---
title: "Takornariaqarnermut Inuussutissarsiornermullu Immikkoortortaqarfimmi aqutsisussarsiorpoq"
description: "Takornariaqarnermut Inuussutissarsiornermullu Immikkoortortaqarfimmi aqutsisussarsiorpoq"
date: "2026-10-23"
created: "2026-10-23"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Takornariaqarnermut Inuussutissarsiornermullu Immikkoortortaqarfimmi aqutsisussarsiorpoq](https://sermersooq.gl/suliffissat/inuttaqanngitsut/takornariaqarnermut-inuussutissarsiornermullu-immikkoortortaqarfimmi-aqutsisussarsiorpoq)

Qinnuteqarnissamut periarfissarititaasoq

13/11/2026

Suliffik

Nuuk

Sumiiffik

Koncernservice

Attaveqarfissaq

Kristine Lange Lyberth / ks27krla@sermersooq.gl

Kommuneqarfik Sermersooq immikkoortortaqarfimmi aqutsisussarsiorpoq namminersorsinnaasumik, iliuuseqarsinnaassuseqarluartumik, anguniakkanik ersarissunik aalajangersaasinnaasumik, inuit ataatsimoortissinnaallugit aammalu suleqatini aqqutigalugit inuussutissarsiortullu qanimut suleqatigalugit angusanik tigussaasunik pilersitsisinnaasumik.

Kommuni tamaat inuussutissarsiornermut takornariaqarnermullu suliniutinik kiisalu Visit Nuuk, Visit Paamiut aamma Destination East Greenland pillugit aqutsinissamut akisussaasuussaatit.

Nammineerluni suliniuteqartartumik, attaveqarfinnik nutaanik pilersitsisinnaasumik aammalu suliniutinik malitseqartitsisinnaasumik pissarsiorpugut. Suleqatitit peqatigalugit Nuummi, Paamiuni, Tasiilami, Ittoqqortoormiini nunaqarfinnilu suliffeqarfiit akornanni takussaasuullutillu attaveqarnissamut suliniuteqartuussaatit. Suleqatitit piginnaasaannik assigiinngitsunik atorluarsinnaassaatit, taamaalillusi sumiiffinni periarfissanik takunnissinnaallusi, attaveqatigiinnernik nukittuunik pilersitsillusi aammalu oqaloqatigiinnerit suleqatigiinnermut iliuuseqarnermullu allanngortillugit.

**Akisussaaffitit:**

Immikkoortortaqarfimmi sulisut arfineq-marluk akisussaaffigissavatit, aammalu inuussutissarsiornermut takornariaqarnermullu suliniutinik ataatsimoorlusi iluatsitsisinnaanissassinnut pitsaasunik sinaakkutinik pilersitsissaatit. Sulisunut anguniakkanut ersarittumik tikkuussissaatit, suliassat pingaarnersiorlugit aammalu siuariartorneq qulakkeerlugu, suleqatitillu akisussaaffimmik, nammineerlutik suliniuteqarnissamut periarfissamik aammalu suliaminnut piginnaasaannik atuinissamut periarfissamik tunillugit. Namminersorlutit sulisinnaassaatit, aqutsisutut pisinnaatitaaffiit iluanni aalajangiisinnaassuseqarlutit aammalu ineriartortitsineq siuarsarniarlugu akisussaaffimmik tigusisinnaallutit.

**Tamassuma saniatigut:**

·Kommunip inuussutissarsiornermut takornariaqarnermullu suliniutai politikkikkut anguniakkat, sumiiffinni pisariaqartitat suliffeqarfiillu atugaat aallaavigalugit aqussallugit ineriartortillugillu.

·Kommunimi tamarmi inuussutissarsiortut qanimut attaveqarfigalugit attaveqarnerillu ineriartortillugit, inuussutissarsiornermut ataatsimiittarfiit attaveqatigiittarfiillu aaqqissuullugit aammalu suliffeqarfiit isummersuutaat suliniutinut naleqquttunut pilersillugit.

·Visit Nuuk, Visit Paamiut aamma Destination East Greenland pillugit ataatsimut aqutsinissamut akisussaaffik tigullugu, anguniakkat ersarissut, ataqatigiissaarineq aammalu sumiiffinni tunngaveqarneq qulakkeerlugit.

·Inuussutissarsiortut atugassarititaat pitsanngorsarlugit, ilaatigut imarsiornermut inuussutissarsiorneq, aalisarneq piniarnerlu eqqarsaatigalugit, aammalu takornariaqarnerup inuussutissarsiutillu allat akornanni suleqatigiinneq ineriartortillugu.

·Politikkikkut sullissineq pitsaassusilik qulakkeerlugu, suliassanut saqqummiussinerit ersarissut, aalajangiinissamut siunnersuutit aammalu malitseqartitsineq aqqutigalugit.

·Suliniutini suleqatigiinnissamullu isumaqatigiissutini siuariartorneq qulakkeerlugu, ingerlatsiviit akornanni suliniutit ataqatigiissaarlugit.

**Aqutsineq attaveqarnerillu aqqutigalugit angusaqartarputit:**

Aqutsisutut nukittuumik misilittagalimmik, akisussaaffimmik tigusisinnaanerminik aammalu isumassarsiat piviusunngortinnissaannut suliniutinik naammassinnittarnerminik uppernarsaasinnaasumik pissarsiorpugut. Iliuuseqarnissamut suliassap nassuiarneqarnera naammassereernissaa utaqqisariaqanngilat. Pisariaqartitat suussusersisinnaavatit, peqataasussat naleqquttut katersorsinnaallugit aammalu isumaqatigiissutigineqartut naammassineqarnissaat qulakkeerlugu.

Politikkikkut aqunneqartumi suliffeqarfimmi sulineq paasisimavat. Politikkikkut aqutsisut allaffissornikkullu ingerlatsisut akornanni akisussaaffiit agguataarneqarnerat ataqqivat, aalajangiinissamut paasissutissanik pitsaasunik tunngaviliisinnaallutit aammalu politikkikkut aalajangiunneqartut isumik piviusunngortillugit. Peqatigitillugu periarfissat, pingaarnersiuinerit kingunerisinnaasaallu aqutsisunut suleqatigisartakkanullu ersarissumik saqqummiussinnaavatit.

**Pingaartipparput:**

·Aqutsinermik misilittagaqarluarnissat aammalu suleqatit akornanni anguniakkanik ersarissunik, akisussaaffimmik aammalu peqataatitsinermik pilersitsisinnaanissat.

·Inuussutissarsiornermik ineriartortitsinermik aamma/imaluunniit takornariaqarnermik misilittagaqarnissat aammalu suliffeqarfiit ulluinnarni atugaat ineriartornissamullu periarfissaat paasisimassagitit.

·Attaveqatigiinnermik pilersitsillaqqinnissat, tatiginninnermik pilersitsisinnaanissat, ataatsimiinnernik aqutsisinnaanissat aammalu soqutigisat assigiinngitsut suliniutinut tigussaasunut ataatsimoortissinnaanissaat.

·Namminersorlutit sulisinnaanissat, suliassanik pingaarnersiuillaqqinnissat aammalu suliassat ajornakusoortillugit ingerlalluartitsineq attatiinnarsinnaanissat.

·Politikkikkut aaqqissuussaanikkullu paasinnilluarnissat aammalu allakkatigut oqalunnikkullu ersarissumik overtuuttumillu attaveqarsinnaanissat.

·Kalaallit Nunaanni inuiaqatigiinni pissutsinik ilisimasaqarnissat aammalu illoqarfinni nunaqarfinnilu assigiinngitsunik atugassaqartitsineq aallaavigalugu suliniutinik naleqqussaasinnaanissat.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

Kommuneqarfik Sermersuumi tamarmi inuussutissarsiornermut takornariaqarnermullu ineriartortitsinermut sunniuteqarnissamut periarfissaqarlutit aqutsisutut pingaarutilimmik inissisimaffeqalissaatit.

Suleqatinik tunniusimasunik aqutsisuussaatit, aammalu suliffeqarfiit, takornariaqarnermik suliaqartut, kattuffiit kiisalu kommunimi ingerlatsivinni suleqatit akornanni attaveqarfippassuaqassallutit.

Nammineerlutit suliniuteqartarnissat aammalu akisussaaffimmik tigusisarnissat naatsorsuutigaarput, peqatigitillugulu suliamut ilisimasaqassutsit aqutsinermilu piginnaasatit atornissaannut periarfissillutit.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Illuutinik ingerlatsinermut Pisiniarnermullu Pisortaq Kristine Lange Lyberth, oqarasuaat +299 36 72 27 imaluunniit e-mail: ks27krla@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1097-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1097-26)

## Attaveqarfissaq

Kristine Lange Lyberth / ks27krla@sermersooq.gl