---
title: "Suliffeqarfimmik pinaveersaartitsinermillu nittarsaassinermut siunnersorti"
description: "Suliffeqarfimmik pinaveersaartitsinermillu nittarsaassinermut siunnersorti"
date: "2026-11-19"
created: "2026-11-19"
---

[Hjem](https://sermersooq.gl/)

                    [Suliffissat](https://sermersooq.gl/suliffissat)

                    [inuttaqanngitsut](https://sermersooq.gl/suliffissat/inuttaqanngitsut)

                [Suliffeqarfimmik pinaveersaartitsinermillu nittarsaassinermut siunnersorti](https://sermersooq.gl/suliffissat/inuttaqanngitsut/suliffeqarfimmik-pinaveersaartitsinermillu-nittarsaassinermut-siunnersorti)

Qinnuteqarnissamut periarfissarititaasoq

10/12/2026

Suliffik

Nuuk

Sumiiffik

Koncernservice

Attaveqarfissaq

Malu Lange Pedersen / ks35mape@sermersooq.gl

Kommuneqarfik Sermersooq suliffeqarfittut nukittorsaaqataaffigerusuppiuk – aamma pinaveersaartitsinermik suliniuteqarnikkut kommunimi innuttaasunut sulisunullu allanngueqataarsuppit?

Kommuneqarfik Sermersooq ingerlatsivinni pingaartuni marlunni sulisussamik siunnersortissarsiorpoq: suliffeqarfimmik pinaveersaartitsinermillu nittarsaassineq.

Sulisut 2.400-t missaanniittuusugut assigiinngitsorpassuarnik suliaqarluta suliffeqarfimmi ingerlatsivinni assigiinngitsuniippugut. Suliffeqarfittut qanoq ittuunitta, qanoq neqerooruteqarsinnaanitta aamma Kommuneqarfik Sermersuumi sulinerup qanoq isumaqartiginerata siammarternissaa suli pikkoriffiginerulerusupparput.

Pinaveersaartitsinertaaq Kommunalbestyrelsemit pingaartinneqartorujussuuvoq. Taamaammat politikkikkut anguniakkat tigussaasunngortillugit suliniutinik pilersitseqataassaatit, soorlu nikotinimik atuinaveersaartitsineq, digitalimik isumannaallisaaneq aamma digitalimik atuineq eqqarsaatigalugit.

Atorfik sulisunik allanik akisussaaffeqarfiussanngilaq, aamma Attaveqaqatigiinnermut Sulisunullu ineriartortitsinermut immikkoortortaqarfimmi pisortamut attuumassuteqassaatit.

**Suliffeqarfimmik nittarsaassineq – suliffeqarfipput pillugu oqaluttuarneq:**

Kommuneqarfik Sermersooq nunatsinni suliffeqarfiit annersaasa ilagaat. Suliffeqarfitsinni sulisut assigiinngitsorpassuarnik piginnaasallit innuttaasunut pitsaasunik atugassaqartitsiniarlutik ullut tamaasa sulisarput.

Tamannalu pitsaanerusumik oqaluttuaralugu siammarterusupparput.

Kommunip suliffeqarfittut nittarsaanneqarnerani ineriartortitseqataallutillu ataqatigiissaareqataassatit aamma Kommuneqarfik Sermersuup suliffiginissaanut pilerinarsaaqataassaallutit – maanna sulisooreersunut aamma sulilersussanut.

Suliassatit ilaatigut ukuussapput:

∙suliffeqarfimmik nittarsaassinermi suliniutinik ineriatortitsineq ataqatigiissaarinerlu

∙sulisugut, taakkulu suliaat aamma suliffiit pillugit oqaluttuanik siammarterineq

∙imarisanik ineriartortitsineq aamma attaveqatigiinnermi atortorissaarutitigut tulluartukkut paasissutissaliorneq

∙kommunimi sulisunik immikkut pisariaqartitsiffiusumi sulisoqalernissamut suliniutinik ikiuunneq

∙kommunimi sulinermi neqeroorutaasut pillugit siammarterinissamik ineriartortitseqataaneq.

**Pinaveersaartitsineq – politikkikkut anguniakkanik tigussaasunngortitsilluni suliniuteqarneq**

Pinaveersaartitsinerup pingaartinneqarnissaa Kommunalbestyrelsep kissaatigaa. Taamaammat pinaveersaartitsilluni suliniutinik tigussaasunik ineriartortitsineq ataqatigiissaarinerlu sulinissanni pingaaruteqartunut ilaassaaq.

Ilaatigut ukununnga tunngasut pineqarput:

∙nikotinimik atuinermik pinaveersaartitsineq

∙digitalimik isumannaallisaaneq atuinerlu

Ingerlatsiviit tamaasa immikkut ilisimasaqarfigisariaqanngilatit. Illit suliassarissavat suliniutinik ingerlatsisinnaanissaq ataqatigiissaarinerlu, sulisunik ilisimasalinnik suleqatigiisitsinissaq aamma ilisimasanik politikkikkullu kissaatinik attaveqatigiinnermi ulluinarni sunniuteqartumik timitaliinissaq.

Tassa imaappoq ingerlatsiviit assigiinngitsut akimorlugit sulisinnaassaatit aamma suliassaqarfinnik, aqutsisunik, sulisunik aamma avataaniit suleqatigineqartartunik suleqateqarsinnaassaatit.

**Piginnaasassatit:**

Isumassarsianik piviusunngortitsisinnaanissat aamma suliassaqarfiit assigiinngitsut akimorlugit sulisinnaanissat pingaarnerpaavoq.

Uagutsinnut pingaartuuvoq illit:

∙attaveqatigiinnermut nassuiaanermullu pikkorissuunissat

∙pilersaarusiorsinnaanissat nammineerlutillu suliniutinik ingerlatsisinnaanissat

∙anguniakkanik pingaarnernik politikkikkullu aalajangiussanik tigussaasunngortitsineq

∙nittarsaassinermik, anngussiffiginiakkanik aamma attaveqatigiinnermi atortussianik paasisimasaqarnissat

∙attaveqaatinik pilersitsinermut suliffeqarfissuarmilu assigiinngitsunik suleqateqarnissamut pikkorissuunissat

∙aaqqissuussaasumik sulisinnaanissat aamma suliniutinik arlalinnik ataatsikkut isumagisaqarsinnaanissat

∙eqeersimaartuunissat isumassarsianillu piviusunngortitsisinnaanissat.

∙marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Suliffeqarfimmik nittarsaassinermik, attaveqaqatigiinnermik, suliniuteqarnermik, pinaveersaartitsinermik imaluunniit suliniummik ingerlatsisuunermik misilittagaqartuunissat iluaqutaassaaq, taakkuli tamaasa immikkut ilisimasaqarfigeriissagitit naatsorsuutiginngilarput.

**Atorfik sulianut sunniuteqarluarnissamut periarfissaqarluartoq**

∙Suliffeqarfimmi Attaveqaqatigiinnermut Sulisunullu ineriartortitsinermut immikkoortortaqarfimmi inissisimassaatit, tassanilu pisortaasoq aqutsisutut qaninnertut attumaassuteqarfigissavat.

∙Atorfik sulisunik allanik akisussaaffeqarfiussanngilaq, kisiannili nammineq susassaqarfinnik suliniutinillu annertuumik akisussaaffeqarfiussaaq.

∙Attaveqaqatigiinnermut Sulisunullu ineriartortitsinermut immikkoortortaqarfimmi sulisut aamma Kommuneqarfik Sermersuumi allaniittut qanimut suleqatigisassavatit.

∙Atorfik assigiinngiiaaqisunik suliassartalik neqeroorutigaarput aamma suliffeqarfimmik nittarsaassineq pinaveersaartitsinerlu pillugit siunissami qanoq suleriuseqarnissatsinnut ilusilersueqataanissamut periarfissaqarfiussaaq.

∙Atorfik tunngaviusumik piffissami tamakkiisumi suliffiussaaq, sulinerulli sivikinnerusinnaanissaanut isumaqatigiinnissamut periarfissaqarpoq.

**Pineqaatissinneqarsimannginnermut uppernarsaat:**

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

**Akissaatinut atorfinitsitaanermullu tunngatillugu atugassarititaasut:**

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

**Inissaq:**

Atorfininnermut atatillugu inissiamik innersuussisoqarsinnaanngilaq.

**Annertunerusumik paasisaqarusukkuit:**

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Immikkoortortami aqutsisoq Malu Pedersen, oqarasuaat +299 36 75 12 imaluunniit e-mail: ks35mape@sermersooq.gl

**Qinnuteqaat:**

Qinnuteqaat qulequtserlugu **Atorfiup ilisarnaataa 1225-26-mik, ilinniagaqarsimanermut uppernarsaat** siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

**Imatut qinnuteqaateqassaatit:**

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

**Malugiuk:**

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

                            [Søg stillingen](https://mkjobsermersooq.azurewebsites.net/kl-gl/Details.aspx?VID=1225-26)

## Attaveqarfissaq

Malu Lange Pedersen / ks35mape@sermersooq.gl
