---
title: "Tasiilami Alivarpi pisortap tullersortissarsiorpoq"
description: "Tasiilami Alivarpi pisortap tullersortissarsiorpoq"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tasiilami Alivarpi pisortap tullersortissarsiorpoq](https://sermersooq.gl/suliffissat/inuttaqanngitsut/tasiilami-alivarpi-pisortap-tullersortissarsiorpoq)

Qinnuteqarnissamut periarfissarititaasoq

31/8/2026

Suliffik

Tasiilaq

Sumiiffik

Forvaltning for Børn og Skoler

Attaveqarfissaq

Tasiilami Alivarpi immikkoortortanut agguataarsimasoq, nunatta kangianiittoq 318-inik atuartulik 55-inillu ilinniartitsisoqartoq pisortap tullersortissaanik ujaasivoq. Atuarfik 1.klasseniit 10.klassenut atuartoqarpoq saniatigullu immikkut atuartitsinermik arlalinnik klasseqarluni. Aqutsisoqatigiit ukuupput: atuarfiup pisortaa ataaseq, tullersortit marluk immikkoortortamilu aqutsisut pingasut.

Atuarfik 1. – 10. klassenut atuartoqarpoq, immikkoortortanut pingasunut aggulussimasut: nukarliit 1 – 3. kl., akulliit 4.- 7. kl. taavalu angajulliit 8. –10. kl. saniatigullu immikkut atuartitsiviit arlallit.

Atuarfik ineriartorfiusoq, suleqatit suleqatikkuminartut, meeqqat nuannersut, suliffik ulapaarfiusoq suleqatinillu tapersersorneqarfiusoq neqeroorutigisinnaavarput.

**Suliffik pillugu akisussaaffissatillu:**

Atuarfiup aqutsisoqatigiivisa akornanni atuarfiup pisortaata tullersortaasut atorfeqarninni qitiusumik inissisimalissaatit. Nammineerlutit akisussaaffiit arlaqartut tigummilissavatit, taavalu atuarfiup aqunneqarneranut peqataalerumaarlutit.

**Pingaarnertut makku suliariumaarpatit:**

•**Akisussaaffik taavalu atuartut nunaqarfinneersut angerlarsimaffiat nakkutigalugu:**

Atuartut nunaqarfinneersut angerlarsimaffiat nakkutigineqarnera akisussaaffigilissavat. Atuartut inissinneqartut tikerartullu atuarfiup avataani toqqissisimanermik, aaqqissuulluakkamik taavalu ineriartorfiusumik sinaakkuseqarnissaat qulakkeertassavat. Atuartut nunaqarfinneersut angerlarsimaffiani sulisut qanimut suleqatigissavatit.

•**Sulisunik aqutsineq:**

Suleqatigiikkuutaat aalajangersimasut ulluinnarni aqutsisuuffigilissavatit. Ulluinnarni sulisut perorsaanikkut kaammattortarlugit, isumasioqatigisarlugillu tapersersortassavatit.

•**Vikaarilersuineq skemallu:**

Atuarfiup vikaarii akisussaaffigivatit. Tamanna ulluinnarni napparsimasoqartillugu sulinngitsoqartillugulu vikaarilersuinermik aaqqissuinermik imaqarpoq, ullut atuarfiusut pitsaanerpaamik ingerlasinnaaniassammata.

•**Ingerlatsineq aqutsinerlu ataatsimut:**

Atuarfimmi ingerlatsinikkut naliginnaasumik aqutseqataassaatit, matumani pilersaarusiornikkut, pissutsitigut imaluunniit atukkatigut suliakkiussat isumagalugit taavalu angajoqqaanik suleqateqarneq.

**Naatsorsuutigivarput:**

•Ilinniartitsisutut ilinniarsimasuusutit, aqutsisutut imaluunniit pisortatut ilinniarsimasutit misilittagaqarlutilluunniit

•Meeqqat inuusuttullu nunaqarfinneersut angerlarsimaffianni sullissinikkut misilittagaqartutit

•Aaqqissuussamik, periataallaqqillutit taavalu tamakkiisumik isiginninnerit attassinnaagit – ullaakkut vikaarilerineq aaqqissortariaqaraluarpalluunniit

•Akuersaartumik attaveqatikkuminartuusutit taavalu suleqatinut, atuartunut, angajoqqaanut suleqatigisanullu allanut pitsaasumik attaveqalersinnaaneq pigiliussimagit

•Iluaquterujussuussaaq marluinnik oqaaseqartuuguit (kalaallisut/qallunaatut) taavalu kalaallit nunaanni atuarfeqarnermut ilisimaqarluartuuguit, tamannali piumasaqaataanngilaq

**Makku neqeroorutigisinnaavagut:**

·Aqutsisutut inerisarnissamut suliniutit

·Ilinniartitsineq

·Sammisatigut avitseqarsinnaaneq

·Suleqatit pikkorissut

·Aqutsisoqatigiit nukittuut

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Åremålertalimmik atorfinitsitsineq:**

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Atorfinittussaq ukiut tamaasa feriefrirejse-mik akiliunneqartassaaq.

**Atorfiniffissamut angalanissaq:**

Atorfinitsinneqarnermilu, atorfeqarfissamut angalatinneqarnermut atasumik, pequtinik atorfeqarfissamut nutserinermi, atorfinittoq akiliunneqassaaq. Aammalu atorfimmiit tunuarnermi, angalanissamut/nutsernissamut akiliunneqarneq aatsaat pisinnaavoq, ukiuni pingasuni imaluunniit amerlanerusuni atorfeqareersimanerup kingorna.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Morten Boel Nielsen, e-mail: ks21moni@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 756-26-mik**, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=756-26)