---
title: "Tarnip pissusaanik immikkut ilisimasalik Siunnersuisarfik aamma Ilaqutariinnik Katsorsaavimmut"
description: "Tarnip pissusaanik immikkut ilisimasalik Siunnersuisarfik aamma Ilaqutariinnik Katsorsaavimmut"
date: "2026-08-26"
created: "2026-08-26"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Tarnip pissusaanik immikkut ilisimasalik Siunnersuisarfik aamma Ilaqutariinnik Katsorsaavimmut](https://sermersooq.gl/suliffissat/inuttaqanngitsut/tarnip-pissusaanik-immikkut-ilisimasalik-siunnersuisarfik-aamma-ilaqutariinnik-katsorsaavimmut)

Qinnuteqarnissamut periarfissarititaasoq

16/9/2026

Suliffik

Nuuk

Sumiiffik

Forvaltning for Børn og Familier

Attaveqarfissaq

Julie Ivalu Lyberth / ks35july@sermersooq.gl

**Nuummi Siunnersuisarfik aamma Ilaqutariinnik Katsorsaavik tunniusimasumik suliaminillu piginnaasaqarluartumik tarnip pissusaanik immikkut ilisimasalimmik / tarnikkut katsorsaasutut akuerisaasumik katsorsaanermut aamma katsorsaanermut tunngasunik suliassanik suliaqartussamik pissarsiorpoq.**

Atorfik aalajangersimasoq tamakkerlugu suliffiuvoq.

Kommuneqarfik Sermersooq tarnip pissusaanik immikkut ilisimasalimmik / tarnikkut katsorsaasutut akuerisaasumik pikkorissumik tunniusimasumillu CRF-imi (Siunnersuisarfik aamma Ilaqutariinnik Katsorsaavik) Katsorsaanermut immikkoortortaqarfimmut pissarsiorpoq.

**CRF pillugu:**

CRF tassaavoq Meeqqanut Ilaqutariinnullu Ingerlatsiviup ataani kommunimi neqeroorut, meeqqanut, inuusuttunut ilaqutariinnullu tapersiinermik katsorsaanermillu neqerooruteqartoq.

CRF-imi meeqqat, inuusuttut ilaqutariillu atugarissaarnerisa, ineriartornerisa attaveqarnerisalu nukittorsarnissaat sulissutigaarput. CRF-ip suliniutai tamarmik ilaqutariit ataasiakkaat pisariaqartitaat kiisalu ilaqutariit aammalu pisariaqarpat oqartussaasut peqatigalugit anguniakkat isumaqatigiissutigineqartut tunngavigalugit ingerlanneqarput.

CRF-imi sulisut assigiinngitsunik ilinniagaqartut piginnaasaqartullu suleqatigiilluarlutik ataatsimoorlutik tamakkiisumik isiginnilluni aaqqiissuteqartarput. Suleqatigiinnermi toqqissisimanissaq ataqqeqatigiinnissarlu pingaartinneqarput, ilaqutariillu peqataatinneqarlutik.

CRF-imi sulinerup siunertaraa pitsaasunik allannguutaasinnaasunillu pilersitsineq kiisalu meeqqat, inuusuttut ilaqutariillu atugarissaarnerannik ineriartornerannillu tapersersuineq.

Katsorsaanermut immikkoortortaqarfik maannakkut sulisut 10-nik inuttaqarpoq, tarnip pissusaanik immikkut ilisimasallit ilaqutariinnillu psykoterapeutit ilanngullugit. Atorfik immikkoortortaqarfimmi aqutsisumut attaveqarpoq.

**Atorfik pillugu:**

Tarnip pissusaanik immikkut ilisimasalimmik / tarnikkut katsorsaasutut akuerisaasumik ataatsimik, meeqqanut, inuusuttunut ilaqutariinnullu immikkut pisariaqartitsisunut pitsaasumik allanngueqataarusuttumik kiisalu suliffiup iluani suliamut tunngatillugu ineriartortitsinermut peqataarusuttumik pissarsiorpugut.

**Suliassat ilaatigut tassaassapput:**

∙Meeqqanut, inuusuttunut angajoqqaanullu ataasiakkaanut aammalu eqimattanut katsorsaanermik ingerlatsineq

∙Ilaqutariinnik katsorsaaneq angajoqqaanillu siunnersuineq

∙Tarnip pissusaanik ilisimasalittut naliliinerit

∙Katsorsaanermut pilersaarusiorneq uppernarsaasersuinerlu

∙Suliamut tunngatillugu assigiinngitsunik suleqateqarneq oqartussaasunillu ataatsimiinnerni peqataaneq

∙Suleqatigiit akornanni suliamut tunngatillugu ineriartortitsinermut ilisimasanillu avitseqatigiinnermut peqataaneq

Suliassat immikkoortortaqarfimmi aqutsisoq sulisullu allat qanittumik suleqatigalugit ingerlanneqassapput.

**Qinnuteqartumut naatsorsuutigaarput:**

Qinnuteqartoq:

∙Tarnip pissusaanik ilisimasalittut ilinniarsimasuussaaq (cand.psych.) imaluunniit tarnikkut katsorsaasutut akuerisaasumik ilinniarsimasuussalluni

∙Meeqqanik, inuusuttunik ilaqutariinnillu katsorsaanermik misilittagaqassaaq

∙Aaqqissuussamik sulisinnaassaaq sulianilu pisariusuni tamakkiisumik isiginnissinnaalluni

∙Suleqateqallaqqissuussaaq tatiginnilersitsisinnaallunilu

∙Namminersorluni sulisinnaassaaq faglig-imillu akisussaassuseqarsinnaalluni

∙Katsorsaanermik aammalu uppernarsaasersuinermik misilittagaqassaaq

∙Eqqarsaatigalugit pisariusunik suliaqarnermi eqaatsumik ingerlaqqissinnaassaaq

∙Inuit naapittassavai misiginneqataasinnaalluni, ataqqinnilluni aammalu inunnik isiginnittaaseq professionel tunngavigalugu

∙IT-mik aammalu journalilersuinermik misilittagaqassaaq

∙Kalaallisut danskisullu oqalussinnaaneq iluaqutaassaaq, piumasaqaataananili

**Aammattaaq pingaartipparput, illit:**

∙Aalajaatsuusutit pitsaassusermillu eqqummaarittuullutit

∙Suliassanik amerlasuunik ataatsikkut aqutsisinnaasutit

∙Allakkatigut oqaatsitigullu erseqqissumik attaveqartartutit

∙Namminersorlutit, akisussaassuseqarlutit sullissiumatuujullutillu sulisinnaasutit

∙Suliassat allanngorarnerinut naleqqussarsinnaasutit

∙Ulluni ulapiffiusuni aaqqissuussamik sulisinnaasutit

∙Nukittuujusutit suliniuteqartuusutillu

∙Suleriutsitta ineriartortinneqarnissaanut pitsanngorsarneqarnissaanullu peqataarusussuseqartutit

∙Annertuumik suleqateqallaqqissuusutit

**Neqeroorutigaavut**

Suleqatigiit akornanni sullisseriaatsinut soqutiginninneq, toqqissisimasumik suliffik aammalu suliamut tunngatillugu pitsaassuseq ataatsimut ingerlanneqarput.

Atorfimmi ineriartornissat pingaartipparput, taamaattumillu neqeroorutigisinnaavagut:

∙Suliffik isumaqarluartoq assigiinngisitaartorlu nammineq sunniuteqarfigisinnaasaq

∙Suleqatigiit akornanni suleqatigiinneq ilisimasanillu avitseqatigiinneq pitsaasoq

∙Ullormut aqutsisumit qanittumik suleqateqarneq

∙Sulinermut ilaatillugu ingerlaavartumik supervision

∙Kursusinut pikkorissarnermullu periarfissat pitsaasut

∙Kingusinnerusukkut ilinniaqqinnissamut periarfissaq

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortaqarfimmi aqutsisoq Kirsten Brandt Davidsen, oqarasuaat +299 36 73 38 imaluunniit e-mail: ks76kida@sermersooq.gl imaluunniit uunga:

Chefpsykolog Julie Ivalu Lyberth, **** oqarasuaat +299 22 20 77 imaluunniit e-mail: ks35july@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 837-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=837-26)

## Attaveqarfissaq

Julie Ivalu Lyberth / ks35july@sermersooq.gl