---
title: "Susassaqartitsineq Kultureqarnerlu Aaqqissuussanut Suliniutinullu ataqatigiissaarisussarsiorpoq"
description: "Susassaqartitsineq Kultureqarnerlu Aaqqissuussanut Suliniutinullu ataqatigiissaarisussarsiorpoq"
date: "2026-11-09"
created: "2026-11-09"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Susassaqartitsineq Kultureqarnerlu Aaqqissuussanut Suliniutinullu ataqatigiissaarisussarsiorpoq](https://sermersooq.gl/suliffissat/inuttaqanngitsut/susassaqartitsineq-kultureqarnerlu-aaqqissuussanut-suliniutinullu-ataqatigiissaarisussarsiorpoq)

Qinnuteqarnissamut periarfissarititaasoq

30/11/2026

Suliffik

Nuuk

Sumiiffik

Forvaltning for Børn og Skole

Attaveqarfissaq

Jonas Lundsgaard Nilsson  / ks97jolu@sermersooq.gl / 367523 / 298799

Kommuneqarfik Sermersuumi Susassaqartitsineq Kultureqarnerullu ataani Kultureqarnermik immikkoortoq susassaqartitsinermut kultureqarnermullu ataqatigiissaarisussarsiorpoq.

Kulturikkut aaqqissuussanik innuttaasunik katersuutsitsisunik pilersitserusuppit, aamma suliat isumaqatigiissutigalugit aallartinnerannit ingerlanneqarnerannut suliarerusuppigit?

Susassaqartitsinermut kultureqarnermullu ataqatigiissaarisussarsiorpugut suleqatit, kulturimik suliallit namminnerlu kajumissutsiminnik suleqataasut peqatigalugit aaqqissuussanik pilersaarusiornermik ingerlatsinermillu pilersaarusiorsinnaasumik. Illit nammineq aaqqissuussat suliassallu akisussaaffigissavatit, saniatigut immikkoortumi festivalinut kulturikkullu suliniutinut anginerusunut ilanngussaqaqataassaatit.

Kultureqarnermut immikkoortumi festivalit, meeqqanut kulturi, eqqumiitsuliorneq, tapiissuteqartarnerit aamma ineriartortitsinermik suliniutit isumagisaraavut. Immikkoortortami assigiinngitsunik suliaqartullu ikioqatigiinnermik ingerlatsisumi ilanngutissaatit kommunimilu tamarmi kultureqarnermik eqeersimaartumik ingerlatsinermut suliaqassaatit.

Immikkoortortami aqutsisup ataani inissisimassaatit aamma immikkoortumi aaqqissuussanut suliniutinullu ataqatigiissaarisoq, aaqqissuussanut ataqatigiissaarisunngorniaq sulisullu allat qanimut suleqatigissavatit.

**Atorfiup imarisai:**

Inuiattut ullorsiorneq, orpimmik ikitsineq, Aasarpalaaq Festival, atoqqaarfissiortitsinerit, malunnartitsinerit kulturikkullu aaqqissuussat innuttaasunut sammisut allat pilersaarusiorneqarneranni qitiusumik atuuffeqarfigissavatit. Suliassanik agguataarineq aalajangersimasoq immikkoortumi isumaqatigiissutigineqassaaq aaqqissuussinernullu ataasiakkaanut naleqqussarneqarluni.

**Suliassatit ilaatigut makkuusinnaapput:**

·Pilersaarusiorneq, sulianik ingerlatsinerpiaq aamma aaqqissuussinernik naliliinerit

·Malitassanik suliaqarnerit, piffissanut pilersaarutit aamma suliassat agguataarneqarnerat kiisalu isumaqatigiissutinik malinnaaviginninnerit

·Inniminniinerit aamma eqqumiitsuliortunut, pisiniartarfinnut, peqatigiiffinnut suleqatigisanullu allanut attaveqarnerit

·Kajumissutsimik sulialinnik, angallassisunik, atortunut suliassanullu allanut tunngasunik ataqatigiissaarineq suleqatit ingerlatsisullu naapertuuttut peqatigalugit

·Kommunimi periuserineqartut naapertorlugit nammineq aaqqissuussat pillugit missingersuutinik malittarinninneq, akiligassanik suliaqarneq aamma kontonut inissitsiterinerit

·Paasissutissanik saqqumilaartitsinermillu ataqatigiissaarineq suleqatit aamma kommunip attaveqaqatigiinnermi immikkoortortaa peqatigalugu

·Suialaa Arts Festival, Nuuk Snow Fest aamma kulturikkut suliniutinut allanut isumaqatigiissutit naapertorlugit ilanngussaqaqataaneq

·Immikkoortortami aaqqissuussanut ataqatigiissaarisunngorniamik ulluinnarni ilinniartitsineq siunersioqateqarnerlu

·Kultureqarnermut immikkoortortami pisariaqartitsineq naapertorlugu suliassat allaffissornermilu isumagisassat allat

Illit nammineq aaqqissuussatit naammassinissaat tikillugit malittarissavatit, aamma uppernarsaasiornerat allaffissornikkullu malitseqartitsinernut tunngasut. Suliassat suleqatinik aamma immikkoortortami aqutsisoq siunersioqatigalugit ingerlanneqassapput soorluttaaq kommunimi immikkoortut allat peqatigalugit.

**Naatsorsuutigaarput illit:**

·Aaqqissuussininni ataqatigiissaarisutut imaluunniit ilinniakkamik naapertuuttumik allamik ilinniagaqarsimasutit, assingusumilluunniit misilittagaqartutit. Atorfininneq sioqqullugu ilinniakkannik naammassinnissaguit atorfimmut qinnuteqarnissannut tikilluaqqusaavutit

·Aaqqissuussinernik pilersaarusiornernik ingerlatsinerniillu misilittagaqartutit, assersuutigalugu piffissamit ilinniartuuffinnit, suliffinnit imaluunniit kajumissutsimik ingerlatsisimaninnit

·Aaqqissuussaanermik isiginnittaatsimillu tamakkiisumik pilersitsisinnaaguit piffissaliussanik isumaqatigiissutinillu malinnaasinnaallutit

·Oqalunnikkut allattariarsornikkullu erseqqissumik paatsuugassaanngitsumillu attaveqarsinnaavutit

·Pilersaarusiornermut, attaveqaqatigiinnermut allaffissornermilu sakkussat digitaliusut nalinginnaasut atorlugit sulisinnaasutit aamma kommunimi aaqqissuussinernik atorneqartunik ilinniarnissamut kajumissuseqartutit

Tamatuma saniatigut pingaartipparput illit

·Nammineq suliassannut akisussaaffimmik tigusisinnaasutit aamma pisariaqartitsitillutit siunersioqateqarnissamik qinnuteqarsinnaasutit

·Aaqqissuussinerit nalaanni assaatit atorlugit suliaqarnissat, aamma pilersaarusiorneq allaffimmilu malitseqartitsinerit nalerisimanarigitit

·Suleqateqallaqqissuuvutit aamma eqqumiitsuliortunik, kajumissutsiminnik sulisunik, innuttaasunik suleqatinillu assigiinngitsunik piumasaqaateqartunik naapitsillaqqissuusutit

·Eqaatsumik eqqarsariartaaseqarputit aaqqiissuteqallaqqillutit pilersaarutinik allanngortoqartillugu

·Kultureqarnermik soqutigisaqartuusutut aamma suliamut tunngasumik ineriartorusussuseqartutit

·Kalaallisut qallunaatullu oqalussinnaallutit allassinnaasutillu

**Neqeroorutigivagut:**

·Atorfik tamatigoortoq nammineq aaqqissuussanut akisussaaffittalik kommunimilu kulturimik ingerlatsinermut sunniuteqarsinnaaneq

·Suleqatinik, kulturimik ingerlatsisunut aamma kajumissutsiminnik sulialinnut qanimut suleqateqarneq

·Kommunimi suleriaatsinik aaqqissuussanullu ilinniarneq kiisalu suliassatigut siunersioqatigiinneq

·Kulturikkut aaqqissuussanik pilersaarusiornerup, aaqqissuussinerup aamma allaffissornermik illit piginnaasannik ineriartortitsinissamut periarfissaqarneq

Atorfik ulloq naallugu suliffiuvoq sap. ak. 40 tiimit allanngorartumik suliffiulluni. Suliffik Nuummiippoq.

Suliffiup ilaatigut imarai unnukkut aamma sapaatip akunnerata naanerani aaqqissuussinerit. Piffissaq suliffiusoq immikkoortumi aqutsisoq peqatigalugu pilersaarusiorneqassaaq, aamma sulinerusinnaaffiusut isumaqatigiissutit malittarisassallu atuuttut naapertorlugit suliarineqassapput.

**Pineqaatissinneqarsimannginnermut aamma meeqqanut pinerliisimannginnermut uppernarsaat:**

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisioq Jonas Lundsgaard Nilsson, oqarasuaat +299 36 75 23 imaluunniit e-mail: ks97jolu@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1163-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1163-26)

## Attaveqarfissaq

Jonas Lundsgaard Nilsson  / ks97jolu@sermersooq.gl / 367523 / 298799