---
title: "Sulisoqarnermut immikkoortortami Sulisoqarnermut siunnersorti"
description: "Sulisoqarnermut immikkoortortami Sulisoqarnermut siunnersorti"
date: "2026-10-06"
created: "2026-10-06"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Sulisoqarnermut immikkoortortami Sulisoqarnermut siunnersorti](https://sermersooq.gl/suliffissat/inuttaqanngitsut/sulisoqarnermut-immikkoortortami-sulisoqarnermut-siunnersorti)

Qinnuteqarnissamut periarfissarititaasoq

15/10/2026

Suliffik

Nuuk

Sumiiffik

Koncernservice

Attaveqarfissaq

Nuuni Helene Ezekiassen / ks33nuhe@sermersooq.gl

Sulisoqarnermut immikkoortortami ingerlatsineq pitsanngorsaaqqataaffigalugulu ineriartortitseqataaffigerusuppiuk?

Pimoorussisumik sulisoqarnermut siunnersortimik, nuannersumik suleqatigiinnermik pilersitserusuttumik, kiisalu peqqinnartumik suliffimmut sunniuteqarluarsinnaasumik. Pilersitserusuttuuit angusaqarusuttuullutillu, siunissami immikkoortortatsinni ilusilersueqataarusuttoq, taava aana illit periarfissat.

**Kikkuuvugut:**

Sulisoqarnermut immikkoortortatsinni ukuuvugut kontorfuldmægtig-it sisamat, siunnersortit tallimat, HR Udviklingspartner-it marluk, immikkoortortami aqutsisoq kiisalu pisortaq.

Inuit eqqortut atorfinnut eqqortunut kommunip atorfinitsitsisarnerani sulisoqarnermut immikkoortortaq akisussaaqataavoq, atorfinittullu pikkorissut kommunimiiginnarnissaat aamma ilanngullugu akisussaaffigalugu. Taamaaliortoqassaarlu kommune tamakkerlugu aqutsisut assigiinngitsut qanimut attaveqarfigisarnerisigut suleqatigisarnerisigullu.

Sulisoqarnermut immikkoortortami suleqataalersutut ingerlatsivimmi suleqatigiinni ingerlatsiveqarfimmi aqutsisut annerusumik kiffartuunneqarnerinik siunnersortarnerinillu suliaqartuniissaatit immikkoortortamilu ingerlatsinermi suliassat ataatsimoorunneqartut ilanngullugit suliarisassallugit. Sulinermi ingerlariaatsitta suleriaatsittalu pitsanngorsartuarnissaat ukkatariuarpavut, taamaammat siunnersuuteqartarnissannut periarfissaqarluassaatit. Immikkoortortami pissuseq nalinginnaasoq atorneqarpoq, nuannisaqatigiinnissaq pingaartitarineqarpoq, ullullu suliffiit assigiinngisaannarlutik.

**Atorfiup imarisai:**

∙Atorfinitsitsinerit soraartullu allaffissornikkut suliarineri

∙Aqutsisut angusaqarfiulluartussamik suleqatigalugit sulisunut sulianik imaannaanngissinnaasunik suliaqarneq

∙Immikkoortortami suleriaatsit malittarisallu ataavartumik pitsaassusaasa qulakkeernissaanut suleqataaneq

∙Sulisoqarnermut apeqqutit pillugit aqutsisunut pisariaqartitsineq naapertorlugu siunersiueqatiginninneq, siunnersuineq aamma ilinniartitsineq, matumani isumaqatigiissutit atuuttut malillugit atorfinitsitsinerit ilanngullugit

∙Sulisoqarnermut immikkoortortami ineriartortitsinermut atulersitsinermullu suliarpassuit suleqatit peqatigalugit suliarissallugit

∙Suliniutinik assigisaanillu nutaanik ineriartortitseqataaneq

∙Suliffeqarfiup ataqqinninneq, akisussaassuseqarneq ineriartortitsinerlu pillugit anguniagaanik piviusunngortitseqataaneq

**Qinnuteqartunut naatsorsuutigisat:**

∙Sulisoqarnermut immikkoortortami sulianut sullissinermullu tunngatillugu misilittagalik

∙Sulisunut tunngasunik allaffissornermi aamma Kalaallit Nunaanni pisortat suliffeqarfiini isumaqatigiissutinut tunngasunik suliaqarnermik ilisimasalik

∙Ajornanngippat Getorganized kiisalu Mindkey pillugu atuinermik ilisimasalik

∙Ajornanngippat suliassaqarfik assingusumilluunniit naleqquttumik ilinniagalik

∙Nammineq iliuuseqarusussuseqarnissaq piumassuseqarnissarlu kiisalu sullisserusussuseqarnissaq

∙Suliffiup iluani avataanilu pitsaasumik suleqateqarnissamut piginnaasaqarluarneq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

**Neqeroorutigaavut:**

Suliffik unamminartulik pissarsiffiusorlu, ilaatigut immikkoortortami allaffissornerup ineriartortinnerani aqutsisullu kiffartuunnerani akisussaaqataassallutit. Pitsaasumik suleqatigiinnissaq pingaartipparput suliallu ajornakusoorsinnaasut ulluinnarni isumagisartagassat suleqatigiinnitsinni ataatsimoorutigisavut pillugit ineriartortuarnissannut tapersersorneqassallutit.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit [www.iserit.gl](http://www.iserit.gl/) qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Nuuni Ezekiassen, oqarasuaat +299 36 71 43 imaluunniit e-mail: ks33nuhe@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1026-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1026-26)

## Attaveqarfissaq

Nuuni Helene Ezekiassen / ks33nuhe@sermersooq.gl