---
title: "Sulisoqarnermut immikkoortortamut inatsisilerituumik"
description: "Sulisoqarnermut immikkoortortamut inatsisilerituumik"
date: "2026-09-28"
created: "2026-09-28"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Sulisoqarnermut immikkoortortamut inatsisilerituumik](https://sermersooq.gl/suliffissat/inuttaqanngitsut/sulisoqarnermut-immikkoortortamut-inatsisilerituumik)

Qinnuteqarnissamut periarfissarititaasoq

19/10/2026

Suliffik

Nuuk

Sumiiffik

Koncernservice

Attaveqarfissaq

Daniel Kâjangmat Lyberth / ks58dakj@sermersooq.gl

**Kalaallit Nunaanni kommunit annersaanni sulisunut suliani inatsisitigut pitsaassutsimik pitsanngorsaaqataarusuppit aqutsisunillu tapersersueqataarusullutit?** Inatsisinut tunngasunik piginnaasaqarluarpit, atorfinitsitsinermi pisinnaatitaaffinnik soqutigisaqarlutit aamma sulianut qanittumik sulinissamik soqutigisaqarlutit? Taava immaqa illit tassaavutit Sulisoqarnermut immikkoortortaqarfitsinni sulisoqarnermi inatsisilerituussarput nutaaq.

**Atorfik pillugu:**

Kommuneqarfik Sermersuumi Sulisoqarnermut immikkoortortaq kommune tamakkerlugu qitiusumik atuuffeqarpoq. Kommunimi ingerlatsiviit akornanni aqutsisunik siunnersuinermik ilitsersuinermillu ingerlatsisarpugut ilaatigullu sulisoqarnermut inatsisinik atorfinitsitsinermilu pisinnaatitaaffiit pillugit apeqqutinik ikiuuttarluta.

Sulisoqarnermi inatsisilerituutut aqutsisunut aamma Sulisoqarnermi immikkoortortami inatsisit pillugit siunersiuinermi pingaarutilimmik atuuffeqassaatit. Suliani sulisunut tunngasuni qitiusumik atuuffeqassaatit aamma suliani sulisut pisinnaatitaaffiinut tunngasunik suliaqarninni inatsisitigut eqqortumik assigiissaartumillu ingerlatsinernik qulakkeerinneqataassaatit.

Atorfinitsitsinermi pisinnaatitaaffinnik, ingerlatsinermi najoqqutassanik, isumaqatigiissutinik, tjenestemandit pillugit inatsimmik inatsisinullu allanut tunngasunik ilaatigut suliaqassaatit.

**Pingaarnertut suliassatit:**

Ilaatigut suliarissavatit:

·Aqutsisut aamma Sulisoqarnermi immikkoortortami suleqatit atorfinitsitsinermi sulinermilu pisinnaatitaaffiit pillugit siunnersorneqarnerannik ilitsersorneqarnerannillu ingerlatsinerit

·Sulisoqarnermi sulianik ajornakusoortunik suliaqarneq aamma taakkununnga atasumik inatsisit pillugit siunersioqatigiinnerit

·Tusarniaanerni akissutinik, aalajangiinernik, allakkatigut mianersoqqussutinik, soraarsitsinernik peersitsinernilu aqutsisunut ikiuunneq

·Allattukkanik inatsisinut tunngasunik suliaqarneq, atorfinitsitsinermi pisinnaatitaaffinnik nalunaarsuinerit aamma avataani oqartussaaffeqartunut akissuteqaasiornerit

·Isumaqatigiissutit, tjenestemandit pillugit inatsisit kiisalu inatsisit naleqquttut, nalunaarutit aamma kaajallaasitat pillugit siunnersuinerit nassuiaanerillu

·Sulisunut suliani ingerlatsinermik inatsisip eqqortumik malinneqarneranik qulakkeerineq

·Sulisut pisinnaatitaaffiinik suliassaqarfimmut inatsisitigut najoqqutassanik, ilitsersuutinik malitassanillu suliaqarneq

·Aqutsisut aamma Sulisoqarnermut immikkoortortap oqaloqatigiinnernik ataatsimiinnernillu oqimaatsunik ingerlatsineranni peqataaneq

·Sulisoqarnermik sulianik ingerlatsinerni pitsaassutsimik qulakkeerineq aamma Sulisoqarnermut immikkoortortap inatsisitigut ingerlatsineranut ilanngussaqarneq

·Atorfinitsitsinerni pisinnaatitaaffiit isumaqatigiissutillu pillugit saqqummiussisarnerit ilisimasanillu avitseqateqarneq

Taakkua saniatigut suliassat illit piginnaasannut, soqutigisannut aamma ineriartorfissatut kissaatigisatit naapertorlugit aqutsisullu oqaloqatigiissutiginissaannut periarfissaqassaaq.

**Suleqatigerusutarput tassaavoq:**

·Inatsisilerinermi kandidatitut ilinniagalik, ass. cand.jur. imaluunniit cand.merc.jur. BA.jur.-mik ilinniagalik naleqquttunik misilittagalik aamma sulisoqarnermi inatsisinik atorfinitsitsinermilu pisinnaatitaaffinnik naleqquttunik misilittagalik isiginiarneqarsinnaavoq

·Atorfinitsitsinermi pisinnaatitaaffinnik aamma sulisoqarnermi inatsisinik misilittagaqarluartoq ilisimasaqarluartorlu

·Ajornanngippat Sulisoqarnermut immikkoortortamit, pisortat ingerlatsinerannit imaluunniit aaqqiagiinngissutit isumaqatigiissutiginiartarnerannit misilittagaqartoq

·Inatsisinik misissueqqissaarnermillu pitsaasunik piginnaasaqarneq aamma inatsisinit sulianut nuutitsisinnaasoq

·Inatsisit imarisaannik katitigaasunik oqaatsinut erseqqissunut paasiuminartunngorlugillu saqqummiussisinnaasoq

·Aaqqissuussaasumik, namminersorsinnaallutit aamma suliassavit naammassinissaasa tungaannut suliaqarsinnaavutit

·Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqateqallaqqissuuvutit

·Sapiissuseqarputit aamma akisussaaffimmik tigusineq nalerisimaffigaat ajornartorsiutillu unammillernartutallit suliarisinnaallugit

·Oqaluttariarsornermi allattariarsornermilu oqaasertaliornermut piginnaasaqarluarputit

·Pissuserissaartuuvutit, sullisserusuttoq aamma saaffikkuminartuuvutit

Kisitsisinik paasinnillaqqissuunerit, inatsisinik ilisimasaqarnerit aningaasaqarnermilu aarlerinaataasinnaasunik paasinnillaqqissuunerit iluaqutaassapput.

Aammattaaq pitsaasutut isigineqassaaq nunatsinni inuiaqatigiinnik ilisimasaqarneq, kalaallit oqaasiinik aamma nunatsinni inuiaqatigiinni pissutsinik ilisimasaqarneq.

**Neqeroorutigaavut:**

Uagutsinnit makku pissarsiarissavatit:

·Atorfik pissanganartoq akisussaaffeqarfiusoq suliatigut inuttullu ineriartornissamut periarfissaqarluartoq

·Kommuneqarfik Sermersuumi Sulisoqarnermut immikkoortortamik ineriartortitsinermi aamma inatsisinik suliaqarnermi qitiusumik atuuffeqarneq

·Kommune tamakkerlugu aqutsisunik aamma Sulisoqarnermut immikkoortortami suleqatinik qanimut suleqateqarneq

·Suliassaqarfimmi suleqatigiit nukittuut ikiuukkumatuullu ilisimasanik avitseqatigiinnermik siunersioqatigiinnermillu pingaartitsisut

·Suliffimmi avatangiisit eqaatsut suliassaqarfiit assigiinngitsut suleqatigiissut

·Illit suliassannik aaqqissuussinermi annertuumik sunniuteqarsinnaavutit

·Suliat qanillugit suliaqarnissamut periarfissaqarneq aamma kommunimi aqutsisunut sulisunullu allannguinermik pingaarutilimmik ingerlatseqataasinnaaneq

·Suliffeqarfimmi ataatsimooqatigiinneq ilumoorsaarfiujuaannanngilaq suleqatillu nuannersuupput

·Sullivik suliffigiuminartoq najukkami pissutsinut, oqaatsinik kulturimillu ilisimasaqarluartoq

**Kikkuuvugut?:**

Sulisoqarnermi immikkoortortami sulisut tassaapput allaffimmi fuldmægtigit 4, Sulisoqarnermut siunnersortit 6, Sulisoqarnermi ineriartortitsinermut suleqatit 2, AU-HR ilinniartoq 1, immikkoortortami aqutsisoq ataaseq aamma Sulisoqarnermut akissarsiaqarnermullu pisortaq ataaseq.

Kommunip inunnik eqqortunik atorfinitsitsisarneranut kingornalu sulisut pikkorissut atorfinni tigummiinnarnissaannut Sulisoqarnermut immikkoortortaq akisussaaqataavoq. Tamanna pisarpoq kommunimi aqutsisut immikkoortortallu assigiinngitsut qanimut attavigiinnerat suleqatigiinnerallu aqqutigalugit.

Suliffeqarfimmi ataatsimooqatigiinneq ilumoorsaarfiujuaannanngilaq, suleqatigiinneq pitsaasoq pingaartipparput aamma immitsinnut quiasaareqatigiinneq. Uagutsinni ullut suliffiusut qaqutigut assigiittarput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sulisoqarnermut immikkoortortami aamma sulisoqarnermut pisortaq Daniel Kâjangmat Lyberth, oqarasuaat +299 36 70 69 imaluunniit e-mail: ks58dakj@sermersooq.gl

**Qinnuteqaat:**

Qinnuteqaat qulequtserlugu**Atorfiup ilisarnaataa 985-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=985-26)

## Attaveqarfissaq

Daniel Kâjangmat Lyberth / ks58dakj@sermersooq.gl