit, ilanngussineq, klassemi aqutsineq, atuarneq, matematik, fag-it pilersitsiffiusut, aalaneq, perorsaariaatsiniluunniit sammisassat allanik misilittagaqarneq. Taamaappat tusarfigerusuppatsigit. Uatsinnut pingaarnerpaanngilaq suna tamaat sapissanngikkit, pingaarnerpaavorli peqataarusussuseqarnissat. **Tamaani periarfissaqassaatit:** - atuarfimmi pissanganartumik ineriartortumi peqataanissat - atuarfiup suliniutaani, takorluugaani, peroarsaariaatsimi sammivissaanut ilusileeqataanissannik - atuarfiup atuartuutaanik, angajoqqaanik, suleqatinik, aqutsisunillu qanimut suleqateqarnissannik - sulinermi perorsaariaatsinilu ineriartortitsinissamut periarfissaqassaatit - peqateqarnermi meeqqanullu isiginnittariaaseq pitsaasoq atornissaanik - nunatta kangiani sumiiffimmi piorsarsimassutsikkut uummaarissumut peqataanissat - ulluinnarmi atuartunut iliuutsippit allanngueqataanerni kingunera ersarissoq. **Annertunerusumik paasisaqarusukkuit:** Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfimmi pisortaagallartumut Anna Uzelac Nørgaardimut sianerlutit +299 36 78 01-mut imaluunniit allallutit e-mailimut: ks11anun@sermersooq.gl -mut **Pineqaatissinneqarsimannginnermut aamma meeqqanut pinerliisimannginnermut uppernarsaat:** Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat. Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq. **Akissaatinut atorfinitsitaanermullu tunngatillugu atugassarititaasut:** Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit. Atorfinititsineq qaammatini pingasuni misiliutitaqassaaq. **Atorfinitsitsineq:** Ullumikkut tjenestemanditut atorfinitsitaareersimaguit, isumaqatigiissutit malillugit tjenestemanditut atorfiit uagut isumaqatiginitsigut nangissallugu periarfissaraat. Isumaqatigiissut malillugu atorfinitsitsinermi qaammatit pingasut misilitsitsivittut piffissaritinneqarpoq. Isumaqatigiissutit malillugit imaluunniit tjenestemanditut atorfinitsitsinermi atorfeqarsimanerup sivisussusia tunngavigalugu akissarsiaqartitsisoqassaaq angusaqarluni ilinniartitsisutut soraarummeersimanerup kingorna. Tjenestemanditut imaluunniit ” Kalaallit Nunaanni Naalakkersuisut aamma Ilinniartitsisut Meeqqat Atuarfianeersut Kattuffiat (IMAK) sulisut il.il. pillugit isumaqatigiissutaat atuuttoq malillugu atorfinitsitsisoqassaaq”. Atorfinitsitsinermi atuuppoq, atorfilik gruppitut inuunermik sillimmaserneqarnissaanik immikkut isumaqatigiissut. Atorfinnut atatillugu inissanik innersuussisoqarsinnaavoq. **Åremålertalimmik atorfinitsitsineq:** Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq. Atorfinittussaq ukiut tamaasa feriefrirejse-mik akiliunneqartassaaq. **Atorfiniffissamut angalanissaq:** Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna. **Inissaq:** Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq. Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni. **Qinnuteqaat:** Qinnuteqaat qulequtserlugu **Atorfiup ilisarnaataa 919-26-mik,** ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq. **Imatut qinnuteqaateqassaatit:** Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat. **Malugiuk:** Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk. [Søg stillingen](https://mkjobsermersooq.azurewebsites.net/kl-gl/Details.aspx?VID=919-26) ## Attaveqarfissaq Anna Uzelac Nørgaard / ks53anno@sermersooq.gl / 299366331 / 241132