---
title: "Suliffeqarnermut Isumaginninnermullu Ingerlatsivimmi stabimi AC-Fuldmægtig"
description: "Suliffeqarnermut Isumaginninnermullu Ingerlatsivimmi stabimi AC-Fuldmægtig"
date: "2026-08-10"
created: "2026-08-10"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Suliffeqarnermut Isumaginninnermullu Ingerlatsivimmi stabimi AC-Fuldmægtig](https://sermersooq.gl/suliffissat/inuttaqanngitsut/suliffeqarnermut-isumaginninnermullu-ingerlatsivimmi-stabimi-ac-fuldmaegtig)

Qinnuteqarnissamut periarfissarititaasoq

23/8/2026

Suliffik

Nuuk

Sumiiffik

Koncernservice

Attaveqarfissaq

Lise Buchardt / ks16libu@sermersooq.gl / 367172 / 484887

**Ulluinnaat assigiinngitsunik suliassaqarfiusut pitsaasumillu suleqatigiittut ataatsimoorfiusut utaqqipput**

Kommuneqarfik Sermersuumi Suliffeqarnermut Isumaginninnermullu Ingerlatsivimmi Stabimi piumassuseqarluartumik pikkorissumillu suleqatissarsiorpugut.

Stabimi AC-fuldmægtigitut politikkikkut aqunneqartumi pissanganartumilu sulinissat nuannarisarissavat, suliffeqarfimmilu politikkikkut takorluukkat, isumassarsiat kissaatillu Kommuneqarfik Sermersuumi innuttaasunut iluaqutissanngorlugit suliarineqartassapput.

**Suut neqeroorutigaagut:**

Suliassat pissanganartut neqeroorutigisinnaavagut, illit isummat tusaaniarneqarsinnaalluni, aqutsisunik qanimut suleqateqarneq suliatigullu ineriartortitsineq – immikkoortortaqarfik suliatigut inooqataanikkullu avatangiiserissaarfiusoq.

Sulianik isumalinnik naammassinninneq pingaartipparput. Taamaattumik isummannik avitseqateqartarnissat inissaqartinneqassaaq, suliamut tunngatillugu ataatsimullu isiginnittumik eqqartueqatigiinneq imaluunniit suleqammik itisiliilluni oqaloqatigiinneq inissaqartinneqartarput.

**Ilinnit suut naatsorsuutigaavut:**

Inuttut suliatigullu piginnaasatit pingaartippavut. Misilittagaqareersimasinnaavutit aammali ilinniakkannik naammasserlaajuguit qinnuteqarnissannut tikilluaqqusaavutit. AC-ertagut nalinginnaasumik kandidatitut assigiinngitsutigut ilinniagartuujusarput, bacheloritulli ilinniagaqarsimaguit misigisimallutillu atorfik ilinnoortuusoq qinnuteqarnissat soqutigaarput.

Suliffeqarnermut Isuginninnermullu Ingerlatsivimmi Stabimi AC-fuldmægtigitut politikkerit ingerlatsivimmilu aqutsisut toqqammavigissaartumik aalajangiinissaannut qulakkeerinneqataassaatit.

**Ilaatigut makkuninnga suliaqartassaatit:**

∙Allattariarsornikkut attaveqaqatigiinneq, tassunga ilaallutik suliassamik saqqummiussaliorneq, allakkialiorneq, misissueqqissaarneq, tusarniutinut akissuteqaasiorneq il.il.

∙Aallartinneraniit naammassinissaanut suliniutinik aqutsineq

∙Politikkikkut sulialinnik allaffissornermillu sulialinnik ataqatigiissarineq

∙Ingerlatsiviup aningaasaqarnera

∙Suleriutsinik nutaanik ineriartortitsinissaq

Tamatigoortumik suleqatissarsiorpugut, suliassanik assigiinngitsorpassuarnik suliaqarluni nuannarisalimmik aammalu illit nammineq pikkoriffigivallaanngisannik suliaqarnissamut tunuarsimaanngitsumik. Kissaatigisatit piginnaasatilluunniit naapertorlugit aamma suliassannik naleqqussaasoqarsinnaavoq.

Suleqatitsialammik immikkoortortaqarfimmi suliatigut pimoorussisumik ataatsimoornermilu akoorusuttumik ujaasivugut.

**Ataani allaqqasut ilinnut naleqquppata, qinnuteqarnissat kaammattuutigissavarput:**

·Kalaallit Nunaat soqutigisaraara

·Politikkikkut aqunneqartumi allanngueqataarusussuseqarpunga

·Allattariarsornikkut attaveqarsinnaalluartuuvunga

·Excelimik atuisinnaavunga sulilu ilikkagaqarusullunga

·Suliatigut pikkorissuuvunga sulilu pikkorinnerulerusussuseqarlunga

·Nammineq akisussaaffimmik tigusisinnaallungalu namminersorsinnaassuseqarpunga

·Siunersiueqateqarumasinnaavunga ikiortissarsiorsinnaallungalu

**Suliffik pillugu:**

Suliffeqarnermut Isumaginninnermullu Ingerlatsivimmi utoqqarnut suliassaqarfimmi, Inunnut innarluutilinnut tarnimikkullu nappaatilinnut Immikkoortortaqarfimmi kiisalu suliffeqarnermut isumaginninnermullu sullissivimmi suliassat suliarineqartarput.

Stabi politikerinut (pingaartumik Isumaginninnermut Inunnullu Innarluutilinnut Ataatsimiititamut kiisalu Utoqqarnut Isumassuinermullu Ataatsimiititamut), pisortamut ingerlatsivimmi suliassaqarfimmi fagchefinut ikiuunnermik suliaqartarpoq. Suliassat ingerlatsiviup suliassaqarfiinut tamanut tunngasuussapput.

Stabimi sulisut qulit missaaniipput assigiinngitsunik ilinniagaqarsimasut misilittagaqartullu. Stabimi pisortaq qaninnertut qullersarissavat aammali fagchefinik pisortanillu qanimut suleqateqassaatit.

Kalaallit Nunaat ilisimasaqarfigigukku pitsaaqutaassaaq, oqaaseqartut ilanngullugit, tamannali piumasaqaataanngilaq. Kalaallit Nunaat pillugu soqutiginninnerit Nuummilu inuunerup piumassuseqarfiginissaa pingaartinneqarpoq.

Nuuk illoqarfittut nuannerluinnartuuvoq, nunat tamalaat akornanni illoqarfiit pingaarnersaanni minnersaavoq, pinngortitami imaannanngitsumi inissisimasoq aamma kulturikkut, timersornikkut sunngiffimmilu sammisassatigut neqeroorutinik ulikkaartoq.

Tusarfiginissat qilanaaraarput.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Stabimi pisortaq Lise Buchardt, oqarasuaat+299 48 48 87 imaluunniit e-mail: ks16libu@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 724-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=724-26)

## Attaveqarfissaq

Lise Buchardt / ks16libu@sermersooq.gl / 367172 / 484887