---
title: "Sulisoqarnermut immikkoortortaq erninermut atatillugu siunnersortimik taartaasussarsiorpoq"
description: "Sulisoqarnermut immikkoortortaq erninermut atatillugu siunnersortimik taartaasussarsiorpoq"
date: "2026-09-28"
created: "2026-09-28"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Sulisoqarnermut immikkoortortaq erninermut atatillugu siunnersortimik taartaasussarsiorpoq](https://sermersooq.gl/suliffissat/inuttaqanngitsut/sulisoqarnermut-immikkoortortaq-erninermut-atatillugu-siunnersortimik-taartaasussarsiorpoq)

Qinnuteqarnissamut periarfissarititaasoq

19/10/2026

Suliffik

Nuuk

Sumiiffik

Koncernservice

Attaveqarfissaq

Nuuni Helene Ezekiassen / ks33nuhe@sermersooq.gl

**Kommuneqarfimmi sulisoqarnermut atuuffimmi erninermut atatillugu taartaasutut suleqataarusuppit?**

Erninermut atatillugu sulisoqarnermut immikkoortortaq siunnersortimik taartaasussamik soqutiginnittumik sullisserusuttumillu sulisussarsiorpugut. Sulisoqarnermut immikkoortortatsinni ilanngutissaatit, tassani sulisut pikkorissut peqatigalugit kommunimi aqutsisut Sulisoqarnermut suliaannut siammasissunut siunnersuinermik tapersersuinermullu ingerlatsissaatit.

Ulluinnaat assigiinngisitaartut nalerisimaffigigukkit, Sulisoqarnermut immikkoortortami aamma sulisoqarneq pillugu allaffissornermi suliassat misilittagaqarfigigukkit soorluttaaq sullissilluarneq pitsaassusilimmillu siunnersuineq kajumissuseqarfigigukkit, immaqa illiuvoq atorfissaqartitarput.

**Kikkuuvugut?:**

Sulisoqarnermi immikkoortortami sulisut tassaapput allaffimmi fuldmægtigit 4, Sulisoqarnermut siunnersortit 6, Sulisoqarnermi ineriartortitsinermut suleqatit 2, AU-HR ilinniartoq 1, immikkoortortami aqutsisoq ataaseq aamma Sulisoqarnermut akissarsiaqarnermullu pisortaq ataaseq.

Kommunip inunnik eqqortunik atorfinitsitsisarneranut kingornalu sulisut pikkorissut atorfinni tigummiinnarnissaannut Sulisoqarnermut immikkoortortaq akisussaaqataavoq. Tamanna pisarpoq kommunimi aqutsisut immikkoortortallu assigiinngitsut qanimut attavigiinnerat suleqatigiinnerallu aqqutigalugit.

Sulisoqarnermut immikkoortortami erninermut atatillugu taartaasutut suleqatigiit pingaarnertut aqutsisunik sullissinermik siunnersuinermillu suliallit kiisalu immikkoortortami ingerlatsinermik suliassanik ataatsimoorussanik isumaginnittut attuumassuteqarfigissavatit. Sulisoqarnermut suliassanik assigiinngitsunik isumaginninnerni ulluinnatit assigiinngisitaartuussapput, namminersorlutit suliaqartassaatit aamma suleqatitit peqatigisassavatit.

Suliffeqarfimmi ataatsimooqatigiinneq ilumoorsaarfiujuaannanngilaq, suleqatigiinneq pitsaasoq pingaartipparput aamma immitsinnut quiasaareqatigiinneq. Uagutsinni ullut suliffiusut qaqutigut assigiittarput.

**Suliassariumaakkatit:**

Sulisoqarnermut siunnersortitut suliassatit ilaatigut ukuupput:

·Atorfinitsitsinerit soraartullu allaffissornikkut suliarineri

·Sulisunut suliat aqutsisunik qanimut anguniagaqarfiusumillu suliarinerat

·Sulisoqarneq pillugu apeqqutit pillugit aqutsisunik siunnersuineq siunersioqateqarnerlu

·Isumaqatigiissutit atuuttut naapertorlugit atorfeqartitsinermi inatsisit pillugit siunnersuinerit

·Periaatsit suleriaatsillu pitsaassusiannik qulakkeerinninnerit

·Immikkoortortami ingerlatsinermik allaffissornermillu suliassanut ingerlaavartunut tapertaaneq

·Ineriartortitsinermik atulersitsinermillu sulianut naleqquttunut peqataaneq

·Suliffeqarfik tamakkerlugu sulisoqarnermut suliassat pitsaasumik assigiissumillu suliarinerannik qulakkeerineq

·Sulianik takkussuuttunik isumaginninneq

Immikkoortortami suliassat pisariaqartitsineq aamma illit misilittakkatit piginnaasatillu tunngavigalugit naleqqussarneqartassapput.

**Naatsorsuutigaarput illit:**

·Sulisoqarnermut immikkoortortamit aamma/imaluunniit sullissinermik misilittagaqartutit

·Sulisunut tunngasunik allaffissornermik aamma Kalaallit Nunaanni pisortat suliffeqarfiini isumaqatigiissutit ilisimasaqarfigigitit

·GetOrganized aamma Mindkey ilisimasaqarfigigitit

·Sulisoqarneq, allaffissorneq imaluunniit suliassaqarfiit assingusut naleqquttumik ilinniagaqarfigigitit

·Aaqqissuussaasumik namminersorlutillu suleriaaseqartutit suliassatillu naammassinissaata tungaanut suliarisaritit

·Aallartitserusussuseqarputit, iliuuseqallaqqissuullutit sullisserusussuseqartutillu

·Suleqateqallaqqipputit aqutsisunut suleqatinullu attaveqarluallaqqipputit

·Ulluinnarni ulapaarfiusumi arlalinnik suliaqarsinnaavutit

·Kalaallisut qallunaatullu marluinnik oqaaseqarneq iluaqutaassaaq kisiannili piumasaqataanngilaq

**Neqeroorutigaavut:**

Erninermut atatillugu sulinngiffeqartoqarnerani taartaaneq pissanganartoq aamma tamatigoortunik suliassartalik, tassani Sulisoqarnermut suliassanik siammasissunik suliaqarsinnaaneq periarfissaassaaq aamma kommunip suliffeqarfittut aaqqissuussaanera ulluinnarnilu Sulisoqarnermut immikkoortortamik aqutsineq paasisaqarfigissavatit.

Sulisoqarnermut immikkoortortaq ingerlalluartoq peqataaffigissavat, maani suliassat ikioqatigiissutigineqarput, ilisimasat avitseqatigiissutigineqartarput aamma sullivimmi avatangiisit pitsaasut suleqatigiilluarnerlu pingaartinneqarput.

Suliassanut sukumiisumik ilitsersuunneqarneq isumagissavarput pingaartipparpullu ulluinnarni siunersioqateqarnermik tapersersorneqarnermillu pisariaqartumik tunineqartarnissat.

**Atorfik erninermut tunngatillugu taartaasutut atuuffimmik imaqarpoq.**

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Nuuni Ezekiassen, oqarasuaat +299 36 71 43 imaluunniit e-mail: ks33nuhe@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 987-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=987-26)

## Attaveqarfissaq

Nuuni Helene Ezekiassen / ks33nuhe@sermersooq.gl