---
title: "Sulisoqarnermi ineriartortitsinermi immikkoortortaq ineriartortitsinermut siunnersortissarsiorpoq"
description: "Sulisoqarnermi ineriartortitsinermi immikkoortortaq ineriartortitsinermut siunnersortissarsiorpoq"
date: "2026-09-02"
created: "2026-09-02"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Sulisoqarnermi ineriartortitsinermi immikkoortortaq ineriartortitsinermut siunnersortissarsiorpoq](https://sermersooq.gl/suliffissat/inuttaqanngitsut/sulisoqarnermi-ineriartortitsinermi-immikkoortortaq-ineriartortitsinermut-siunnersortissarsiorpoq)

Qinnuteqarnissamut periarfissarititaasoq

23/9/2026

Suliffik

Nuuk

Sumiiffik

Koncernservice

Attaveqarfissaq

Majbrit Friis-Veng / ks17mafr@sermersooq.gl

Allannguinerit suliffeqarfinnut inunnullu taakkunani sulisuusunut qanoq sunniuteqartarneri paasisimasaqarfigilluarpigit? Isumassarsiat anguniakkallu nutaat ulluinnarni sukumiisumik suliniutinngortittarnissaat peqataaffigisinnaavigit? Aamma sulisut piginnaasaannik ineriartortitseqataarusussuseqarpit? Taamaappat Nunatsinni suliffeqarfiit annersaasa tulliani, Kommuneqarfik Sermersuumi, 2.500-nik sulisulimmi aaqqissuussaanermut ineriartortitsinermi suleqatigiinnut ilaalernissannut periarfissaqarputit.

Ineriartortitsinermut siunnersortitut (immikkut ittumik siunnersortitut atorfilittut) suleqatigiit tallimanik sulisullit suleqatigilissavatit. Ilinniarneq, ineriartorneq aamma sulisut aqutsisullu peqatigalugit aaqqiissutissarsiorneq ukkataralugit Kivitsisuunermi pingaarutilimmik atuuffeqartinneqassaatit. Aqutsisut nutaat aallartilluarnissaannut aamma kommunimi sulisut nutaat aallartinnissaannut iluaqutaasussanik atortussanik suliaqarnermut qulakkeerinneqataassaatit.

**Akisussaaffiit:**

∙Ilinniarneq, ineriartortitsineq suleqatigiinnerlu ukkataralugit Kivitsisuunerup siumut ingerlanneqarnissaa peqataaffigalugu

∙Kommunimi sulisut ilinniarnissaannut ineriartortinneqarnissaannullu pitsaasunik toqqammavisseeqataaneq

∙Aqutsisut nutaat aallartilluarnissaasa pilersaarusioqataaffigineri suliarinerilu

∙Atortussanik sulisut suliffimmi aallartilluarnissaannut iluaqutaasussanik suliaqarneq

∙Suliffimmi ineriartortitsinermut allannguinermullu peqataaneq aamma suliniutinik nutaanik sulinermi atorsinnaasunngorlugit allanngortitseqataaneq

**Piginnaasat:**

∙Suliffimmi ineriartortitsinermut allannguinermullu misilittagaqarneq imaluunniit soqutigisaqarneq.

∙Assigiinngitsunik sulialinnik suleqateqallaqqinneq aamma sulisut aqutsisullu akornanni kajumissuseqalersitsisarneq.

∙Kalaallisut danskisullu ilisimasaqarnissaq piumasaqaataavoq; tuluttut piginnaasaqarneq iluaqutaasinnaavoq.

**Ingerlatsivik pillugu:**

Sulisoqarnermi ineriartortitsinermi immikkoortortatsinni atorfinissaatit, tassani suleqatit sisamaasut anguniagallit ineriartortitserusuttullu, aaqqissuussaanermi pingaartitaliornissamik ilungersuussisut qanimut suleqatigilissavatit. Suleqatigiilluta pisortaqatigiinnut kommunimilu aqutsisunut assigiinngitsunut siammasissumik attaveqarpugut. Suleqatigiinni ilakkuminartuunermik kultureqarpugut tunniusimasuullutalu, ataatsimoorluta suliatigut siunersioqatigiittarluta, suleqatigiillutalu eqqumaffigeqatigiilluta ulluinnarnilu illaqattaartuulluta. Kommunip sulisunut peqqinnissamut sulinerani akisussaasuulluta sulisunut tamanut inooqataanikkut atugarissaartuunermik pingaartitsivugut.

Aaqqissuussaanermi atorfik pissanganartoq unammillernartorlu, ineriartortitsinermik inunnillu pingaartitsiviusoq neqeroorutigaarput. Pitsaasumik allannguerusussuseqaruit sulisullu piginnaasatigut ineriartortikkusullugit qinnuteqaativit tigunissaa qilanaaraarput.

**Pinerluuteqarsimannginnermik uppernarsaat:**

Atorfik una pineqaatissinneqarsimannginnermut uppernarsaatip pissarsiarineqartussaatitaanera pillugu inatsimmut ilaavoq. Inatsit naapertorlugu atorfininneq aatsaat aallartissinnaavoq, kommunip pineqaatissinneqarsimannginnermut uppernarsaat tigoreerpagu. Taamaattumik maluginiaqquarput sulilerfissaq aatsaat isumaqatigiissutigineqarsinnaammat, kommunip pineqaatissinneqarsimannginnermut uppernarsaat Politiinit tigoreerpagu.

**Akissarsiatigut atorfinitsitsinermilu atugassarititaasut:**

Akissarsianut aamma atorfininnermi atugassarititaasunut tunngatillugu Naalakkersuisunik isumaqatigiissutit atuuttut malinneqassapput, piffissami atorfiniffiusumi Naalakkersuisut kattuffiullu isumaqatiginninniarsinnaatitaasup akornanni isumaqatigiissutit atuuttut naapertorlugit.

Atorfinitsitsinermi qaammatit pingasut misiligutaassapput.

**Ineqarneq:**

Atorfimmut atatillugu inimik innersuussisoqarsinnaanngilaq

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Majbritt Friis-Veng, oqarasuaat +299 36 71 28 imaluunniit e-mail: ks17mafr@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 861-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=861-26)

## Attaveqarfissaq

Majbrit Friis-Veng / ks17mafr@sermersooq.gl