---
title: "Suliffeqarnermut Isumaginninnermullu Ingerlatsivik ilinniartumik suliffimmi sungiusartussarsiorpoq"
description: "Suliffeqarnermut Isumaginninnermullu Ingerlatsivik ilinniartumik suliffimmi sungiusartussarsiorpoq"
date: "2026-08-31"
created: "2026-08-31"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Suliffeqarnermut Isumaginninnermullu Ingerlatsivik ilinniartumik suliffimmi sungiusartussarsiorpoq](https://sermersooq.gl/suliffissat/inuttaqanngitsut/suliffeqarnermut-isumaginninnermullu-ingerlatsivik-ilinniartumik-suliffimmi-sungiusartussarsiorpoq)

Qinnuteqarnissamut periarfissarititaasoq

10/9/2026

Suliffik

Nuuk

Sumiiffik

Forvaltning for Velfærd og arbejdsmarked

Attaveqarfissaq

Luvisa A. Kristiansen / ks67lukr@sermersooq.gl / 367029

**Suliffeqarnermut Isumaginninnermullu Ingerlatsivik AU Aningaasaqarnermik Nukissanillu Aqutsinermik ilinniartumik suliffimmi sungiusartussarsiorpoq**

Kommuneqarfik Sermersuumi Suliffeqarnermut Isumaginninnermullu Ingerlatsivimmi stabi ilinniartumik pikkorissumik soqutiginnittumillu suliffimmi sungiusartussarsiorpoq.

Suliffimmi sungiusartutut atorfimmi ulloq 3. novemberi 2026 aallartiffiussaaq. Piffissaq suliffiusoq suliffimmi sungiusarnermut malinnissaaq aamma ilinniarfik suleqatigalugu pilersaarusiorneqassaaq.

Suliffeqarnermut Isumaginninnermullu Ingerlatsivimmi stabi immikkoortortat suliassaqarfiillu akimorlugit ingerlatsivimmi periusissianut, aningaasatigut allaffissornikkullu sulianut ikorfartuisarpoq. Immikkoortortami sulisut maanna controlleritut suleqatigiinnut aamma pilersaarusiornermik- allaffissornermik suleqatigiinnut agguataarsimapput.

Aaqqissuussaanikkut stabimut ilanngutsinneqassaatit aamma immikkoortortamik aqutsisup Luvisa Kristiansenip ingerlataani atorfeqassaatit.

**Atorfiup imarai:**
 Suliffimmik sungiusartumik controlleritut suleqatigiinni ilaasussamik ujaasivugut, tassani aningaasaqarneq aamma nukissanik aqutsineq suliarineqarput, ilanngullugit:

·Akiligassanik suliaqarneq, ilanngullugit akiliuteqarnerit malinnaatitsinerillu

·Missingersuutit malinnaatinneqarnerinut ilanngussaqarneq suliassaqarfiillu toqqakkat aningaasaqarnerisa tamakkiisumik malittarineqarnerannik pilersitsineq

·Aningaasaqarnermi nalunaarsukkat nakkutilliiffigineqarnerannut pitsaassusiisalu qulakkeerneqarnerannut tapertaaneq

·Suleqatit immikkoortortallu peqatigalugit aningaasaqarnermik pissutsinik misissuineq qulaajaanerlu

·Aningaasaqarnermik allaffissornermillu suliassaqarfiup iluani suleriaatsinik ineriartortitseqataaneq pitsanngorsaaqataanerlu

·Controlleritut suleqatigiit suliassaanni allani ikiuunneq

Pisortat suliffeqarfiutaanni aningaasaqarnermik aqutsineq aamma pingaarnersiuineq, aamma paasissutissat malitseqartitsinerillu aalajangiinernut qanoq tunngavittut atorneqartarnerannut ilisimasaqalissaatit.

Qinnuteqaatinik tigusaqartuaannarpugut atorfinitsitsisarlutalu atorfinittussatut eqqortuusorisarput nassaarigaangatsigu.

**Qinnuteqartunit naatsorsuutigisat:**

·Aningaasaqarnermik Nukissanillu aqutsinermik qaffasissumik ilinniarnermi aallartissaatit

·Allaffissorneq pisortallu ingerlatsinerat soqutigisaqarfigissavatit

·Alapernaatsuuvutit sulianillu ingerlatsinermi nutaanik ilikkarusussuseqassaatit

**Pingaartipparputtaaq:**

·Aalajaatsuuneq, pitsaassutsimik ilisimasaqarluarneq immikkuualuttunillu maluginiaasinnaaneq

·Allattariarsornermi oqaluttariarsornermilu ersarissumik paatsuugassaanngitsumillu attaveqarsinnaaneq

·Nammineerluni sulisinnaaneq, akisussaassuseqarneq sullissiumatunerlu

·Sulianut atatillugu eqaatsumik periuseqarneq suliallu agguaanneqartarneranni aaqqiissuteqartuarsinnaasoq

·Uagut suliassatta naammassineqarnissaannut ineriartortitseqataanermut pitsanngorsaanermullu peqataasoq

·Siammasissumik suleqateqarluarsinnaaneq

**Neqeroorutigivagut:**
Pisortatut ingerlatsivimmi suliffimmi sungiusarnermik ingerlatsininni aningaasaqarnermik nukissanillu aqutsinermik suliaqarnissannut periarfissinneqassaatit.

Suliamik ingerlatsinerpiami aningaasaqarnikkut pingaarnersiuineq malinnaatitsinerlu paasisaqarfigissavatit, taamatullu illit nammineq sulianik ilinniartinneqarnerillu aqqutigalugit piginnaasanik ineriartortitsissaatit.

**Pineqaatissinneqarsimannginnermik uppernarsaat:**

Atorfimmut uunga atatillugu pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

**Akissarsiatigut atorfinitsitsinermilu atugassarititaasut:**

Suliffimmik sungiusarneq ingerlanneqassaaq ilinniagaqarneq pillugu malittarisassat atuuttut naapertorlugit.

**Inissaq:**
Atorfimmut atatillugu inigisassamik innersuussisoqarsinnaanngilaq.

**Paasissutissat annertunerusut uannga pissarsiarineqarsinnaapput:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Luvisa Kristiansen, oqarasuaat +299 36 70 29 imaluunniit e-mail: ks67lukr@sermersooq.gl

**Qinnuteqaat:**

**Qinnuteqaat qulequtserlugu** **Atorfiup ilisarnaataa 855-26-mik,**ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqassaatit:**

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

**Malugiuk:**

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=855-26)

## Attaveqarfissaq

Luvisa A. Kristiansen / ks67lukr@sermersooq.gl / 367029